{idkey=4468b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2506-benny-nisbet-ppa-den-intento-pa-suavisa-dolor-causa-na-pueblo-gab-mike-eman-avp-a-practica-mea-nos-culpa%3FItemid%3D101][title=Benny+Nisbet+%28PPA%29%3A+%26quot%3BDen+intento+pa+suavisa+dolor+causa+na+pueblo%E2%80%A6%E2%80%A6.Gab.+Mike+Eman+%28AVP%29+a+practica+%E2%80%98mea%28nos%29+culpa%E2%80%99%21%21%26quot%3B][desc=E+%26amp%3Bnbsp%3B%E2%80%98hedging%E2%80%99+pa+parti+di+WEB+NV+cu+bendicion+di+ministro+Mike+de+Meza+%26amp%3Bnbsp%3Btabatatin+consecuencia+dramatico+pa+pueblo+di+Aruba+durante+2015.+%26amp%3Bnbsp%3BAwe+%26amp%3Bnbsp%3Bcu+rond+mundo+ta+pagand+%24+35%2C--+pa+bari+%26amp%3Bnbsp%3Bna+Aruba+nos+ta+paga+alrededor+di+%24+95%2C--+pa+bari+cu+ta+mas+cu+200+%25+cu+pueblo+lo+mester+paga+%21%21.+Consecuentemente+esaki+ta+impacta+e+prijs+cu+pueblo+di+Aruba+ta+pagando+pa+awe+y+corriente+dramaticamente.+Si+un+ciudadano+ta+pagando+e+suma+mensual+di+f.+300%2C--+pa+luna+esaki+probablemente]}
E  ‘hedging’ pa parti di WEB NV cu bendicion di ministro Mike de Meza  tabatatin consecuencia dramatico pa pueblo di Aruba durante 2015.  Awe  cu rond mundo ta pagand $ 35,-- pa bari  na Aruba nos ta paga alrededor di $ 95,-- pa bari cu ta mas cu 200 % cu pueblo lo mester paga !!.

Consecuentemente esaki ta impacta e prijs cu pueblo di Aruba ta pagando pa awe y corriente dramaticamente. Si un ciudadano ta pagando e suma mensual di f. 300,-- pa luna esaki probablemente lo mester f. 100,-- pa luna. Cu otro palabra pueblo di Aruba ta worde perjudica un 200 %  pa  luna.

Riba e penultimo dia di anja gabinete Mike Eman a tene un conferencia di prensa unda tabata presente Prome Ministro Mike Eman, Ministro encarga cu Elmar y WEB Mike de Meza y representantenan di e companianan envolvi  durante cual Ministro Presidente a anuncia cu nan a analisa henter e problematica y a jega na e conclusion cu prijs di corriente lo baha entrante  januari 2016 cu apenas 10 %.

Na prome lugar PPA ta di opinion cu e acto y decision aki ta un ‘intento pa suavisa’ e dolor causa  pero na mes momento e ta un practica  di  ‘mea (nos) culpa’, acceptando  e  error dramatico cu gabinete Mike Eman a causa cu ta perjudicando kada familia aki na Aruba unda  nan mester paga casi 200 % mas cu normalmente un familia lo mester paga.

MEA/NOS CULPA……pero ata un rebaho di 10 % pa boso……!!  Esta abuso….ta perjudica kada famia cu mester paga mas cu 200  %   cu situacion mundial ta pone cu nan mester paga !!  Aumentando tur producto y servicio cu e pueblo mester paga dramaticamente !! Pueblo ta pagando e prijs pa ‘mal maneho’ di gobierno di AVP/Gabinete Mike Eman y si e pueblo tabata duda ….e rebaho den pura na final di anja ta demonstra e admission di gabinete Mike Eman cu ta nan eror serio !! Pero  e rebaho ta coi hari….solamente 10 % mientras pueblo ta pagando  mas cu 200 % mas cu pueblo mester paga !!

Un crisis financiero  cu deficitnan halto, fondo presta di mas, debenan cu pueblo mester paga !! Hedging  cu ta causa cu pueblo mensualmente ta worde perjudica  cu 200 % of mas !! y mucho mas crisis causa pa maneho di AVP esta gabinete Mike Eman !! PPA ta di opinion cu ora anja habri, gabinete Mike Eman lo hasi e pueblo un fabor  pa entrega su retiro asina cu anja habri  y decretal eleccionan pa pueblo elehi un parlamento y un gobierno nobo !!


Aruba,  30 december 2015                       Lider Politico di PPA

                                                                     BENNY NISBET

Expresionnan haci den e articulo aki no necesariamente ta refleha opinion di ArenaPoliti.co