{idkey=712b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5600-andin-bikker-por-por-cu-plannan-concreto-y-practico-pa-rescata-aruba-su-economia%3FItemid%3D101][title=Andin+Bikker+%28POR%29%3A+POR+cu+plannan+concreto+y+practico+pa+rescata+Aruba+su+economia][desc=Den+rueda+di+prensa+di+Partido+POR%2C+Plataforma+e+Forza+Nobo%2C+Andin+Bikker+a+contesta+un+pregunta+relaciona+cu+e+plan+cu+e+partido+tin+pa+resolve+e+problema+di+debe+nacional+cu+Aruba+tin.Bikker+a+mensiona+tres+punto%3APunto+1.+POR+lo+bin+cu+e+Ley+di+Crisis+y+Restauracion%2C+manera+na+Hulanda+nan+a+haci+y+a+logra+reduci+nan+debe+nacional+y+awor+tin+un+surplus+di+4+milliard+Euro.+Andin+Bikker+a+splica+cu+tur+e+partidonan+cu+a+bay+eleccion+basicamente+tabata+tin+den+plan+di+partido%2C+con+ta+bay+inverti+e]}
Den rueda di prensa di Partido POR, Plataforma e Forza Nobo, Andin Bikker a contesta un pregunta relaciona cu e plan cu e partido tin pa resolve e problema di debe nacional cu Aruba tin.

Bikker a mensiona tres punto:

Punto 1. POR lo bin cu e Ley di Crisis y Restauracion, manera na Hulanda nan a haci y a logra reduci nan debe nacional y awor tin un surplus di 4 milliard Euro. Andin Bikker a splica cu tur e partidonan cu a bay eleccion basicamente tabata tin den plan di partido, con ta bay inverti e placa. Na aña 2011 Gobierno Hulandes a bay den un crisis hopi profundo y nan a bin cu e ley di crisis y restauracion, y loke e ley aki basicamente ta haci macro economica, mirando ta e unico manera cu por restaura nos economia y baha e debe nacional, ta door di increment e  economia. Ora e actividad economico crece, gobierno di tur skina ta haya mas entrada pasobra tin mas winstbelasting y otro tipo di entrada cu derecho riba dje ta bay na caha di gobierno el a bisa. E ora ey tin mas entrada di surplus cu ta stabiliza e situacion financiero. Andin Bikker a trece dilanti cu aworaki tin 500 bouwvergunning bayendo pa 600 cu ta tranca actualmente y tambe verkavelings plan. Si tin cu un plan social di por ehemplo 80 cas social pa pueblo ta tranca, e ora ey tin un doble efecto pasobra financiamento di banco no ta los, material di construccion no ta wordo bendi, companianan di construccion no tin trabao pa nan obreronan, notarionan no ta pasa Akte, y esey ta netamente e tipo di obstaculonan innecesario cu na Hulanda nan a identifica, y a bin cu e ley menciona pa agiliza e economia segun Bikker.

Punto 2. POR lo introduci mas pilar economico. Andin a laga sa cu e partidonan di diferente signatura cu a goberna e pais aki pa mas cu trinta aña, constantemente ta papia di diversifica nos economia, pero lamentablemente hasta a perde un pilar economico, cu aworaki no ta conoci si e lo wordo restaura pasobra riba esey tambe tin diferente pregunta.

POR ta keda sostene e unico pilar economico cu nos tin cu ta turismo, cu danki Dios y na e esfuerzonan di su colega Otmar Oduber, nos economia por sostene riba dje. Den e mesun rosea aki, POR kier bin cu economia di internet, cu ya caba ta algo cu ta produci su frutonan pa diferente economia y cu ta facilmente realizable.

Punto3. Haci e departamentonan y servicionan di gobierno, cu aworaki basicamente no ta produciendo placa, genera entrada, door di sondea con por haci esey.  Bikker tin un plan cu tin riba mesun linea, for di tempo di sr. Oduber yama e “marking beleid” pa loke ta Aruba, por ehemplo e registracion di barco exitoso na Hulanda y Curacao. Na Hulanda so ta gana 1 billion Euro pa aña cu servicionan di registracion di barco. POR kier pa Aruba tambe haya esaki, pasobra awor nos isla ta ricibi cero florin. Aruba tin limitacion tambe riba ki tipo di boto y barconan por registra. POR lo presenta proyectonan di ley, inmediatamente, entre otro pa bay riba mercado di registracion di mega yachts y tambe di barconan, pa por cuminza genera entrada riba esaki tambe, el a bisa. Bikker ta haya cu mester rescata e pais aki su economia y saki di e crisis, na un manera pragmatico cu plannan cu por realiza relativamente facil, cu ta duna frutonan facil di alcanza, y cosnan concreto manera e tres ehemplonan cu el a duna y cu lo amplia mas den e simannan cu ta bin na momento cu nos presenta nos propuesta y solucionnan pa Pais Aruba.  Un cos cu mester bisa ta cu pueblo di Aruba por ta sigur cu POR tin e solucionnan pragmatico, conciso y al caso pa saca nos pais for di e crisis aki”, Andin Bikker di POR a splica.

Expresionnan haci den e articulo aki no necesariamente ta refleha opinion di ArenaPoliti.co