{idkey=6957b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2657-minister-otmar-oduber-strategia-di-mercadeo-pa-norte-america-ta-dunando-su-fruto%3FItemid%3D101][title=Minister+Otmar+Oduber%3A+Strategia+di+mercadeo+pa+Norte+America+ta+dunando+su+fruto][desc=Lo+sigui+cu+reunionnan+pa+mercadonan+di+Latino+America+y+Europa%26amp%3Bnbsp%3BDiaranson+mainta+Minister+Otmar+Oduber+tabata+presente+durante+e+reunion+di+e+Comite+di+Mercadeo+di+Norte+America+pa+asina+delibera+hunto+cu+e+partnernan+e+maneho+cu+lo+hiba+pa+loke+ta+e+mercado+aki.E+mandatario+a+bisa+cu+normalmente+na+cuminsamento+di+a%C3%B1a+a%C3%B1a+ATA+ta+reuni+cu+e+mayoria+di+e+teamnan+di+sales+%26amp%3Bamp%3B+marketing+di+e+diferente+hotelnan+y+e+a%C3%B1a+aki+a+expande+esaki+un+tiki+mas+pa+e+gerentenan+general%2C+AHATA+y+board+]}
Lo sigui cu reunionnan pa mercadonan di Latino America y Europa 

Diaranson mainta Minister Otmar Oduber tabata presente durante e reunion di e Comite di Mercadeo di Norte America pa asina delibera hunto cu e partnernan e maneho cu lo hiba pa loke ta e mercado aki.
E mandatario a bisa cu normalmente na cuminsamento di aña aña ATA ta reuni cu e mayoria di e teamnan di sales & marketing di e diferente hotelnan y e aña aki a expande esaki un tiki mas pa e gerentenan general, AHATA y board ta envolvi.
Presente na Aruba ta henter e team cu ta encarga cu e mercadeo cu ta tuma lugar na Merca y durante e reunion aki tur hende por haya un bista mas cla di e strategia cu ta wordo hiba, manera ta esun di ultimo añanan pa enfoca mas riba e mercadeo digital.
Papiando di esaki, Minister Oduber a indica cu a percura pa tin un compania na Merca cu nan unico trabou ta pa analiza e database di tur e hendenan cu ta bin Aruba y mira con ta e mihor forma pa por aloca e placing di e propaganda na Merca, con e strategia di nan ta pasa pa e compania cu mester ubica e propagandanan y naturalmente sin laga afor henter e strategia di promocion, marketing y PR cu tin cu tuma lugar. Es decir, tin un total di 5 team cu ta traha hunto riba un strategia cu ta bin for di e encuentronan cu tin normalmente cu e diferente hotelnan y stakeholders.
E strategianan utiliza te na e momentonan aki ta dunando resultado unda cu aña pasa por a mira un crecemento di casi 8% for di e mercado aki.
Minister Otmar Oduber a notifica ATA cu tin cu haci e mesun ehercicio pa tur otro stakeholders di Aruba cu no ta hotelnan. Intencion ta pa mira cu si en berdad e meta cu a pone di RevPar cu a presenta un aumento di casi 30% den e ultimo 4 pa 5 aña a filtra den nos economia. Kier wak si e personanan cu ta gastando mas na hotel en berdad ta gastando mas den nos economia, manera restaurantnan y atraccionnan, pero tambe wak si por ehempel mester di mas atraccionnan. Ta trata di midimentonan cu mester bay tuma lugar y e aña aki kier bay haci un rapport riba dje.
Minister a instrui ATA riba dos rapport cu lo mester bin, uno ta unda e hendenan ta keda y pakico nan ta acomoda den e sitionan aki y e di dos ta e filtracion cu mester tin den nos economia. Nos ta hayando e turistanan cu mihor entrada, nos ta hayando mas turista, pero kier mira unda falta empuhe pa e turista ey gasta mas den nos economia.
Minister di Turismo a indica cu e reunion aki ta pa mercado Norte Americano, pero cu mercadonan Latino Americano y Europeo lo haya e mesun atencion. Otro siman lo ta na New York pa transmiti e informacion presenta na Aruba na e partnernan eynan, despues lo tuma lugar na Colombia y den maart na Europa.

Expresionnan haci den e articulo aki no necesariamente ta refleha opinion di ArenaPoliti.co