{idkey=1529b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1911-mireille-sint-jago-di-mep-union-y-positivismo-ta-e-dos-palabranan-cu-ta-describi-mihor-cu-tur-e-ambiente-durante-e-congreso-di-mep-2015%3FItemid%3D101][title=Mireille+Sint+Jago+%28MEP%29%3A+Union+y+positivismo+ta+e+dos+palabranan+cu+ta+describi+mihor+cu+tur%2C+e+ambiente+durante+e+Congreso+di+MEP+2015+][desc=No+ta+tur+lider+por+crea+un+deseo+den+su+miembronan%2C+pa+conhuntamente+organisa+un+Congreso+asina+profesional+y+bunita%2C+manera+e+Congreso+di+MEP+2015.+Bo+mester+ta+un+lider+cu+pa+a%C3%B1anan+largo+a+logra+lidera+y+maneha+bo+partido+durante+tempestad%2C+na+un+manera+integro+y+cu+hopi+sabidur%C3%ADa+y+pasenshi.+Evelyn+ta+un+lider+cu+ta+prefera+di+lidera+y+cu+hopi+humildad+e+mes+ta+keda+patras.+E+ta+laga+otro+hende+briya%2C+sin+cu+e+ta+sinti+cu+su+liderazgo+ta+na+peliger%2C+pero+ora+cu+e+mester+sali+na+defensa+di]}
No ta tur lider por crea un deseo den su miembronan, pa conhuntamente organisa un Congreso asina profesional y bunita, manera e Congreso di MEP 2015. Bo mester ta un lider cu pa añanan largo a logra lidera y maneha bo partido durante tempestad, na un manera integro y cu hopi sabiduría y pasenshi. Evelyn ta un lider cu ta prefera di lidera y cu hopi humildad e mes ta keda patras. E ta laga otro hende briya, sin cu e ta sinti cu su liderazgo ta na peliger, pero ora cu e mester sali na defensa di nos partido of di pueblo di Aruba, e ta haci esaki na un manera decidido, sin ningun misericordia pa esnan cu ta pone e futuro di nos pais na peliger. 
Exactamente 2 aña despues di eleccion 2013, nos por wak e resultadonan di e trabou cu e dama especial aki a haci pa Partido MEP y pa tur su miembronan. Masalmente miembronan di partido a acudi pa duna sosten na e aclamacion cu Conseho di Partido a propone. E entusiasmo a laga henter Cas di Cultura briya. Esnan cu no a logra haya un asiento den auditorio mas, por a wak henter e Congreso den foyer. Tur cos tawata asina bon organisa, sin cu tawata tin mester di un compania di evento y promocion pa haciele. Esey ami ta yama e Evelyn-Effect. E amor cu Evelyn tin pa partido, su miembronan y henter pueblo di Aruba, a laga tur hende sinti cu nan kier yuda pa haci e Congreso un exito. Mientras cu Evelyn mes y demas candidatonan tawata ocupa cu e Congreso di COPPPAL, un otro grupo masha grandi mes a traha duro pa prepara e Congreso 2015 den tur detaye. E miembronan di COPPPAL a keda masha asombra di e profesionalismo y e sentimentonan colorido den sala. Ora cu Evelyn Wever-Croes a wordo re-eligi como lider di partido MEP pa 4 aña mas, e emocionnan a bay halto di alegria, riba escenario y den sala.   

Un biaha mas, partido MEP a demostra cu honestidad y capacidad ta e mihor hermentnan pa bo lidera un partido. Asina Evelyn a logra participacion na e Congreso di MEP, di tur skina. El’a cuminsa cu un tremendo pre-show, a cumpli cu tur punto di agenda di e programa pa na final caba e Congreso cu e cantica di e lema nobo di partido MEP: "Solo Ta Sali." Esaki, un biaha mas, ta e Evelyn-Effect, caminda un lider ta logra laga tur hende tin e mesun deseo, es decir, pa despues di un tempestad malo, di mal Gobernacion, pa Solo sali pa tur hende aki na Aruba atrobe. E Evelyn-Effect ta uno cu a demostra di ta hopi contagioso y por lo pronto nos lo weita con esaki lo afecta e resto di Aruba positivamente. Un cos ta sigur, e dama aki, cu a wordo re-eligi como lider di partido Movimiento Electoral di Pueblo, lo no stop di traha duro, prome cu e cumpli cu su promesa: "Solo Ta Sali Pa Nos Tur."

Expresionnan haci den e articulo aki no necesariamente ta refleha opinion di ArenaPoliti.co