{idkey=6091b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2459-parlamentario-mr-xiomara-maduro-mep-nos-no-ta-participa-den-wega-politico-di-presidente-di-parlamento-y-minister-dowers%3FItemid%3D101][title=Parlamentario+mr.+Xiomara+Maduro+%28MEP%29%3A+Nos+no+ta+participa+den+wega+politico+di+Presidente+di+Parlamento+y+Minister+Dowers][desc=Criminalidad+ta+azota+nos+Pais+y+pesey+nos+di+Fraccion+di+MEP+a+pidi+un+reunion+publico+pa+Minister+Dowers+bin+responsabilisa+su+mes+na+Pueblo.+Pero+Presidente+di+Parlamento+den+su+afan+pa+stroba+y+silencia+opocicion+no+a+yama+e+reunion+publico%2C+pero+riba+su+mes+y+contra+Ley+di+Reglamento+di+Ordo+a+bira+yama+un+encuentro+cu+e+mandatario+di+husticia+di+nos+Pais.+Nos+di+Fraccion+di+MEP+a+bandona+e+reunion+aki+ya+cu+nos+no+ta+participa+den+e+wega+politico+di+Presidente+di+Parlamento+y+Minister+Dowe]}
Criminalidad ta azota nos Pais y pesey nos di Fraccion di MEP a pidi un reunion publico pa Minister Dowers bin responsabilisa su mes na Pueblo. Pero Presidente di Parlamento den su afan pa stroba y silencia opocicion no a yama e reunion publico, pero riba su mes y contra Ley di Reglamento di Ordo a bira yama un encuentro cu e mandatario di husticia di nos Pais. Nos di Fraccion di MEP a bandona e reunion aki ya cu nos no ta participa den e wega politico di Presidente di Parlamento y Minister Dowers.

Wega peligroso
Locual Presidente di Parlamento ta haci ta un wega peligroso cu e bienestar di nos Pais. Pasobra criminalidad ta azota nos Pais y nos Pueblo no ta sinti su mes safe mas. Parlamento den un situacion asina mester yama e Minister di Husticia pa bin duna cuenta riba su maneho kiko ta wordo haci pa mitiga e ola di criminalidad na nos Pais. Un Parlamento normal den un democracia normal lo a yama un reunion publico den un caso asina. Pero nos Pais ta birando un dictadura na man di e regimen Eman y e Presidente di Parlamento ta hunga e wega peligroso aki na amen di Mike Eman.

Den encuentro no por tuma decicion
E motibo cu un Parlamento normal lo a yama un reunion publico ta debi na e hecho cu ta solamente den un reunion publico Parlamento por tuma decicion den un caso asina. Den un encuentro Parlamento NO por tuma decicion. Den un encuentro Parlamento NO por entrega ningun mocion cu instruccion na e Minister. Esey ta e diferencia. Un Parlamento serio, un Presidente di Parlamento CAPAS cu di berdad kier atende e escalacion di criminalidad na serio, lo MESTER a yama e reunion publico cu nos di opocicion a pidi conforme ley. Keda sin yame of yama encuentro ta un falta di respet pa Pueblo, cu ta mustra cu ni Presidente di Parlamento y ni Minister Dowers NO tin interes pa resolve e problema di criminalidad creciente na nos Pais.

Nos no ta participa den wega politico
E situacion di criminalidad na Aruba ta uno sumamente serio y pesey ta incomprondibel cu Presidente di Parlamento ta haci e tipo di weganan politico aki cu algo asina serio. Nos di Fraccion di MEP durante e encuentro aki a trece nos punto dilanti y a mustra cu locual cu Presidente di Parlamento ta haci no ta correcto y ta contra ley. Dowers mester wordo cuestiona debidamente den un debate publico y no por core yama encuentro pa e por scapa di su responsabilidad. Si Fraccion di AVP kier haci wega cu ‘onderonsje’ cu Minister Dowers ta nan asunto. Pero nos di Fraccion di MEP no ta participa na weganan politico cu algo asina serio manera criminalidad creciente na nos Pais, y pesey nos a bandona e encuentro aki.

16 december 2015

Expresionnan haci den e articulo aki no necesariamente ta refleha opinion di ArenaPoliti.co