{idkey=3388b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1208-rene-herde-avp-semper-cft-lo-conseha-pa-haci-mas%3FItemid%3D101][title=Rene+Herd%C3%A9+%28AVP%29%3A+%26quot%3BSemper+CFT+lo+conseha+pa+haci+mas%26quot%3B][desc=Ta+na+Parlamento+y+Gobierno+huzga+kico+ta+bon+pa+Aruba%26amp%3Bnbsp%3B%26amp%3Bnbsp%3B+E+ultimo+comentario+di+CFT+riba+e+presupuesto+2015+manera+aproba%2C+no+tin+niun+sorpresa.+CFT+ta+haya+cu+mester+hisa+entrada+y+baha+gasto+di+gobierno+mas+y+pa+haci%26%23039%3Be+mas+lihe.+Nan+ta+haya+cu+ta+un+bon+desicion+di+parlamento+pa+baha+e+prima+di+AZV+pa+trahadornan+y+aumenta+e+BAZV+cu+un+porciento.+Segun+CFT+esey+ta+duna+confiansa.+Tabata+di+spera+cu+CFT+lo+bisa+cu+no+a+sigui+tur+nan+consehonan+y+cu+segun+nan+mester+haci+mas+pa+subi+en]}
Ta na Parlamento y Gobierno huzga kico ta bon pa Aruba  

E ultimo comentario di CFT riba e presupuesto 2015 manera aproba, no tin niun sorpresa. CFT ta haya cu mester hisa entrada y baha gasto di gobierno mas y pa haci'e mas lihe. Nan ta haya cu ta un bon desicion di parlamento pa baha e prima di AZV pa trahadornan y aumenta e BAZV cu un porciento. Segun CFT esey ta duna confiansa. Tabata di spera cu CFT lo bisa cu no a sigui tur nan consehonan y cu segun nan mester haci mas pa subi entrada y baha gasto. Nan a pone esey den tur nan consehonan. CFT lo sigui conseha esey. Nos mester custumbra cu CFT semper lo sigui conseha pa hisa entrada di gobierno mas y baha gasto mas y mas lihe. Pa CFT nunca ta basta. Nan unico meta y tarea ta pa baha e deficit den presupuesto mas lihe posibel. Nan no tin otro meta y nan no ta tene cuenta cu nada otro! Pesey e rol di nan conseho ta limita tambe. Ta na Parlamento y Gobierno pa tene cuenta cu tur otro interes di pueblo, manera e forsa di compra y nivel di entrada di pueblo. Ta na Parlamento y Gobierno pa cuida nos economia y no tuma desicionnan pa stroba esaki of stroba creasion di mas cupo di trabao.

NORMANAN DI PRESUPUESTO
Loke gobierno mester cumpli cun'e ta e normanan cu a wordo fiha pa baha e deficit y yega e punto di un presupuesto cu e entradanan ta cubri tur e gastonan sin cu falta placa y sin cu tin cu fia placa pa cubri gastonan normal. (= Presupuesto Balansa/ Balanced Budget). E punto ey nos lo yega na 2017. Entre awor y 2017 lo sigui baha e deficit te yega 0%. E aña aki e norma ta pa e deficit yega 3.7%. Te awor gobierno a cumpli cu e norma ey. CFT ta bisa cu e no ta kere cu lo logra baha e gastonan di aumenta entradanan pa yega 3.7%.  Pesey nan ta conseha pa baha gasto mas y hisa entrada mas. Gobierno si ta kere cu e ta logra cumpli cu e norma. Basa riba e cifranan di Dept di Finansa, awor aki e deficit di presupuesto ta na 3.7%. Te awor aki gobierno a cumpli! 
E realidad ta cu e norma di 3.7% di deficit ta e norma final cu ta uza pa huzga si gobierno a cumpli cu palabracion si of no. Niun otro opinion of conseho ta conta. E consehonan di CFT pa subi entrada of pa baha gasto, ta consehonan di nan banda na gobierno, con segun CFT mester yega na cumpli cu e norma di 3.7%. Na fin di dia ta Parlamento cu ta controla gobierno y gobierno mes, ta dicidi kico nan ta haci pa cumpli cu e norma di 3.7% di deficit. Rene Herde':"Contrario na CFT cu ta wak e cifranan di finansa publico so, nos si ta wak con ta baha gasto of subi entrada sin afecta nos economia y sin stroba creasion di cuponan di trabao nobo. Nos si ta tene cuenta cu e forsa di compra di pueblo. Pesey nos no por sigui tur e consehonan di CFT sin mas. Nos ta wak nan conseho y midi nan efecto, prome cu dicidi di sigui nan. Te awor e maneho di reforma finansa publico den un forma gradual a funciona. No a tuma medida pisa manera CFT y oposicion si kier. Ta e normanan ta conta. No si ta sigui tur conseho di CFT." SegunRene Herde' mester custumbra cu CFT semper lo propone pa haci mas pa hisa entrada y baha gasto di gobierno. Pero nan no tin cunes a costo di kico ta haci esey. Nan no tin cunes kico e consecuencia di nan consehonan ta. Wak kico a sosode na Corsow! Gobierno y Parlamento di Aruba si ta tene cuenta cu loke cada desicion por nifica pa pueblo y pa nos economia. Rene Herde':"Nos a dicidi di bay poco poco, gradualmente. Ta asina nos a saca nos pais for di decadencia social, desempleo halticimo di 12% y caida di economia cu 15% entre 2009 y 2013. Awor nos ta haci mescos pa reforma finansa publico. Pero semper ta pueblo y nos economia ta conta mas pa nos. No djis e cifranan." Asina Rene Herde' a enfatisa.

Expresionnan haci den e articulo aki no necesariamente ta refleha opinion di ArenaPoliti.co