{idkey=4447b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5556-jan-de-ruijter-e-idiotez-berde-di-nos-marsmannetje-hombercito-di-planeta-mars-prome-minister-god-fried-eman-parti-6%3FItemid%3D101][title=Jan+de+Ruijter%3A+E+idiotez+berde+di+nos+%E2%80%9Cmarsmannetje%E2%80%9D+%28hombercito+di+planeta+mars%29%2C+prome+minister+God%28fried%29+Eman+%28parti+6%29][desc=E+%26amp%3Bnbsp%3BNONSENSE+%26amp%3Bnbsp%3BDI+%26amp%3Bnbsp%3BE+%26amp%3Bnbsp%3BMANEHO+%26amp%3Bnbsp%3BBERDE+%26amp%3Bnbsp%3BY+%26amp%3Bnbsp%3BSIN+%26amp%3Bnbsp%3BSENTIDO+%26amp%3Bnbsp%3BDI+%26amp%3Bnbsp%3B%E2%80%9CTRIPLE+%26amp%3Bnbsp%3BM%E2%80%9D%2C+MIKE+%26amp%3Bnbsp%3BMENTIROSO+%26amp%3Bnbsp%3BMANIPULADOR.%26amp%3Bnbsp%3BNOS+%26amp%3Bnbsp%3BMESTER+%26amp%3Bnbsp%3BLUBIDA+%26amp%3Bnbsp%3BE+%26amp%3Bnbsp%3BCOMBUSTIBEL+%28%E2%80%9CBRANDSTOF%E2%80%9D-NAN%29+%26amp%3Bnbsp%3BFOSIL+%26amp%3Bnbsp%3BANTO%3F%26amp%3Bnbsp%3BTa+mas+cu+claro+cu+nos+mester+lubida+riba+principalmente+carbon+y+azeta+como+fuentenan+di+energia%2C+pero+NO+pa+e+motibo+poco+convincente+cu+e+evangelista+hipocrita+Mike+Eman%2C+hunto+cu+su+partido+AVP+ta+propagand%C3%A1%2C+y+na+m]}
E  NONSENSE  DI  E  MANEHO  BERDE  Y  SIN  SENTIDO  DI  “TRIPLE  M”, MIKE  MENTIROSO  MANIPULADOR. 

NOS  MESTER  LUBIDA  E  COMBUSTIBEL (“BRANDSTOF”-NAN)  FOSIL  ANTO? 
Ta mas cu claro cu nos mester lubida riba principalmente carbon y azeta como fuentenan di energia, pero NO pa e motibo poco convincente cu e evangelista hipocrita Mike Eman, hunto cu su partido AVP ta propagandá, y na mesun momento, bao di e pretexto y capa di kier salba mundo, ta horta y ta roba Pais Aruba. 
Di berdad nos mester cuminza stop cu e dos fuentenan aki, na prome lugar pasobra na momento di refina petroleo, tin stofnan (materianan) dañino ta scapa manera por ehempel (manteniendo e nombernan na Hulandes) koolstofmonoxide, ozon, , stikstofdioxide, zwaveldioxide, y stof fini cu ta causa cancer, tur cu ta conduci na kehonan serio di pulmon, infeccion di cuero, astma, daño na organonan y wowo, y pues cancer. 
Den mi añanan como gerente di  Holiday Inn, lamentablemente mi por a tuma nota cu hendenan di San Nicolas tabata fayece na un edad mucho hoben, y esaki pa motibo di tur sorto di asuntonan cu ta afecta e curpa (“aandoeningen”) y malesanan, causá door di e refineria. 
Ta p’esey nos mester lubida riba uso di azeta como fuente di energia.
Na di dos lugar tambe, pasobra  ta tristo pa constata cu e mundo Occidental ta permiti y ta percura pa un batayon (“zooitje”: grupo grandi) di ladronnan cu ta opera for di desierto (“woestijnrovers”), Alibaba-nan kens, por bira figuranan halto den nan sociedad manera un Allah, un Sjeik, un Sjah , un Ayatolla, en todo caso personanan kendenan ta landa den multiplenan (“veelvouden” van…) di miljard di dollar, y kendenan ta explota nan mesun pueblo; esaki a bira manera un circulo vicioso unda nan ta exprimi economianan occidental, mientras cu den nan propio pais mes nan ta construi palacionan di oro; a bira tempo pa kibra e circulo vicioso aki.
Na di tres lugar hopi liher nos mester cambia pa autonan electrico, pasobra ta masha ridiculo cu ainda awe na aña 2017, nos ta core den autonan cu motor di gasolin, cu riba cualkier momento di dia, y net na momento cu bo tin algo masha importante di haci, ta daña, y ta lagabo na caya.
Esey ta completamente anticua y ya no por ta “custumber” mas.
Awendia, na aña 2017, bo ta cumpra toch un auto electrico cu semper ta core y pa colmo na un costo hopi mas barata tambe!
Oh, y by the way, ta na cas mes bo por recarga; di berdad lo bo no mester sinta warda riba gobierno y riba e puntonan pa recarga!

PERO, KIKO ANTO MESTER BINI NA NAN LUGAR?
Laga nos cuminza na stipula y determina cu en todo caso NO mester bini energia ni di biento, ni di solo.
Energia di biento ta e gran perdedor den e lucha y guera pa energia; nunca e lo bira rendabel, mientras cu energia di solo ainda ta hopi leu di por bira alcansabel na un prijs razonabel.
Kiko anto ta concretamente locual e gobierno nobo mester haci despues di dia 22 di september?
Wel, aki ta sigui e receta di e dokter: esaki ta locual ami lo haci:

Den e prome 100 dianan di un gobierno nobo:
DI  UN  MANEHO  DI  CLIMA (1)  PA  UN  MANEHO  DI  ENERGIA (2); ESPECIFICAMENTE:
1.1.Anula (stop cu) tur locual Mike Eman ta haci den e maneho di clima. E rol di Aruba den locual ta toca e clima mundial, ta 1 : 3.000.000, y pues no tin ningun sentido.
1.2. Anula y stop cu e plannan di e mulinanan di biento na Alto Vista.
1.3.Anula y para tur locual tin di haci cu conferencianan berde na Aruba.
1.4. Anula y para tur locual tin di haci cu Al Gore, Richard Branson, Carbon War Room, y otro.
1.5. Stop cu tur e biahamento pa, y e estadianan den, exterior pa participa na conferencianan riba clima pafor di Aruba.
1.6. Stop cu tur locual tin di haci cu e “Smart Community”.
1.7. Stop cu tur locual tin di haci cu e “Bureau Innovatie”, y sera e lugar ey.
1.8. Stop cu tur e trabaonan actual na e TNO/Cheung Center cu tin di haci cu maneho di clima.

2.1. Cambia/switch pa un maneho di energia,  y nombra algun experto tanto di Aruba mes como for di exterior, y laga esakinan traha riba e realisacion di energia hydro na Aruba.
Splicacion energia hydro: energia di mas barata, cu ta wordo generá door di awa den dam/represa, “stuwdam”, manera tin na Colombia, Surnam, Scandinavia.
Na Panama e energia aki ya caba ta wordo importá for di Colombia via tuberianan.
E partido MEP tambe tin e idea pa importa energia hydro di e manera aki pa Aruba. Si Panama ta haci esaki, pakiko Aruba no por importa e energia hydro aki tambe?
Tur caminda unda tin energia hidro, esaki a hiba na tarifanan di energia barata, manera ta e caso na Colombia, Panama, Surnam, Suiza, Austria, Scandinavia, Nevada na Merca (e Hoover Dam banda di Las Vegas, Canada (Niagara Falls).
2.2.     Airconan inverter; conhuntamente cu e importadornan local y banconan traha pa yega na importacion di airconan inverter, liber di impuesto (invoerrechten-vrij) durante 1 aña.
Antes mi tabata paga 500 florin pa luna pa electricidad, pero awor cu mi tin airco-inverter, mi ta paga solamente AFls. 135.00!
2.3. Mescos ta conta pa e importacion di autonan electrico.
Un conocir di mi antes tabata gasta 1000 florin pa luna pa e por core su auto, awor aki e ta haci esey cu unicamente 300 florin!
Un auto casi perfecto, y ….. nunca mas problema cu motor, un auto cu SEMPER ta core!  
2.4. Anula y kibra e contract di e hedging!
2.5. Locual ta mencioná aki riba lo conduci na cuentanan di awa y coriente barata pa cada ciudadano y pa cada famia!
Banda di esey laga algun experto tanto di nos mes como stranhero, determina si otro fuentenan di energia manera:
OTEC (Ocean Thermal Energy Conversion, energia genera for di awa di laman, 
SWAC (Seawater based Air Conditioning),
IAC (Ice based Air Conditioning),
GTL (Gas to Liquid: energia for di gas fluido)
y otro, ta cla pa ser aplicá y usá aki na Aruba, especialmente pa clientenan grandi (“grootgebruikers”).
2.6. Percura, make sure, cu e pueblo di Aruba ta haya e mihor deal den caso cu den futuro ta cuminza bora pa, y ta bay explora azeta of gas den e awanan teritorial di Aruba.
2.7. Haci esaki sin falta, sigur cu participacion di expertonan, y for di abao bay ariba, y no dictando for di ariba bay abao!

Atele ey!: un plan di accion di 15 punto, simpel y directo, pa cambia for di un maneho masha malo di clima, pa un maneho efectivo di energia, y pa di e manera ey logra na yega na tarifanan pagabel pa awa y electricidad, no unicamente pagabel pa e ciudadano comun, pero pagabel tambe pa e clientenan grandi.

Mi ta invitabo pa lesa tambe e siguiente articulo cu lo trata e “Bureau Innovatie” (Oficina di inovacion), y e enseñanza no-duradero y no-sostenibel riba Pais Aruba!


Jan de Ruijter
This email address is being protected from spambots. You need JavaScript enabled to view it.
(presentá na Papiamento pa Remigio A. R. Wever)

Expresionnan haci den e articulo aki no necesariamente ta refleha opinion di ArenaPoliti.co