{idkey=2563b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5552-hipolito-eddy-ras-por-a-base-di-desaroyo-di-ananan-escolar-un-mavo-havo-vwo-na-noord-ta-un-necesidad%3FItemid%3D101][title=Hip%C3%B3lito+%E2%80%9CEddy%E2%80%9D+Ras+%28POR%29%3A+A+base+di+desaroyo+di+a%C3%B1anan+escolar+un+MAVO%2F+HAVO+%2F+VWO+na+Noord+ta+un+necesidad][desc=A+base+di+a%C3%B1anan+escolar+di+%E2%80%9993-%E2%80%9994+te+cu+%E2%80%9913-%E2%80%9914%2C+e+demanda+pa+un+reguliere+MAVO+%2F+HAVO+na+Noord+a+bin+ta+crece.+Bou+di+reguliere+MAVO+%2F+HAVO+ta+wordo+comprendi+dagschool+%28scol+di+den+dia%29.+E+demanda+a+bin+ta+crece+como+cu+e+cantidad+di+alumnonan+di+region+Noord+%2F+Tanki+Leendert+cu+ta+sigui+nan+estudio+na+un+reguliere+MAVO+of+HAVO+%2F+VWO+a+bin+ta+aumenta.+E+aumento+di+cantidad+di+alumnonan+di+region+Noord+%2F+Tanki+Leendert+cu+a+bin+ta+aumenta+ta+wordo+se%C3%B1ala+den+e+rapportnan+di+ense%C3%B1an]}
A base di añanan escolar di ’93-’94 te cu ’13-’14, e demanda pa un reguliere MAVO / HAVO na Noord a bin ta crece. Bou di reguliere MAVO / HAVO ta wordo comprendi dagschool (scol di den dia). E demanda a bin ta crece como cu e cantidad di alumnonan di region Noord / Tanki Leendert cu ta sigui nan estudio na un reguliere MAVO of HAVO / VWO a bin ta aumenta. E aumento di cantidad di alumnonan di region Noord / Tanki Leendert cu a bin ta aumenta ta wordo señala den e rapportnan di enseñansa di Directie Onderwijs. Pa medio di e rapportnan por a acumula e informacion cu ta bin dilanti.
MAVO
20 pa 24 aña pasa tawata ta tin entre 2000 pa 2200 alumno cu tawata acudi na un MAVO aki na Aruba. 260 pa 350 di e alumnonan cu tawata acudi na un MAVO 20 pa 24 aña pasa, tawata alumnonan procedente di regio Noord / Tanki Leendert. E cantidad di alumnonan procedente di region Noord / Tanki Leendert tawata representa un porcentahe entre 13 pa 16 % di e cantidad di e alumnonan cu tawata acudi na un MAVO.

E averahe actual di e cantidad di alumno cu ta acudi na un MAVO school ta entre 3250 pa 3350 alumno. Den e ultimo añanan escolar  tin entre 600 pa 700 alumno di region Noord / Tanki Leendert cu ta acudi na un MAVO. Esaki ta presenta un porcentahe entre 20 pa 22 % di Aruba su alumnonan cu ta bay un MAVO.

HAVO / VWO
20 pa 24 aña pasa tawata ta tin entre 1200 pa 1400 alumno cu tawata acudi na un HAVO / VWO aki na Aruba. 170 pa 260 di e alumnonan cu tawata acudi na un HAVO / VWO 20 pa 24 aña pasa, tawata alumnonan procedente di region Noord / Tanki Leendert. E cantidad di alumnonan procedente di region Noord / Tanki Leendert tawata representa un porcentahe entre 14 pa 19 porciento di e cantidad di e alumnonan cu tawata acudi na un HAVO / VWO.

E averahe actual di e cantidad di alumno cu ta acudi na un HAVO / VWO school ta entre 2200 pa 2300 alumno. Den e ultimo añanan escolar  tin entre 550 pa 590 alumno di region Noord / Tanki Leendert cu ta acudi na un HAVO / VWO. Esaki ta presenta un porcentahe entre 24 pa 26 porciento di Aruba su alumnonan cu ta bay un HAVO / VWO.

E aumento di e cantidad di alumnonan di region Noord / Tanki Leendert tin di haber cu region menciona a bin ta crece. Den rapport di CBS, Censo 2010, ta indica con e poblacion di Aruba y region Noord / Tanki Leendert a bin ta crece.

	Poblacion na 1991	Poblacion na 2000	Poblacion na 2010
Aruba	66687	90506	101484
Noord / Tanki Leendert	10056	16944	21495

Rapport di CBS ta señala cu di aña 1991 pa 2010, poblacion di Aruba a crece cu 152%. Unda cu poblacion di regio Noord / Tanki Leendert a crece cu 214 %.

Pa medio di mas localidad di MAVO / HAVO / VWO, scolnan ta bay tin mas supervision di alumnonan na scol compara cu scolnan grandi. Y e situacion aki ta brinda mihor oportunidad pa miho guia social y individual den formacion di e hobennan. Cual lo duna un miho resultado di puntonan na scol y preparacion den nan siguente estudio. Un comunidad cu bon educacion ta conduci na un comunidad cu un bon bienestar.

Expresionnan haci den e articulo aki no necesariamente ta refleha opinion di ArenaPoliti.co