{idkey=4929b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5833-otmar-oduber-por-parlamento-y-gobierno-ta-reconfirma-e-maneho-financiero-transparente-y-corecto-hiba-pa-nos-instituto-di-turismo%3FItemid%3D101][title=Otmar+Oduber+%28POR%29%3A+Parlamento+y+Gobierno+ta+reconfirma+e+maneho+financiero+transparente+y+corecto+hiba+pa+nos+instituto+di+Turismo][desc=]}
Cu aprobacion di relato anual 2016 di ATA     

Otmar Oduber lider di POR: Mi ta sumamente contento cu mi por a ricibi un carta fecha mei 22 2017 cu a wordo firma pa Minister di Turismo nobo sr. Mike de Meza, caminda cu su persona ta aproba e relato anual 2016 di Aruba Tourism Authority (ATA). Parlamento di Aruba riba 21 di april a ricibi esaki y caminda a aprobe dia 22 di mei door di e Minister nobo y como tambe door di e board nobo cu a wordo poni na ATA.

Parlamento di Aruba no tabatin ningun observacionof pregunta riba esaki, loke kiermen cu e maneho di 2016 a wordo unanimamene aproba pa Parlamento den su totalidad hunto cu Minister nobo y board nobo cu a wordo cambia recientemente pasobra no tabatin confiansa den e board anterior.

“Nos sa cu na hopi ocasion a wordo treci dilanti pa cierto medionan di comunicacion entre otro cu lo tin cosnan cu no ta bon ta sosode den ATA y tabatin hopi critica riba e aspecto aki. Awe e propio gobierno y Minister nobo ta aproba completamente tur e transaccionnan financiero pa loke ta “doelmatigheid y rechtmatigheid”, caminda cu un “goedkeurende verklaring” a wordo duna door di accountant bureau pa loke ta transaccionnan den ATA. Pami esaki ta hopi importante mi ta kere cu ‘no tin mentira cu e berdad no ta alcansa’.”

Sr. Oduber ta manda palabra di felicitacion na Oficina di Turismo y ta orguyoso di tabata e fundado di  ATA Sui Generis cu di 6 cuenta anual cu ta wordo entrega na tempo cu ta conta cu aprobacion, cual ta un ehempel pa departamentonan, Sui Generis y NV di gobierno. Cu a cumpli cabalmente. ATA ta solido/fuerte para riba su pia y ta cumpli cu tur su debernan y ainda tin su fondo di reserva cu ta rond di 21 miyon florin poni riba un cuenta pa ora cu tin e necesidad pa esaki. Ademas, ta duna na gobierno e ‘net results’ (ganashi) na fin di aña, contrario na un departamento cu antes tabata costa pueblo di Aruba mas o menos 37 miyon florin.

Concluyendo sr. Oduber a bisa cu ta importante pa menciona cu aña pasa ora cu a tuma e decision pa loke ta e 5 miyon adicional cu a wordo hinca den e mercado Mericano, a conduci na cifranan sumamente alentador pa loke ta cuminsamento di e aña aki. “Mi a compronde tambe for di funcionarionan di ATA cu a logra saca esaki for di e presupuesto actual di 2016 kiermen no mester a uza e fondonan (di reserva) manera cu tabata e intencion cu a bay Parlamento p’e  e tempo ey. Awe nos ta wak cu e maneho ey cu a wordo implementa a conduci y tin su resultadonan sumamente positivo. Cu aumento di grado di ocupacion di hotel, prijs di hotel y RevPar a aumenta, asina ta garantisa trabou di trahadonan den e sector aki. 

Expresionnan haci den e articulo aki no necesariamente ta refleha opinion di ArenaPoliti.co