{idkey=7685b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2310-benny-nisbet-ppa-san-nicolas-tin-derecho-riba-un-desaroyo-adicional-un-golfcourse-international-combina-cu-tres-hotel%3FItemid%3D101][title=Benny+Nisbet+%28PPA%29%3A+%E2%80%9CSan+Nicolas+tin+derecho+riba+un+desaroyo+adicional....+%E2%80%99Un++golfcourse+international+combina+cu+tres+hotel%21%21%E2%80%9D][desc=Durante+di+eleccion+2009+y+sigui+cu+eleccion+2013+partido+AVP+a+priminti+e+pueblo+di+San+Nicolas+nos+AVP+tin+e+vision%2C+nos+tin+e+team+di+experto%2C+ta+e+votonan+nos+falta+pa+nos+pone+San+Nicolas+como+prioridad+no.+1.+Mientras+tanto+seis+anja+a+pasa+y+ningun+desaroyo%2Fvision+a+worde+ejecuta+cu+a+of+por+crea+cuponan+di+trabao+of+un+miho+futuro+pa+e+pueblo+di+San+Nicolas.+Despues+di+seis+anja+di+gobernacion+por+fin+e+Sport+Park+na+San+Nicolas+a+hanja+atencion+y+lo+habri+dentro+di+poco+.+Tambe+pueblo+p]}
Durante di eleccion 2009 y sigui cu eleccion 2013 partido AVP a priminti e pueblo di San Nicolas nos AVP tin e vision, nos tin e team di experto, ta e votonan nos falta pa nos pone San Nicolas como prioridad no. 1. Mientras tanto seis anja a pasa y ningun desaroyo/vision a worde ejecuta cu a of por crea cuponan di trabao of un miho futuro pa e pueblo di San Nicolas.

Despues di seis anja di gobernacion por fin e Sport Park na San Nicolas a hanja atencion y lo habri dentro di poco . Tambe pueblo por a tende di un Aruba Mural Projects cu lo pinta muraya den centro di San Nicolas. Pero tog e pregunta ta ….Kiko a worde hasi na San Nicolas cu lo por crea un desaroyo economico nobo y consecuentemente ‘cuponan di trabao’ acerca ? Contesta masha poco pa nos no bisa nada !! Ningun vision….masha poco projecto real…….solamente mantencion di algun edificio/sitio/caretera den centro di San Nicolas. Locual si e pueblo a hanja tur diahuebs ta e asina jama ‘Carubbean’ cual ta musica pa tene hopi contento !!

E pregunta ta: Kiko ta e vision pa desaroyo di San Nicolas di kada organisacion politico cu tin e pretencion di por esaki ? PPA ta e unico organisacion cu a presenta un Agenda for San Nicolas cu ta ensera varios punto di desaroyo.

PPA ta kere den nos vision ‘San Nicolas Our Caribbean City’ cual ta basa riba e hecho cu San Nicolas tabata e promer ciudad unda mas cu 40 nacionalidad a biba hunto pa hopi anja lo por bira un valor agrega na e producto turistico di Aruba !!

‘San Nicolas Our Caribbean City’. den concepto di PPA ta parti di e historia real di San Nicolas y bon prepara lo por bira un parti crucial di e producto turistico di pais Aruba. Pero ora nos analisa e seis anja di gobernacion di AVP ta visible cu AVP sa masha poco di e historia real di San Nicolas y consecuentemente No por duna guia real pa crea un producto turistico cu lo por tin e valor agrega na e producto turistico di Aruba.

Pesey PPA tin un ‘Agenda for San Nicolas’ cual ta ensera un lista di projecto cu lo por cambia bida na San Nicolas, crea cupo di trabao y ofrece nos turismo un producto cu lo sirbi como ‘valor agrega na nos producto di turismo n’import presencia di un refineria na San Nicolas.

PPA ta kere fielmente den:

1. San Nicolas, Our Caribbean City,
2. Construccion di un International Golf Course na grapefield/colony na unda por worde construi tres hotel cualnan lo ta 3 of 4 streya minimalmente. Prome cu bin e grito di esnan cu No ta comprende nos vision….esaki ta den un periodo responsabel…!
3. Drechamento di varios sitio of projecto na San Nicolas cu a forma parti di e historia social- economico - cultural di San Nicolas y vecindario.
4. Nos triangular cultural cual ta consisti segun nos programa di
    a. Nos Carnaval Village/museum.
    b. San Nicolas Historical & Multicultural Museum.
    c. San Nicolas Auditorium.
    d. Desaroyo di un parti di e vision di Health & Wellness na San Nicolas y vecindario.
5. PPA ta kere fielmente cu e contribution cultural di San Nicolas den sentido di e.o. steelband, Carnaval, Calypso y Soca merece mucho mas atencion y sosten di parti di gobierno di Aruba ….locual nan no ta ricibiendo !!

E Agenda di San Nicolas tin hopi mas vision y projecto pero lamentablemente a keda comproba cu partido AVP y gobierno Mike Eman simpelmente NO tin un vision pa desaroyo di San Nicolas na un forma serio .

PPA kier ta masha cla……..nos ta kere fielmente den desaroyo di un vision pa desaroya San Nicolas como un parti di e producto turistico di Aruba den cual:
a. E International Golfcourse
b. Construccion di tres Hotel……maximalmente. PPA no ta kere cu hotelnan ‘All inclusive’ pero PPA ta kere fielmente den construccion di tres hotel 3 of 4 star den cual un di e hotelnan aki por ta un Spa hotel. Tur esaki por……..pero ta partido AVP No tin e conocemento ….ta con ??

Nos ‘Agenda for San Nicolas’ ta ensera mucho mas……!

E hecho cu gobierno di AVP No tabata por a logra ni un hotel despues di SEIS anja di gobernacion ta bisa hopi mes. SEIS anja ….y nada…ta demonstra cu San Nicolas NO tabata prioridad di AVP !!

SEIS anja ….y solamente perdida di cupo di trabao …ta demonstra incapacidad pa goberna !!

SEIS anja … y Oranjestad a hanja 2.5 billion florin(2500 million) na inversion y San Nicolas a ricibi apenas 30 million florin ta demonstra cu San Nicolas ….no tabatatin prioridad serca e gobierno aki.

PPA lo bin cu mas informacion pa demonstra e incapacidad di AVP pa goberna nos pais y pa salba tanto Aruba como San Nicolas !!

Aruba, 14 november 2015                                      Lider Politico di PPA

Expresionnan haci den e articulo aki no necesariamente ta refleha opinion di ArenaPoliti.co