{idkey=2026b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1093-booshi-wever-upp-despues-di-2-ana-minister-alex-s-ta-bin-cu-e-noticia-cu-e-causa-di-morto-number-1-ta-problema-di-curazon%3FItemid%3D101][title=Booshi+Wever+%28UPP%29%3A+Despues+di+2+a%C3%B1a+minister+Alex+S.+ta+bin+cu+e+noticia+cu+e+causa+di+morto+number+1+ta+problema+di+curazon][desc=Ta+un+secreto+publico+cu+e+minister+di+salubridad+a+duna+muestra+di+un+incompetencia+pa+ehecuta+e+funcion+di+minister.+E+ta+hibando+un+maneho+ad-hoc+sin+pia+sin+cabes%2C+manera+corectamente+exponi+door+di+Raad+van+Advies%26amp%3Bnbsp%3Bden+nan+evaluacion+di+e+presupuesto+2014.+Su+incompetencia+parce+di+no+tin+limite%2C+ya+cu+despues+di+dos+a%C3%B1a+den+funcion%2C+e+minister+a+bin+ripara+cu+presion+halto+ta+un+enemigo+mortal+di+e+pueblo%2C+y+diripiente+ta+declara+guera+contra+presion+halto+y+ta+duna+su+departamento+%26quot%3Bo]}
Ta un secreto publico cu e minister di salubridad a duna muestra di un incompetencia pa ehecuta e funcion di minister. E ta hibando un maneho ad-hoc sin pia sin cabes, manera corectamente exponi door di Raad van Advies den nan evaluacion di e presupuesto 2014.
Su incompetencia parce di no tin limite, ya cu despues di dos aña den funcion, e minister a bin ripara cu presion halto ta un enemigo mortal di e pueblo, y diripiente ta declara guera contra presion halto y ta duna su departamento "opdracht" pa en conhunto cuminsa ataka e problematica grandi cu presion ta ocasionando na Aruba.
Con bin e minister, cu mester por tabata na altura di e complicacionnan medico cu presion halto tin cerca nos pueblo, no a tuma nota di estudionan cu a wordo ehecuta ya pa mas di 14 aña caba door di un exponente di su propio partido, ex-minister Ike Posner, y ta warda te despues di dos aña pa cuminsa tuma accion?
E contesta ta obvio: despues di e accionnan anti-democratico cu a tuma lugar durante tratamento di e presupuesto 2015 na unda a hisa e BBO te cu 3.5%, e minister a sigui e tactica delinea pa e spindoctors di AVP, y a cuminsa trata di desvia atencion cu e accion morocoy di atende e problematica di presion halto.
Siman a habri cu Minister Arthur D. ta anuncia cu lo bay prohibit autonan cu nan stuurwiel na man drechi, di core riba camindanan publico. Despues Mike de M. ta bisa cu pa 1 di juni e re-apertura di e stadion Joe Laviest lo tuma lugar. Y pa no keda afo, e minister Paul C. ta anuncia cu lo bay evalua pa aumenta e sueldo minimo, mescos cu minister Hooijboer cu diripiente a logra un convenio cu SKOA.
Smokescreen mescos cu e candela y huma cu ta sali ainda for di dump!

Loke mas a hala mi atencion ta e "ANUNCIO" dramatico y "NOBO" di Alex S. cu e cifranan di hendenan cu ta sufri di presion halto aki na Aruba, ta alarmante, y cu e causa di morto number uno aki na Aruba ta problema di curazon.
E situacion aki ta conoci pa hopi tempo caba. Dr. Posner, como minister di Salud, a laga haci un " Gezondheids-onderzoek", y loke a resalta for di e investigacion aki ta, cu un di e problemanan mas grandi aki na Aruba riba tereno di cuido medico, ta problemanan cardio-vascular, esaki grandemente a consecuencia di un otro problema cu ta "OBESIDAD". Y segun cifranan di AZV, esaki ta e caso te cu dia di awe.

Ta a base di e datonan aki, mi persona hunto cu e profesionalnan riba e tereno di Salubridad aki na Aruba, a yega na e conclusion cu nos mester trata di bin cu un cuido mas avansa riba e tereno cardio-vascular aki na Aruba. Y e tempo ey a tuma e decision cu lo bin cu un facilidad medico na SanNicolas cu ta ser yama "one-stop-shop".
Kiko nos kiermeen cu esey?

Den e facilidad medico aki, bo lo por a haya un cuido TOTAL riba e tereno aki, no solamente curativo, pero tambe preventivo.
Den cuadro di e vision aki tambe, awe mi ta sumamente contento y orguyoso di mira den medionan di comunicacion cu, den e siman di ambulance, enfermeronan ta broma cu nan ta e extension di e mannan di Señor.
Ta a base di e vision aki, nos a transforma "ambulance-vervoer" den "ambulance-ZORG"!! Hopi kier laga hende lubida, pero esey no ta storia, pero HISTORIA.
Alabes a bin un wondenpoli, un departamento di radiografia, y lo a bin ICU/MCU units den e facilidad aki. Lo a bin cambernan di operacion y alabes cambernan pa patientnan por a keda pa recupera. Y hopi cuido mas.
Banda di e parti curativo aki, a bin cu e "diabetisch-centrum" cu lo mester a percura cu na un etapa hopi tempran lo por detecta sobrepeso y pa di e manera ey vigila e personanan cu lo por ta un diabetico den futuro. Pues e parti di prevencion. Kiko a pasa cu esakinan??

Ora cu mi lesa cu IMSAN ta celebrando e di dos lustro di existencia, ta yenami cu alegria cu mas di 80% di loke ta ser broma cune, ta cosnan cu mi a laga atras caba; pero ta yenami cu tristesa cu e CURAZON di IMSAN - esta e parti pa salba bida di hende y alabes cu lo evita cu sernan humano mester bay afo pa haya un cuido super specialisa riba tereno cardio-vascular - a ser boycotea totalmente pa motibonan politico partidista y infantil.
Ta mi opinion personal cu e boycot di e gobierno di Mike E. pa priva e pueblo di un cuido cardio-vascular asina avansa, ta un CRIMEN.
Particularmente ora cu e crimen aki ta ser cometi door di hendenan cu mester sa mihor, si nan a tuma e tempo pa busca informacion y delibera cu esnan cu ta labora riba e tereno di salubridad. Pero di e mandatario aki nos sa cu nos no por spera otro, pasobra ta mucha manda e ta di Mike E. Su actitud anti-pueblo y anti-yiu di tera ela demostra caba ora cu ela join e mafianan di Miami den e proyecto di HOH, y ora e ta nenga pa un yiu di tera por bin traha aki na Aruba.
Ela demostra tambe, aparte cu e ta mucha manda di Mike E., cu e no tin salud di hende, ni bida di hende na pecho, ora cu e ta neglisha advertencianan di ehecutivonan di HOH riba e asunto di cambernan di operacion, y alabes ta bay di acuerdo cu un specialista cu ta "sjoemel" cu declaraties.

Y ya ta mas di un luna y mei pasa cu a ser bisa cu lo bin cu e resultado di e investigacion cu si gobierno y otro stakeholders a ser poni na haltura di e problema di cambernan di operacion. Ta mas cu obvio cu e tardanza aki, ta debi cu e ehecutivonan di HOH en todo caso a notifica TUR esnan involvi (incluso gobierno) por lo menos un aña y mei prome cu e contracto cu e mafiosonan di Miami a ser firma.

Kiko mas mester sosode pa pueblo lanta para y core cu e criminalnan aki? Cuanto morto mas mester cay pa nos bisa ta basta??
Palabra ta na nos pueblo, ta nos pueblo so por salbanos di e criminalnan aki.
"TA  E  PUEBLO  SO  POR  SALBA  E  PUEBLO"!!

Den nomber di Union Patriotico Progresista – U.P.P.
Candelario A. S. D. – Booshi – Wever
Brazil, mei 24, 2015

Expresionnan haci den e articulo aki no necesariamente ta refleha opinion di ArenaPoliti.co