{idkey=8033b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2719-benny-nisbet-ppa-realmente-gobernacionan-a-lucha-contra-pobreza-riba-nos-isla%3FItemid%3D101][title=Benny+Nisbet+%28PPA%29%3A+%E2%80%9CRealmente+gobernacionan+a+lucha+contra+pobreza+riba+nos+isla%3F%3F%E2%80%9D][desc=Rapport+di+I.L.O+di+2005+traha+riba+peticion+di+Staten+di+Aruba+%282003%29+pa+I.L.O.+hasi+un+analisa+di+nos+sistema+social%2Flaboral+y+duna+nos+nan+opinion+professional+con+pa+mehora+esaki+den+tur+su+aspectonan+a+worde+entrega+awor+casi+DIEZ+anja+pasa.+Ironia+si+%E2%80%A6ta+e+hecho+cu+ora+e+rapport+aki+a+keda+entrega+na+Gobierno%E2%80%A6..e+rapport+no+a+worde+manda+pa+Staten+inmediatamente.+Algun+anja+despues+%E2%80%98via+via%E2%80%99+PPA+a+logra+pone+man+riba+e+rapport+aki+y+nos+a+cuminsa+publica+algun+capitulo+di+e+rapport]}
Rapport di I.L.O di 2005 traha riba peticion di Staten di Aruba (2003) pa I.L.O. hasi un analisa di nos sistema social/laboral y duna nos nan opinion professional con pa mehora esaki den tur su aspectonan a worde entrega awor casi DIEZ anja pasa.

Ironia si …ta e hecho cu ora e rapport aki a keda entrega na Gobierno…..e rapport no a worde manda pa Staten inmediatamente. Algun anja despues ‘via via’ PPA a logra pone man riba e rapport aki y nos a cuminsa publica algun capitulo di e rapport aki.

Un ponencia importante den e rapport aki ta unda I.L.O. ta bisa …..

‘boso ta usando un sistema cu ta crea pobreza y ta mantene pobreza’ den boso pais y I.L.O. a conseha pa tene un discussion ‘nacional’ pa analisa e forma cu Aruba ta duna e gruponan cu entrada marginal un aumento esta un asina jama ‘indexering’. Manera ta conoci nos indexering ta pa duna e gruponan marginal un ‘indexering’ cual ta basa riba e ‘inflacion’ cu ta worde determina anualmente. Pa esaki Aruba ta usando e systema di C.P.I. esta Consumer Price Index cual sistema no ta garantia cu e gruponan marginal cu ta depende riba un indexering pa evita cu nan forza di compra bai atras substancialmente….sigui bai atras !!

Manera ta conoci nos pais Aruba durante majoria anja a crece bai dilanti substancialmente !! Awor e pregunta di oro ta….Con e progreso aki realmente ta worde reparti den nos sociedad arubano ??? Cu otro palabra e sistema di C.P.I. ta garantisa cu ora duna esnan cu ta ricibi e asina jama ‘indexering’ aki na mes momento ta ricibi un parti di e progreso economico tambe ?? Contesta di I.L.O. ta cu NO !! E progreso a worde reparti aparentemente solamente den un grupito di hende…no den henter e publico. Pesey I.L.O. ta bisa ……e sistema cu Aruba ta usa esta C.P.I ta duna majoria vez solamente e ‘inflacion’ y no un parti di e progreso. Pa colmo varios anja pa motibo economico-laboral questionabel e ‘indexering’ aki tampoco no sa worde duna na e forza laboral arubano ! Pesey un vez mas e ponencia di I.L.O. ta bisa ‘e sistema cu Aruba ta usa esta C.P.I. (Consumer Price Index) ta crea pobreza y ta mantene pobreza !!

I.L.O. a propone Aruba pa introduci un otro sistema ….uno cu si ta garantisa cu anualmente e inflacion/indexering ta worde paga conjuntamente cu un parti di e progreso economico arubano ….I.L.O a propone Aruba pa usa un sistema cu ta worde jama N.A.W.I. ….esta National Average Wage Index !! I.L.O a propone Aruba pa tene un discussion ‘nacional’ y evalua cambio di e sistema y eventual introduccion di e sistema di N.A.W.I. !! Awor comprende bon cu ora fiha e ‘inflacion y consecuentemente e indexering’ cu lo mester worde paga …..anto esaki ta importante pa e grupo di salario minimo, e grupo cu ta cobra pensioen, y consecuentemente e grupo cu ta cobra onderstand/bijstand y mas …..tur junto un parti substancial di nos pueblo.

Nos ta actualmente na 2016…..esta 10/11 anja mas leeuw ……y tanten cu PPA por corda…….

1. E rapport aki nunca tabata ……punto di agenda di Staten di Aruba …!!
2. E rapport aki nunca tabata ‘descussion nacional’ di pais Aruba pa locual ta trata e punto importante aki !! Nos no a tende cu un copia di e rapport aki (completo) a worde reparti pa nos gremionan ?
3. Nos no a tende opinion di e gremionan/syndicatonan riba e materia aki nunca !!
4. Si, PPA ta consciente cu cierto proposicion y conseho menciona den I.L.O. a ricibi atencion pero lamentablemente hopi laat y ‘ad hoc’ …..p.e. I.L.O. a propone na 2005 pa aumenta e edad di pensioen pa solamente 62 anja ( y esaki urgentemente) …..pero debi cu gobierno y parlamento a tarda pa tuma un decision riba esaki…..e anjanan perdi a conduci na un situacion ‘mas serio y deplorabel’ di nos fondo cu a conduci cu cierto momento(2014) a aumenta e edad pa pueblo cobra pensioen na edad di 65 anja …cu hopi consecuencia pa nos pueblo …cu nos lo diskuti den un otro articulo.

Pa PPA ta incomprendible con gobierno di diferente signatura esta tanto ‘social democrata’ como ‘Christian democrata’ NO a duna e atencion debido na e punto importante aki cu I.L.O a senjala. Tene cuenta I.L.O. NO ta bisa ningun gobierno cu nan mester hasi cualkier cos…..no I.L.O. ta conseha y den e caso aki a conseha pa gobierno di Aruba organisa un descussion nacional riba e C.P.I. versus e N.A.W.I. y ningun gobierno a permiti pa e descussion nacional aki a tuma lugar. Consecuentemente segun humilde opinion di PPA e ponencia di I.L.O. ta keda intacto’ Aruba tin un un sistema cu ta ‘crea pobreza y ta mantene pobreza’ !! Lamentablemente tambe cu otro grupo den nos sociedad manera sindicato no a dedica mucho atencion na e punto importanto aki.

REPARTICION DI RIQUEZA DI UN PAIS ??

Den un buki scirbi pa professor Thomas Piketty atencion a worde poni riba con ‘riqueza’ di un pais a worde reparti den curso di tempo. 60 % di Tur propiedad den hopi pais ta den man di 1 % di e pais !! E conclusion aki a hala hopi atencion rond mundo. E conclussion aki tambe a causa cu den varios pais nan a bai analisa profundamente ….con nan situacion mes ta. Y resultado a causa hopi temblor social den varios pais rond mundo. Lamentablemente …aki na Aruba majoria partidonan politico ta drumi. E unico partido cu den curso di tempo a pone atencion riba e punto aki di e ponencia di I.l.O pero tambe e ‘reparticion di rikeza’ of justicia social den nos pueblo den curso di tempo ta PPA. Lamentablemente varios otro simpelmente tin miedo pa mishi e topico cayente aki. Awor comprende bon….Aki PPA no ta papia di ‘kita for di un pa duna e otro’ pero si pa nos realisa con e situacion social realmente ta den nos sociedad. Y basa riba e ‘situacion real’ aki …..e politica di un gobierno pa mejora esaki den future por worde fiha na bienestar di henter un sociedad y no un grupito so !! Consciente di tur esaki PPA mester lanza e sigiente pregunta publicamente….den curso di e 30 anja di Status Aparte realmente gobernacion/parlamento a lucha contra pobreza riba nos Isla ???

Den un otro articulo PPA lo bin bek riba e materia importante aki !!

Aruba….25 di januari 2016
Lider Politico di PPA
BENNY NISBET.

Expresionnan haci den e articulo aki no necesariamente ta refleha opinion di ArenaPoliti.co