{idkey=1668b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5731-andin-bikker-por-por-cu-ciclo-di-reunionnan-tocante-e-desaroyo-di-refineria-aruba-nv%3FItemid%3D101][title=Andin+Bikker+%28POR%29%3A+POR+cu+ciclo+di+reunionnan+tocante+e+desaroyo+di+Refineria+Aruba+NV][desc=]}
Parlamentario Andin Bikker a hiba palabra durante e conferencia di prensa di Partido POR e Plataforma Forza Nobo, diamars. 

El a haci enfasis cu POR lo keda vigila e desaroyonan di e refineria di Aruba, y a corda riba su mocion cu el a presenta den Parlamento, cu tabata instrumental pa bin un comision cu a resulta cu por a explora e apertura di e refineria, unda cu e tempo ey e gobernantenan, y prome minister Eman, tabata cla pa desmantela.  E boden line ta cu aworaki sinos ta wak e rapport di Banco Central pa e ultimo cuartal, practicamente full e crecemento economico di Pais Aruba ta depende di, netamente, e inversionnan y reapertura di e refineria. Ora Banco Central ta duna di conoce cu e ta wak cu tin cierto informacionnan cu tin un tiki confusion riba dje, y tambe nos a tuma nota siman pasa di cierto noticianan internacional, manera Bloomberg, unda cu ta expresa cu tin cierto intencion scondi, aparentemente, y cu ta menciona specificamente e nomber di dos minister, incluyendo Minister Presidente, nos como personanan responsable mester wak un rato kico ta pasando akinan” Bikker a splica. El a splica cu den su calidad di presidente di e comision encarga cu e compania estatal, bao cual entre otro e refineria di Aruba ta cay, el a cuminza cu un ciclo di reunion di cualnan e prome a tuma lugar dialuna. Den linenan grandi ta loke mi por expresa, pasobra e reunionnan aki ta di porta cera” el a bisa. 

Segun Andin Bikker, tin preocupacionnan cu ainda ta keda existi y cu sigur e proximo siman lo sigui cu e reunionnan aki y a invita e ministernan tambe, y e compania Citgo. Den mi caso tambe, pa loke ta trata e rumornan riba intencionnan cu lo bay desvia via Aruba di cierto tratadonan y/of embargonan, cu ta pone Aruba, claro, den un luz menos positivo, pa evita esaki den e contratonan firma mester inclui un addendum unda ta compromete of contractualmente, obliga e compania si esey no tey caba, pa respeta e tratadonan internacional y no cu nos ta haya cu Aruba ta wordo poni den cierto ambiente di embargo of di plannan pa purba evadi embargonan”, e parlamentario a splica. E meta di e refineria ta pa e bira un upgrading pa netamente petroleo di nos hermano pais Venezuela, y e intencion cu tabata tin semper pa e ultimo aprobacion aki pa Parlamento duna na e proyecto aki. PDR ta keda vigila e desaroyonan aki di cerca y seguramente mirando cu Banco Central pais Aruba cu e crecemento economic di 4% ta basa netamente riba e inversionnan cu mester tuma lugar den e refineria y e trabaonan cu nan kier bay crea cu e reapertura aki, Andin Biker a bisa finalmente.

Expresionnan haci den e articulo aki no necesariamente ta refleha opinion di ArenaPoliti.co