{idkey=9194b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1551-parlamentario-marlon-sneek-cu-palabra-di-reflexion-glenbert-mester-stop-di-expresa-menasa-peligroso-den-direccion-di-valero%3FItemid%3D101][title=Parlamentario+Marlon+Sneek+cu+palabra+di+reflexion%3A+Glenbert+mester+stop+di+expresa+menasa+peligroso+den+direccion+di+Valero][desc=Bay+saca+e+balki+for+di+MEP+su+wowo+y+stop+di+wak+e+splinter+den+wowo+di+otro.+Ultimamente+manera+cu+ya+mi+a+trese+padilanti+caba+den+mi+relato+di+siman+pasa%2C+atrobe+mi+por+a+constata+e+menasa+cu+parlamentario+Glenbert+Croes+ta+expresando+ultimamente.+Recientement+mi+por+a+tuma+nota+con+e+ta+expresa+si+en+dado+caso+si+Valero+no+para+desmantelashon+di+e+refineria%2C+nan+di+MEP+lo+tuma+liderasgo+pa+para+esaki+cueste+loque+cueste.+Ki+mensahe+e+parlamentario+populista+aki+te+kere+manda%2C+acaso+e+kier+i]}Bay saca e balki for di MEP su wowo y stop di wak e splinter den wowo di otro.

Ultimamente manera cu ya mi a trese padilanti caba den mi relato di siman pasa, atrobe mi por a constata e menasa cu parlamentario Glenbert Croes ta expresando ultimamente. Recientement mi por a tuma nota con e ta expresa si en dado caso si Valero no para desmantelashon di e refineria, nan di MEP lo tuma liderasgo pa para esaki cueste loque cueste. Ki mensahe e parlamentario populista aki te kere manda, acaso e kier inculca miedo den inversionistanan cu a inverti o lo kier bin inverti den nos pais?. Es decir si un dia MEP lo ta na poder nan lo por zomaar exigi y kita propiedad di e inversionistanan aki? Ta parse cu e bishitanan cu e ta hasi ukltimo tempo pazuid tine bruha, of el a cuminsa aplica e mesun modus operandi di su camaradanan di pa zuid. E hecho ta cu Valero ta doño di e refineria y di e propiedad a base di un contract firma pa Gobierno di MEP cu Coastal.
Mi ta aconseha mi colega Glenbert pa bay den historia no mucho aña atras y buska drechi pakiko awe nos no tin e refineria. E bay puntra su lider honorario pakiko e no a accepta e deal di VALERO pa no impone BBO riba exportashon di nan producto y a cambio VALERO lo inverti Biyones den un hydrocracker y e refineria den su totalidad. Fuera di esaki pais Aruba lo haya tur anja minimal 50 miyon rain or shine...es decir cu ganashi of sin ganashi Aruba lo haya e suma aki. Hecho ta Si e lider honorario di MEP e tempo ey a accepta e deal aki anto awe sigur Aruba lo tin e refineria den full su operashon ainda pasobra mirando e Biyones cu nan lo a inverti hamas nan lo a stop cu nan operashon.
Anto ironia di bida ta cu MEP ta hasi comosifuera nan lo ta e salbashon pa cu e refineria. Aki claramente por constata cu sr. Glenbert ta un fatamorgana den e mundo di refineria, aunque supuestamente e lo tawata ocupa un function halto den e compania AREVENCA, cu mayoria di nan negoshinan ta basa riba petroleo y refineria. E mester por sa claramente cu ningun compania di refineria ta paga belasting riba exportashon. Anto su partido MEP bao liderasgo di su lider honorario a nenga VALERO esaki y a exigi pa nan paga BBO riba nan productonan di exportashon y consecuentemente Valero mester a dal su portanan sera. Glenbert y MEP mester stop di apunta dede riba e Gobierno actual pasobra ta e gobierno aki ora a asumi su responsabilidad a hasi tur su maximo esfuerso pa habri e refineria bek y a logra esaki a base di un settlement agreement entre Gobierno y e compania VALERO y na unda fraccion di MEP den oposishon a vota contra di esaki tambe. Aki por constata atrobe cu no tin boluntad pa e refineria su aperture. A base di e settlement agreement aki VALERO a cuminsa cu su reapertura pero lastimamente debi na situashon mundial den mundo petrolero a haye ta stop cu su operashonnan despues di algun aña y awe nos ta sinta cu e situashon actual.
Kiermeen ora Glenbert ta grita cu si tin 1% di posibilidad pa habri e refineria bek, mester explora esaki tambe...Awel su lider honorario na 2009 no tawatin 1% pero tawatin 200% pa mantene e refineria habri pero hambra pa plaka pa asina kede pomp esakinan den friends and family y den huurmento di edificionan a para ariba cu no ta accepta e deal di VALERO y hasta a para grita na radio pa Bill Klesse coi e refineria pone riba su lomba y bay for di Aruba. Awe nos tin un Gobierno cu ta duna oido na parlamento su mocion y a y ta hasiendo su maximo esfuerzo pa buska un interesado pa cu e refineria aki y tambe por a tuma nota cu a bay Houston siman pasa y na unda VALERO a admiti di a para cu e desmantelashon temporalmente y ta habri pa sinta na mesa cu cualquier interesado. Un conseho mi ta duna mi colega Glenbert y esnan di MEP pa bosonan bay revisa just algun aña pasa e motibo y e culpable cu awe e refineria no ta den operashon mas. Awel e tin 2 nomber cual ta sr. Nelson Orlando Oduber y MEP!!

Expresionnan haci den e articulo aki no necesariamente ta refleha opinion di ArenaPoliti.co