{idkey=3013b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2423-rene-herde-avp-stop-di-busca-elogio-pa-cos-cu-abo-y-bo-partido-no-a-haci%3FItemid%3D101][title=Rene+Herd%C3%A9+%28AVP%29%3A+Stop+di+busca+elogio+pa+cos+cu+abo+y+bo+partido+no+a+haci][desc=Ministernan+di+energia+y+di+labor+ta+na+Houston+na+merca+caminda+e+oficina+principal+di+e+compania+CITGO+ta.+Nan+a+bay+na+e+oficina+principal+di+CITGO+pa+sigui+cu+e+deliberacion+riba+posibel+re-apertura+di+e+refineria+na+Aruba.+Nos+a+ricibi+informacion+cu+e+deliberacionnan+ta+bayendo+bon%2C+pero+cu+falta+basta+asunto+pa+atende.+Awor+tin+cu+atende+detayenan+importante+manera+e+modelo+di+operacion+cu+e+compania+lo+usa+den+operacion+di+e+refineria%2C+e+condicionnan+di+belasting+cu+lo+ta+aplicabel+pa+e+]}
Ministernan di energia y di labor ta na Houston na merca caminda e oficina principal di e compania CITGO ta. Nan a bay na e oficina principal di CITGO pa sigui cu e deliberacion riba posibel re-apertura di e refineria na Aruba. Nos a ricibi informacion cu e deliberacionnan ta bayendo bon, pero cu falta basta asunto pa atende. Awor tin cu atende detayenan importante manera e modelo di operacion cu e compania lo usa den operacion di e refineria, e condicionnan di belasting cu lo ta aplicabel pa e refineria, e area di e refineria y e facilidadnan existente cu lo usa, e condicionnan laboral cu lo ta aplicabel pa e compania. Tur e puntonan dificil y delicado aki mester wordo atendi. E team di experto di Aruba ta na Houston pa hiba e deliberacionnan aki cu e top di e compania CITGO. E informacion cu nos a haya ta cu e combersacionnnan ta bayendo bon, pero nan no ta cla ainda.

Parlamentario GLENBERT CROES
Mientars cu e delegacion cu dos minister di gobierno di Aruba ta den deliberacion na e oficina principal na Houston, e miembro di parlamento di e partido MEP, sr. Glenbert Croes a bay Venezuela y for di ayanan ta manda mensahenan pa crea e impresion cu e lo ta atendiendo algo cu tin di haci cu posibel re-aprtura di e refineria. Rene Herdé: “Mi por informa y confirma boso cu sr. Glenbert Croes no ta atendiendo nada riba e refeneria. Ni cu CITGO ni cu PDVSA. E compania CITGO no tin niun contacto cu niun miembro di Parlamento di Aruba. Ta un partner so nan conoce den e deliberacion aki. Esaki ta gobierno di Aruba.” Asina e lider di fraccion di AVP a declara.
Rene Herdé  a sigui splica cu sr. Glenbert Croes no tin y no por tin niun autoridad legal pa papia den nomber di Aruba. No tin niun compania cu lo atende asuntonan di e magnitud aki cu un miembro di parlamento. Nan ta atende esaki cu gobierno di e pais. Loke sr Glenbert Croes ta haci ta manda un señal robez pa Aruba y pa e compania. Nan mester por ta puntra nan mes ta ki sorto di pais esaki ta cu mientras cu nan ta delibera cu e gobierno di e pais, un miembro di parlamento ta para ta grita den un otro pais, cu ta e ta habri e refineria. E unico cos cu sr. Croes ta haci, ta pone Aruba mustra malo.

HONOR
Rene Herdé a bisa cu ta parse cu sr. Glenbert Croes aparentemente kier e honor pa un posibel re-apertura di e refineria y pesey ta haci e macakeria aki. Rene Herdé: “Si sr. Glenbert Croes  y MEP ta asina na fabor di e refineria, ta pakico a bay contra di e reapertura na 2011? Si sr. Glenbert Croes kier a habri e refineria ta pakico niun di e 7 companianan cu e y partido PDR tabata tin, nunca a presenta na Parlament?. Cada biaha nan tabata bira malo y cancela reunion. Si sr. Glenbert Croes mes ta bisa cu ta danki na dje cu e refineria lo habri, ta pakico e kier a lanta un comision y paga un americano 7 miyon florin pa busca forma pa habri e refineria? Si sr. Glenbert Croes mes por a habri e refineria, ta pakico a lanta e grupo di PARA y haci tanto beheit pa habri e refineria? Segun mi sr. Glenbert Croes mester siña actua mas responsabel y no busca elogio pa trabou cu e y su partido a stroba pa tanto aña caba.”

Expresionnan haci den e articulo aki no necesariamente ta refleha opinion di ArenaPoliti.co