{idkey=9369b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5823-otmar-oduber-por-tur-mucha-na-aruba-merece-oportunidad-igual-pa-ricibi-educacion-di-calidad-halto%3FItemid%3D101][title=Otmar+Oduber+%28POR%29%3A+%E2%80%98Tur+mucha+na+Aruba+merece+oportunidad+igual+pa+ricibi+educacion+di+calidad+halto%E2%80%99][desc=]}
Resultado di encuesta importante pa basa maneho di  enseñansa. 

Diasabra mainta na Hilton Aruba Caribbean Resort & Casino a tuma luga e “Teachers Appreciation Conference” unda cu MGM Source a presenta resultadonan sumamente interesante di e estudio cu a wordo haci cerca maestronan y alumnonan na Aruba.  Sr. Larry Bell cu ta un di e mihor “motivational speakers” cu tin actual riba tereno di educacion, a percura cu henter e sala a participa activamente durante di su presentacion. Sr. Bell a duna hopi tips cu maestronan por aplica den nan klas y a regala posters y bukinan. 

Despues cu a ricibi presentacion di e resultadonan di e encuesta, sigur por mira con importante e informacion ta pa por basa un maneho riba dje, segun lider di Plataforma Pueblo Orguyoso y Respeta (POR) Otmar Oduber. ‘Awe mi a siña masha hopi mes y a ricibi hopi informacion cu no tabata conoci. Mi no ta un educador, mi no ta un maestro y mi no ta pretende di ta tampoco pero mi sa si cu esey ta e fundeshi di nos Pais. E ta futuro di e generacion cu tincu bay carga nos Pais. Como plataforma nos a bisa cu no ta importa den cua skina, den cua bario akinan na Aruba un mucha ta y no ta importa yiu di ken e ta. Locual cu ta importa ta, cu mester tin bon enseñansa y calidad halto di educacion den tur skina di Aruba.’ 

Plan di Accion 
POR den e proximo gobernacion lo Introduci un “Quality Assurance Program” (QAP). Esaki ta encera un proceso continuo unda a base di “Key Performance Indicators” (KPIs) e scolnan mes ta midi y evalua periodicamente si nan ta cumpli cu realisacion di e metanan di calidad, ta identifica y analisa factor cu ta stroba realisacion di metanan, ta tuma accion corectivo y ta raporta periodicamente na inspeccion di enseñansa encuanto cumplimento cu e QAP. Tambe lo implementa un “Quality Inspection Program” (QIP). Elementonan principal di esaki ta, fortifica inspeccion di enseñansa pa e departamento por cumpli debidamente cu su tarea di percura pa calidad halto di enseñansa y introduci un sistema pa monitorea cumplimento cu “Quality Assurance Program (QAP), unda colaboracion entre scol y inspeccion lo ta estrecho.

Den POR su “Plan di Accion” Por mira mas di locual cu ta presenta na comunidad pa e proximo gobernacion. Pa cualkier sugerencia por manda email riba This email address is being protected from spambots. You need JavaScript enabled to view it.. Si ainda no a haya acceso na e “Plan di Accion” cu ta keda dinamico te cu fin di luna, por registra y download esaki riba forsanobo.com of via e link publica riba pagina di Facebook POR E Forsa Nobo.

Expresionnan haci den e articulo aki no necesariamente ta refleha opinion di ArenaPoliti.co