{idkey=3932b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5847-red-nelson-quandt-ta-candidato-nobo-di-partido-red%3FItemid%3D101][title=ReD%3A+Nelson+Quandt+ta+candidato+nobo+di+partido+ReD][desc=]}
Mi ta casa i nos tin un jiu homber y un jiu muher. Mi a nace y crese na Aruba y despues di school secundarion mi a bai studia Physica/Natuurkunde na Hulanda. Mi a traha den e sector di ICT y tambe mi a haci cursonan di desaroyo propio. Den mi opinion esaki ta hopi importante pa ora cu bo ta enfrenta momentonan dificil, bo por keda para riba bo pia y sali di e momento nan ey. Mi a bin Aruba y mi ta traha na Hospitaal den IT-departement.

Tin dos motibo cu mi a aserca ReD Democratico:

• Di locual cu mi a waak, tende y aberigua di ReD Democratico, mi por a identifica mi persona cu ReD Democratico abase di su ideologia, principio y moralidad. Mi kier ta den partido ReD Democratico pa por garantisa cu esakinan lo keda manteni y duna mi aporte den tur aspecto posibel.
• E otro motibo ta pa trese un transformacion den nos hende nan, den e pueblo di Aruba y na ultimo lugar un transformation na Aruba. Mi ta sigur cu hopi hende ta desea algo diferente cu locual cu tin awor aki. Pero lastima mente hopi no sa con pa hasi esaki y no ta kere cu esaki ta posibel. Asina aki bo ta perdi prome cu bo a cuminsa.

E problema nan cu nos ta enfrentando awor aki no por wordo solutiona cu e nivel of manera di pensamento di nos hende nan, di nos pueblo y tampoco di e politica cu ta wordo hasi.

Nos hendenan ta lam. Nos a custumbra cu e cos nan ta bai manera cu nan ta bai. Nos no ta durf di mustra kiko ta den nos mente y nos sentimento. Nos ta biba bow di un miedo cu nos no ta consiente di dje. Si e partido cu gana no ta bo partido anto con bo lo haci? Nan lo ta contra dibo. Ami tambe a tuma parti di esaki di un forma of otro. E resultadonan ta keda mescos si bo keda haci mescos. Cuminsa cambia nos custumbernan. Tin e curashi y hasi uso di bo bos.

Pa bin cu solucion pa e “PROBLEMANAN  cu nos ta ENFRENTANDO” mester cuminsa hasi e pregunta nan corecto. Laga e  contestanan guiabo den e direcion pa solucion, huntu nos tin e solucion. BO MESTER KERE DEN BO MES. Haci bo mes e preguntanan: Tin problemanan na Aruba? Kende a crea e problemanan? Cual ta e solucion pa nos pueblo?

Tin problemanan grandi na Aurba. Nos tur a crea e problemanan cu tin. Laga nos tuma responsabilidad, tuma bo forsa bek cu bo a perde.Si esei ta bo contesta, esei kiermen cu abo ta e solucion! Nos tur ta e solucion. Esnan cu ta bisa cu no tin problema ta paso nan NO ta papia pa e pueblo. “ARUBA TA BAI DILANTI ANTO E PUEBLO TA BAI PATRAS”.

Haci e pregunta: Cual ta e recurso di mas grandi di Aruba? Hopi hende lo bisa Toerismo, nos beach nan,  e solo. Pero e recurso di mas grandi ta nos hende nan. Sin nos hende nan no tin Toerismo! No tin futuro.  Nos mester inverti den nos hende nan prome cu tur cos.

Mester cuminsa na waak y reconoce tur aspecto nan cu tin: Tin e aspecto menos positivo manera pobresa, cinismo, oportunismo, egoismo y e aspecto positivo manera creativo, multilingual, servicial, cordial, bon educa, inventivo, respet, leal. Kiko ta wordo haci pa e BALANSA bai den e direccion cu e pueblo ta desea? Y ki ora e pueblo lo exigi esaki tambe? Pa e bai den e direccion positivo nos mester cambia nos punto di salida: Lo cual cu ta bon pa Aruba no ta di mes bon pa pueblo di Ruba. Tur cos cu ta bon pa e pueblo di Aruba si ta bon pa Aruba. Pueblo exigi pa un balansa nobo, bo tin un bos, bo tin e poder y bo tin e derecho.

Expresionnan haci den e articulo aki no necesariamente ta refleha opinion di ArenaPoliti.co