{idkey=7111b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5583-andin-bikker-por-gobierno-ta-bin-cu-promesa-den-tempo-di-campana-pa-mascara-nan-incapacidad%3FItemid%3D101][title=Andin+Bikker+%28POR%29%3A+Gobierno+ta+bin+cu+promesa+den+tempo+di+campa%C3%B1a+pa+mascara+nan+incapacidad][desc=Den+rueda+di+prensa+semanal+di+POR%2C+Plataforma+e+Forza+Nobo%2C+Andin+Bikker+a+cuestiona+e+strategianan+cu+gobierno+ta+usa+pa+purba+convence+e+pueblo%2C+den+e+tempo+aki+di+campa%C3%B1a+pa+eleccion%2C+caminda+awor+si+%E2%80%9Ctur+cos+por%E2%80%9D.+Gobierno+ta+purba+baha+prijs+di+awa+y+coriente+y+ta+bin+cu+yen+di+promesa%2C+djis+pa+mascara+nan+incapacidad+pa+goberna+y+purba+laga+pueblo+lubida+riba+e+hecho+cu+nos+ciudadanonan+ta+bibando+den+inseguridad%2C+cu+no+tin+fondonan+pa+atende+cu+hopi+problema+cu+nos+tin%2C+manera+inseg]}
Den rueda di prensa semanal di POR, Plataforma e Forza Nobo, Andin Bikker a cuestiona e strategianan cu gobierno ta usa pa purba convence e pueblo, den e tempo aki di campaña pa eleccion, caminda awor si “tur cos por”. Gobierno ta purba baha prijs di awa y coriente y ta bin cu yen di promesa, djis pa mascara nan incapacidad pa goberna y purba laga pueblo lubida riba e hecho cu nos ciudadanonan ta bibando den inseguridad, cu no tin fondonan pa atende cu hopi problema cu nos tin, manera inseguridad, problema social, etc., y pa en todo caso solamente den tempo di campaña pone un tipo di cortina pa purba haci pueblo lubida cu durante e ocho añanan cu a pasa nan a goberna na un manera sin pone nan prioridadnan na nan lugar.

Ta pesey nos colega Otmar Oduber a bisa cu e no por reconoce su mes mas den e Partido AVP ni den e maneho cu nan ta hiba, y pesey el a tuma un decision pa duna e paso di distancia su mes di gobierno y lanta e plataforma aki, den cual nos tur a uni.  Pesey no tin lucha sin sacrificio y nos tur akinan a sacrifica nos mes pero pa e bien comun, pa tin un mihor gobernacion y nos di e experiencia cu nos tin a señala  y identifica e problemanan, nos a bay den acercamento cu pueblo pa consulta un rato kico ta su preocupacion y seguramente, e tres di nan cu mi a menciona” el a splica. Segun Bikker awor ta e momento, den campaña pa eleccion, cu ta bon pa refresca memoria di nos pueblo votador y haci un apelacion pa no laga nan gañe, cu pantaya cu buya, cu hopi sticker y bandera, pero pa corda cu na final di dia inseguridad lo keda bati na nan porta si keda vota pa e minister concerni, e debe nacional lo keda incontrolable, casnan social no ta wordo traha, salud publico no ta wordo atendi debidamente, y asina tin un sin fin di asunto cu no a worde soluciona manera mester ta, ni a haya e prioridadnan mereci den ocho aña di gobernacion. 

Expresionnan haci den e articulo aki no necesariamente ta refleha opinion di ArenaPoliti.co