Perspectiva Independiente without background 001

Jaime Falconi: “ZAKENKABINET”: Alternativa autentico pa soluciona e problema socio-economico existente y restablece confiansa den gobernacion

{idkey=8983b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F6041-jaime-falconi-zakenkabinet-alternativa-autentico-pa-soluciona-e-problema-socio-economico-existente-y-restablece-confiansa-den-gobernacion%3FItemid%3D101][title=Jaime+Falconi%3A+%E2%80%9CZAKENKABINET%E2%80%9D%3A+Alternativa+autentico+pa+soluciona+e+problema+socio-economico+existente+y+restablece+confiansa+den+gobernacion][desc=]}
JaimeFalconi01
Ideologianan politico por wordo defini na diferente manera, di “links” (progresivo) pa “rechts” (conservativo) of di liberal pa dictatorial (grafico). E partido politiconan na Aruba por lo general ta profila nan mes prinicpalmente a base di un ideologia social- of cristian democrata, pero semper cu un toke liberal.

170722 spectrum politico europeo hans slomp
Spectrum politico Europeo segun Hans Slomp

E pensamento progresivo/social-democrata ta anhela un gobierno omni-potente cu mester garantisa e asina yama “verzorgingsstaat”, loke ta encera cu e gobierno ta responsabel pa e bienestar di e pueblo. Un tarea cu obviamente ta carga un cantidad di meritonan como tambe retonan importante, pasobra percura pa crea e posibilidad cu e pober tambe tin accesibilidad pa cuido medico, enseñansa liber, derecho riba empleo y sigura cu esan vulnerabel ricibi nan fair share, ta nifica un “kostenplaatje” basta halto.

Den e ideologia liberal e palabra libertad tin un significado importante. E individuo mester por desaroya su bida na su antoho y e gobierno mester mete lo mas menos posibel y unicamente ehecuta trabounan cu e individuo mes no por atende manera entre otro defensa di e pais. E meta primordial di e liberal ta creacion y ehecucion di un mercado liber. Un mercado, cu ta basa riba concurrencia y e ley di oferta y demanda.

E partidonan di signatura social-democratico a domina gobernacion despues di guerra mundial II, pero un crisis economico mundial a resulta den caida di e supremacia socialista. Den e añanan 80 y 90 a surgi un renacimento di e ideologia social-democrata. E biaha aki sinembargo e partidonan social-democrata a siña nan les y a introduci un modelo centrista na unda a reconcilia e pensamento links y rechts. E modelo a haña e nomber “Third Way” na Merca di Bill Clinton y na Inglatera di Tony Blair y na Hulanda Wim Kok a goberna cu su famoso “poldermodel”.

E experimento “Third Way” tabata di corto duracion sinembargo, pasobra un otro recesion mundial na 2008 a obliga e gobiernonan izquierdista pa tuma medidanan impopular. A sacrifica e “verzorgingsstaat”, loke a wordo castiga di inmediato y vooral e partidonan liberal a hasi bon uso di e oportunidad brinda. Liberalismo a profila su mes como un alternativa innovador prinicpalmente pa motibo di e ideanan innovador y moderno di personanan cu fama mundial manera Paul Krugman, cu a gana premio nobel di economia. Krugman tabata busca un solucion den stimulacion di e sector di servicio (diensten of tertiaire sector) loke nifica mas acceso pa e capital priva por inverti den e economia y si ta posibel hasta tuma over companianan estatal.

E ultimo tempo sinembargo a mustra un cambio den e panorama politico. E pueblo disgusta a cuminsa cuestiona e politicanan tradicional loke a promove un strategia basa riba pragmatismo y populismo cerca partidonan politico. E politico pragmatico ta laga su strategia depende di problemanan actual den e sociedad, mientras cu e pensamento populista ta rechasa e politica tradicional y ta exigi un maneho mas directo, drastico y supuestamente mas eficas. Nan ta profesa di ta representa e voz di e pueblo cu a wordo supuestamente ignora pa e partidonan tradicional.

Ideologia y maneho politico na Aruba

Gobernacion na Aruba durante e ultimo 80 aña a wordo marca pa tres fenomeno. Na prome lugar e discusion encuanto nos participacion den e Antias di 6.  Na di dos lugar por a distingui dos periodo di crecemento economico impresionante, e prome ta e desaroyo di turismo cuminsamento di añanan 60 y e di dos ta e periodo despues cu Aruba a logra su Status Aparte. Na di tres lugar e fenomeno di gobiernonan di coalicion despues di 1986. Por lo general e gobiernonan di coalicion no a logra completa e periodo completo di gobernacion pa motibo di diferencianan di opinion, pa loke probablemente a conduci cu e ultimo 16 aña nos Isla a conoce gobernacionan guia pa un partido politico so, Mep di 2001 pa 2009 y AVP di 2009 te cu 2017.

Aruba su historia politico no ta desvia mucho di e historia mundial. Democratanan tambe na Aruba tabata dirigi e pais y Aruba tambe a conoce su dip economico despues di e cierre di LAGO loke a obliga e gobierno di MEP pa implementa medidanan impopular. MEP, apesar di ta e partido mas grandi, no a participa den e prome gobierno di Pais Aruba. Den e siguiente decadanan nos economia a recupera rapidamente. Aruba su economia tabata red hot. Tabata tin trabou na abundancia, loke a genera un immigracion impresionante pa por cumpli cu e demanda laboral. E cantidad di habitante a casi duplica desde 1986. The sky was the limit. No a pensa den e posibilidad cu nos lo por a wordo sacudi atrobe pa crisisnan economico manera a sosode na 1985 y cu tabata necesario pa sigui un regimen financiero responsabel pa evita otro caida economico.

Crisis a bati na nos porta na 2008. Nos a wordo confronta cu un “double-dip”: cierre di Valero y e crisis economico mundial. Atrobe e gobierno a hañ’e obliga pa tuma cierto pasonan menos popular pa evita un deterioro financiero-economico, loke atrobe a resulta cu e partido social-democrata MEP a perde e confiansa di e pueblo.

E partido AVP cu supuestamente ta cristian-democrata a tuma nota di loke a pasa cu MEP y a introduci dos fenomeno nobo: populismo, pero tambe a distancia su mes di e pensamento cristian-democrata y e prefera pa sigui e recomendacionan liberal di entre otro Paul Krugman. A enfoca na inverti (groeien en niet snoeien) den nos economia pa stimula e desaroyo economico. A priorisa proyectonan di infrastructura y a crea di e forma ey un aumento di e debe nacional nunca antes bisto. E maneho a conduci na un confrontacion frontal cu Hulanda y implementacion di un organo di supervision financiero independiente y ehecucion di medidannan cu na final di cuenta a contra-aresta e pensamento original di e gobernacion pa inverti y no tuma medidanan di austerisacion.

E maneho a resulta den menos inversion den proyectonan social y innovacionan necesario den entre otro enseñansa, deporte, husticia, medio-ambiente y salubridad loke a conduci na un aumento di criminalidad, inseguridad cerca e ciudadano y un circulo vicioso na unda e consumidor no tin placa pa inverti den nos economia y na final un economia stanca. E gobierno a wordo adverti na multiple ocacion door di nos propio organonan consultativo pa actua di un forma mas prudente y asina evita mas deterioro di nos situacion financiero-economico. E advertencianan tabata en vano loke a obliga e gobierno di Reino pa institui e comision di supervision financiero CAft.

E motibo pakico e gobierno y partido na mando a prefera di keda burla di e consehonan y sigui cu su politica populista y ignora tur demanda pa mas transparencia y responsabilisacion di nan maneho, tin un splicacion simpel. E desorden administrativo y financiero cu tur instancia, tambe hulandes, ta keha di dje ta duna e gobierno tur oportunidad di por sigui hiba un maneho basa riba patronahe politico y nepotismo. E gobierno cu tin representacion mayoritario den parlamento ta bon na altura cu e no mester di responsabilisa su maneho deficiente na ningun momento. E resultado di e forma di proceder aki a nifica un perdida di autonomia financiero, un deterioro di e relacion cu Madre Patria y finalmente laga nos Isla sucumbi bou di un debe nacional astronomico.

Aruba lo bay tin e siguiente elecion na september 2017 na unda 10 partido politico lo participa. Kico ta nan afiliacion y vision politico? Den e debatenan politico ta dificil, cu excepcion di e partido CURPA, pa distingui un diferencia di e ideologia real di e partidonan. Loke si a resalta ta e tendencia di e partidonan pa escohe solucionanan pragmatico y populista. E modelo pragmatico/populista ta inclina mas na e banda derechista/liberal, obviamente impulsa pa un pueblo disgusta y fada di partidonan politico cu a lubida di reconoce nan “dolornan”.

Kico Aruba por spera di e siguiente gobernacion

Kico lo por ta e solucion pa sali for di un circulo vicioso di un economia stanca, un pueblo demoralisa, disgusta y polarisa, debe nacional halto, e unico pilar economico turismo cu lo por confronta retonan importante durante e siguiente gobernacion. E solucion presenta pa tur partido politico parce di lo bay ta mescos cu e ultimo 8 aña, sigui inverti y nada di medidanan di austerisacion manera entre otro CAft ta conseha. E partidonan ta keda hasi promesanan cu por lo general lo bay nifica un inversion grandi sin cu ta responsabilisa e maneho cu un estudio independiente si esakinan ta realisabel, manera ta sosode na Hulanda door di Centraal Plan Bureau.

Pa por gana e confiansa di e electorado a prefera pa recuri na hiba un politica basa riba principionan pragmatico y populista. E tristo realidad ta cu ningun partido kier comparti cu e pueblo cu un gobernacion responsabel nifica hiba un maneho a base di un plan realistico, transparente cu lo bay exigi sacrificio di parti di nos pueblo pa un tempo largo. Reduci e debe nacional di un forma responsabel, evita caida di nos economia loke lo resulta den desempleo, atende problemanan social, dedica atencion na criminalidad y un salubridad y enseñansa den decadencia, lo exigi hopi creatividad pa yega na un plan di contingencia drechi.

Si e intencion ta pa logra evita un deterioro di nos democracia y reinverti den nos sociedad anto mester inverti den un dialogo real entre e diferente partidonan politico. E solucion di e problemanan socio-economico no ta mas polarisacion y division, ni tampoco populismo. E solucion ta un compromiso nacional cu lo tin como intencion introduci reformanan social pa garantisa e bienestar di e ser humano, pero di otro banda introduci tambe  medidanan liberal, manera creacion di un gobernacion mas chikito, reduci impuesto y posiblemente privatisacion di companianan estatal. Un reconciliacion atrobe entre e pensamentonan social-democrata cu esun liberal.

Historia politico di Aruba a mustra nos cu un condicion indispensabel pa logra e dialogo necesario pa stabilisa nos situacion financiero-economico y percura pa evita mas calamidad social, no ta pa medio di formacion di un gobierno di coalicion ni tampoco un gobierno cu representacion mayoritario den parlamento, pero un gobierno cu ta consisti di vakministers. Kico lo por ta e beneficionan di un “zakenkabinet”. Na prome lugar nan no ta mara na cumpli cu ehecucion di un plan politico. Un “zakenkabinet” lo percura pa parlamento funciona mas democratico y lo exigi profesionalidad di e mandatarionan. E “zakenkabinet lo no ignora, pero extende un man na e organonan consultativo y na final lo duna e partidonan politico un mihor opcion pa profila nan ideologia den parlamento sin recuri na tendencianan populista. 

Expresionnan haci den e articulo aki no necesariamente ta refleha opinion di ArenaPoliti.co

Igmar Reyes: E prijs di desigualdad

Ultimamente, si tin un topico economico cu su fundeshi ta wordo sacudi, ta e topico riba desigualdad. Pa largo tempo teorianan y modelonan economico riba reparticion di entrada y rikesa tabata sali for di punto di bista cu capitalismo ta bon pa tur hende, desigualdad ta bon pa crecemento economico…
A22 yabi

E Yabi di Exito pa Gabinete Wever-Croes I

Columna Asiento 22 | S01E06 E proceso di formacion entre partidonan MEP, POR y RED a haci cu gabinete Wever-Croes I ta inicia cu varios strike. Pero wega no a caba. Lesa pakico e coalion ta cuminsa cu un deficit di credibilidad, y kico ta e yabi di exito principal pa gabinete Wever-Croes I. Ocho…
A22 Bestuurskantoor

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. Den e articulo aki lo presenta (en corto) un proposicion concreto pa eleccionnan separa, y lo compara…
DonnyRasmijn01

Donny Rasmijn ta adverti contra nepotismo

Diahuebs dia 26 di oktober 2017 sr. Donny Rasmijn a haci uso di su ultimo oportunidad di hiba palabra como parlamentario den Parlamento, en todo caso pa awo, pa duna diferente advertencia. Nepotismo: Haci abuso di bo posicion y poder pa faborece famia y amigonan, especialmente door di duna nan…
JohanRemkes01

Comision ta evalua cambionan den sistema parlamentario Hulandes

Na januari 2017 un comision Hulandes, Staatscommissie parlementair stelsel, a wordo forma pa investiga si mester trece cambio den e democracia parlamentario di Hulanda. Mientrastanto e comision a presenta un rapport riba e prome fase di nan investigacion, cual ta un ‘probleemverkenning’. E comision…
171017 acuerdo di gobernacion mep por red

MEP, POR y RED ta presenta nan puntonan di salida pa un programa di gobernacion

Dia 17 di oktober 2017 lidernan di partidonan MEP, POR y RED a presenta un acuerdo di formacion. E acuerdo aki ta delinea e puntonan di salida pa un posibel coalicion. E puntonan principal ta ‘bon gobernacion’, ‘finanzas publico balansa y duradero’, y ‘e ser humano central’. E acuerdo tambe ta…
UrsellArends01

‘RAIZ lo hiba oposicion pafo di Parlamento a base di principio y vision’

No ta usual cu un partido cu no a logra asiento ta wordo considera como un di e ganadonan di eleccion. Den e caso di RAIZ, hopi ta considera nan resultado di 2.107 voto un victoria. Especialmente teniendo bista riba futuro. ArenaPoliti.co a aserca e lider di RAIZ, sr. Ursell Arends, pa haci…
171005 euros

Transparencia den financiamento di partidonan politico Hulandes

Relaciona cu e eleccion parlamentario di Hulanda na maart 2017, partidonan politico Hulandes mester a entrega relatonan mustrando placa cu nan a haya (sponsors) y nan debenan. Tambe mester a entrega un relato di e placa cu candidatonan individual a ricibi. Esaki ta un obligacion segun e ley di…
green light

Luz Berde pa Geel cu Blauw?

No mas cu shete minister. Castigo minimo pa pedofiel. Drones, radar y helicopter pa vigila nos costanan. Ampliacion di e canasta basico. Elimina impuesto riba pensioen di biehes. Evalua legalisacion di uso medicinal di cannabis. Esakinan ta algun di varios punto cu partidonan MEP y POR tin en…
ArieSwaen01

Ken ta informador Arie Swaen?

Diabierna 29 di september a keda confirma oficialmente cu mr. Arie Swaen a wordo nombra como informador di e proximo gobierno. E informador ta e persona encarga cu investiga e opcionnan pa forma un gobierno despues di un eleccion. E ta wordo nombra pa gobernador (como representate di rey y gobierno…
170928 formacion di gobierno

Ki opcionnan tin pa formacion di un gabinete nobo?

E resultado di eleccion ta presenta un dilema pa e partidonan envolvi. Ken tin cu traha cu ken, y den ki forma? Tin diferente manera pa forma un gabinete pero ningun gabinete por wordo forma sin cu parlamento permiti su formacion. Por ehempel, si un gabinete por conta riba sosten di un mayoria den…
170924 Aruba lo tin su promer minister presidente femenino 01

Aruba lo tin su prome minister presidente femenino?

Aruba pronto lo tin su prome minister presidente femenino? Nos Reino a conoce varios minister presidente femenino. E gran mayoria di minister presidente femenino tabata lider di Antiyas Hulandes. Tin indicacion ta mustra cu awo Aruba pronto tambe lo bay tin un hende muhe como minister presidente.…
Pueblo

Igmar Reyes: E prijs di desigualdad

Dec 31, 2017 Igmar Reyes
Ultimamente, si tin un topico economico cu su fundeshi ta wordo sacudi, ta e topico riba desigualdad. Pa largo tempo teorianan y modelonan economico riba reparticion di entrada y rikesa tabata sali for di punto di bista cu capitalismo ta bon pa tur hende, desigualdad ta bon pa crecemento…
A22 yabi
Columna

E Yabi di Exito pa Gabinete Wever-Croes I

Nov 19, 2017 Carlos Guiamo
Columna Asiento 22 | S01E06 E proceso di formacion entre partidonan MEP, POR y RED a haci cu gabinete Wever-Croes I ta inicia cu varios strike. Pero wega no a caba. Lesa pakico e coalion ta cuminsa cu un deficit di credibilidad, y kico ta e yabi di exito principal pa gabinete Wever-Croes…
A22 Bestuurskantoor
Columna

7 motibo pa laga Pueblo eligi su Gabinete

Nov 05, 2017 Carlos Guiamo
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. Den e articulo aki lo presenta (en corto) un proposicion concreto pa eleccionnan separa, y lo…
DonnyRasmijn01
Parlamento & Gobernacion

Donny Rasmijn ta adverti contra nepotismo

Oct 27, 2017 Redaccion
Diahuebs dia 26 di oktober 2017 sr. Donny Rasmijn a haci uso di su ultimo oportunidad di hiba palabra como parlamentario den Parlamento, en todo caso pa awo, pa duna diferente advertencia. Nepotismo: Haci abuso di bo posicion y poder pa faborece famia y amigonan, especialmente door di…
JohanRemkes01
Parlamento & Gobernacion

Comision ta evalua cambionan den sistema parlamentario Hulandes

Oct 19, 2017 Redaccion
Na januari 2017 un comision Hulandes, Staatscommissie parlementair stelsel, a wordo forma pa investiga si mester trece cambio den e democracia parlamentario di Hulanda. Mientrastanto e comision a presenta un rapport riba e prome fase di nan investigacion, cual ta un ‘probleemverkenning’.…
171017 acuerdo di gobernacion mep por red
Parlamento & Gobernacion

MEP, POR y RED ta presenta nan puntonan di salida pa un programa di gobernacion

Oct 17, 2017 Redaccion
Dia 17 di oktober 2017 lidernan di partidonan MEP, POR y RED a presenta un acuerdo di formacion. E acuerdo aki ta delinea e puntonan di salida pa un posibel coalicion. E puntonan principal ta ‘bon gobernacion’, ‘finanzas publico balansa y duradero’, y ‘e ser humano central’. E acuerdo…
UrsellArends01
Entrevista

‘RAIZ lo hiba oposicion pafo di Parlamento a base di principio y vision’

Oct 08, 2017 Redaccion
No ta usual cu un partido cu no a logra asiento ta wordo considera como un di e ganadonan di eleccion. Den e caso di RAIZ, hopi ta considera nan resultado di 2.107 voto un victoria. Especialmente teniendo bista riba futuro. ArenaPoliti.co a aserca e lider di RAIZ, sr. Ursell Arends, pa…
171005 euros
Parlamento & Gobernacion

Transparencia den financiamento di partidonan politico Hulandes

Oct 04, 2017 Redaccion
Relaciona cu e eleccion parlamentario di Hulanda na maart 2017, partidonan politico Hulandes mester a entrega relatonan mustrando placa cu nan a haya (sponsors) y nan debenan. Tambe mester a entrega un relato di e placa cu candidatonan individual a ricibi. Esaki ta un obligacion segun e…
green light
Parlamento & Gobernacion

Luz Berde pa Geel cu Blauw?

Oct 01, 2017 Carlos Guiamo
No mas cu shete minister. Castigo minimo pa pedofiel. Drones, radar y helicopter pa vigila nos costanan. Ampliacion di e canasta basico. Elimina impuesto riba pensioen di biehes. Evalua legalisacion di uso medicinal di cannabis. Esakinan ta algun di varios punto cu partidonan MEP y POR…
ArieSwaen01
Reino

Ken ta informador Arie Swaen?

Oct 01, 2017 Bryan van Putten
Diabierna 29 di september a keda confirma oficialmente cu mr. Arie Swaen a wordo nombra como informador di e proximo gobierno. E informador ta e persona encarga cu investiga e opcionnan pa forma un gobierno despues di un eleccion. E ta wordo nombra pa gobernador (como representate di rey…