{idkey=8948b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5860-michella-steenvoorde-lacle-por-aruba-merece-un-mihor-inspeccion-di-ensenansa%3FItemid%3D101][title=Michella+Steenvoorde-Lacl%C3%A9+%28POR%29%3A+Aruba+merece+un+mihor+inspeccion+di+ense%C5%88ansa][desc=]}
Uno cu ta factible, controlable y igual pa tur scolnan     

ORANJESTAD, Aruba – 02 di Mei 2017:Teniendo en cuenta e problemanan cu ta sigui aumenta riba e tereno di Enseňansa en cuanto inspeccion y e falta di esaki ta bon pa remarca cu en berdad tin un departamento di inspeccion pero cu si e ta funciona optimalmente ta un pregunta basta grandi.

Inspeccion ta responsabel pa evalua e calidad di enseñansa na scolnan pa vigila, garantisa y stimula mas y mas calidad. Pa garantisa un mihor Aruba, mester evalua sistematicamente e calidad di e enseñansa na tur scol.

Recientemente un curso di un siman a wordo duna encuanto e mehoracion di comunicacion entre scolnan y inspeccion di enseňansa. Pa asina nan ta riba mesun nivel. E training di International School Leadership (ISL) a wordo duna pa director y cabesantenan di scol, pero Departamento di Inspeccion di Enseñansa tambe a haya e oportunidad pa participa. 

No obstante pa por evalua e calidad di enseñansa na scol, Inspeccion mester por tin mas maneho, tempo y control den cuadro di control (Toezichtkader).  E cuido di calidad, enseñansa y siñamento y e organisacion y maneho mester socede mas a menudo, cu regularidad y no por tin stagnacion na momento cu tin descrepancia y falta di logra e solucion.

E control di e scol no por termina cu un rapport den un latchi. Pero mester keda continuamente na altura di situacion na scol door di haci regularmente bishita na e scolnan concerni, pidi mas informacion di e scol, haci observacion dor di ta presente den klasnan. Pero tambe resolve e problemanan den tempo record.

Klasnan na Aruba ta keda hopi grandi; 25, 28, 30, hasta 32 alumno. Mayoria di scol no tin assistent di enseñansa den klas ni un“remedial teacher”pa henter un scol. Pa asina yuda cu e muchanan cu ta cay atras den materianan.

Ta imposibel cu na anno 2017 ainda tin scolnan cu no tin material, no tin suficiente bankinan apropia y instrumentonan cu ta hasi e oranan na scol algo mas agradable.

Si enberdad a inverti 20% di e total di Aruba su presupuesto na enseňansa, lo mester menciona cuanto di esaki a bay na personal (salario y desaroyo), cuanto na infrastructura y cuanto a bay na “enseñansa”mes. Te dia di awe maestronan ta inverti placa propio den nan alumnonan ya cu e scol no por sobrevivi cada aña escolar cu un suma cu no ta cuadra cu realidad. Scolnan y mayornan ta sigui recauda fondo pa tecnologia, cu ta un abuso.

E aña aki 320 alumno di diferente scolnan di Aruba a logra e Colegio Toets. Pa duna un comparacion, na aňa 2015 e tabata 200 alumno y na 2016 292 alumno. Si sigui e cifranan aki por constata cu e MAVO/ HAVO Noord mester ta ehecutable y primordial y tampoco por keda un projecto den un kashi.

Expresionnan haci den e articulo aki no necesariamente ta refleha opinion di ArenaPoliti.co