{idkey=7452b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2436-parlamentario-mr-xiomara-maduro-mep-e-causa-cu-coriente-a-bay-pa-hopi-ora-na-aruba-ta-debi-na-fayo-den-trabou-haci-na-green-corridor%3FItemid%3D101][title=Parlamentario+mr.+Xiomara+Maduro+%28MEP%29%3A+E+causa+cu+coriente+a+bay+pa+hopi+ora+na+Aruba+ta+debi+na+fayo+den+trabou+haci+na+Green+Corridor][desc=Poco+dia+atras+Parlamento+tabata+tin+un+encuentro+cu+Minister+De+Meza+y+e+ehecutivonan+di+WEB+y+Elmar+y+nos+a+haci+uso+di+e+oportunidad+pa+puntra+e+mandatario+ta+kiko+ta+e+problema+cu+cada+ves+coriente+ta+bay+den+varios+bario+na+Aruba+te+cu+poco+tempo+atras+tabata+tin+un+blackout.+Ta+hopi+pregunta+nos+ta+haya+for+di+Pueblo+cu+ta+puntra+ta+dicon+ultimo+tempo+coriente+ta+bay+asina+hopi.+Mas+pregunta+a+bin+dilanti+ora+cu+WEB+y+Elmar+despues+di+e+blackout+cu+tabata+tin+ultimo+a+saca+comunicado+di+pr]}
Poco dia atras Parlamento tabata tin un encuentro cu Minister De Meza y e ehecutivonan di WEB y Elmar y nos a haci uso di e oportunidad pa puntra e mandatario ta kiko ta e problema cu cada ves coriente ta bay den varios bario na Aruba te cu poco tempo atras tabata tin un blackout. Ta hopi pregunta nos ta haya for di Pueblo cu ta puntra ta dicon ultimo tempo coriente ta bay asina hopi. Mas pregunta a bin dilanti ora cu WEB y Elmar despues di e blackout cu tabata tin ultimo a saca comunicado di prensa pa informa cu e fayo no ta serca nan. Si e fayo no ta serca nan, ta serca ken e ta anto? Riba e pregunta aki Minister De Meza durante e encuentro a contesta cu e causa cu coriente a bay ultimo pa hopi ora ta debi na fayo den trabou haci na Green Corridor.

Proyecto ta faya y Pueblo mester paga
No ta promer biaha cu nos ta tende cu fayonan ta wordo haci den proyecto cu ta pone cu coriente ta bay na diferente bario. Asina nos por corda con coriente a bay pa hopi ora na diferente parti na Aruba debi na fayo cu a wordo haci na trabounan na e promer fase di linear park na unda cu a mishi cu kabel di halto voltahe. Tambe bo ta haya e trabounan robes cu a wordo haci den Caya Betico Croes na unda tambe tabata tin problema cu kabel di coriente. Y awor ta na Green Corridor tambe bo ta haya e fayonan aki cu ta bira costa un capital pa drecha sin papia mes di e danio cu e tipo di blackout aki ta haci na comercio y Pueblo. Remarcabel ta cu e gastonan extra aki di utilidad no ta core pa esnan cu ta haci e proyecto pero mester wordo paga pa e companianan di utilidad WEB y Elmar. Esey ta algo cu Minister Sevinger mes a yega di confirma na nos ora nos a puntra e mandataio aki ken ta core cu e gastonan di e trabounan di utilidad cu meser wordo haci na por ehempel Green Corridor. Minister Sevinger a indica cu WEB y Elmar ta cubri e gastonan. Bisando esaki nos por conclui cu ta Pueblo lo paga pa e trabou extra y e danionan haci y cu ta pesey bo ta haya cu prijs di coriente ta subi enves di baha. Pueblo mester paga hasta pa fayonan cometi door di proyectonan cu despues Pueblo lo mester paga miyones pa por haci uso di nan.

Cada proyecto mester paga pa gastonan di utilidad
Ta bira tempo pa Minister De Meza, Utilities y e companianan di utilidad duna Pueblo un mihor splicacion riba e gastonan cu cada proyecto ta trece cune y busca manera pa e gastonan aki wordo cubri pa esnan cu ta ehecuta e proyectonan aki. Pasobra no por ta asina cu Pueblo mester paga mas cu ta necesario na awa y coriente djies pa por cubri e gastonan di e trabounan y e fayonan cometi pa esnan cu ta ehecuta proyecto na nos Pais. Sigur pa locual ta trata e proyectonan di Caya Betico Croes, Linear Park prome fase y Green Corridor, mester bin claridad ta cuanto gastonan a wordo haci pa trabou y fayonan riba e tereno di utilidad.


13 december 2015

Expresionnan haci den e articulo aki no necesariamente ta refleha opinion di ArenaPoliti.co