{idkey=4404b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2846-dangui-oduber-mep-minister-otmar-oduber-no-a-diversifica-nos-turismo-y-no-a-atende-cu-e-trend-di-other-accomodations-na-tempo%3FItemid%3D101][title=Dangui+Oduber+%28MEP%29%3A+Minister+Otmar+Oduber+NO+a+diversifica+nos+turismo+y+NO+a+atende+cu+e+trend+di+Other+Accomodations+na+tempo%21][desc=Minister+di+turismo+Otmar+Oduber+tawata+den+parlamento+di+Aruba+pa+atende+un+reunion+di+commission+di+turismo+den+cuadro+di+e+trend+nobo+den+turismo+cu+ta+cu+turistanan+ta+hospedando+mas+y+mas+na+%E2%80%98%E2%80%99other+accomodations%E2%80%99%E2%80%99+envez+di+na+hotelnan.+E+trend+nobo+aki+no+di+awor+y+ta+esaki+nos+a+trece+dilanti+durante+e+reunion+cu+e+minister+du+turismo.+For+di+anja+2010%2C+or+abo+haci+un+analysis+di+unda+e+turistanan+ta+keda%2C+bo+ta+nota+cu+tin+un+shift+den+e+Mercado.+Loke+nos+ta+lamenta+cu+e+minister]}
Minister di turismo Otmar Oduber tawata den parlamento di Aruba pa atende un reunion di commission di turismo den cuadro di e trend nobo den turismo cu ta cu turistanan ta hospedando mas y mas na ‘’other accomodations’’ envez di na hotelnan.
E trend nobo aki no di awor y ta esaki nos a trece dilanti durante e reunion cu e minister du turismo. For di anja 2010, or abo haci un analysis di unda e turistanan ta keda, bo ta nota cu tin un shift den e Mercado. Loke nos ta lamenta cu e minister Oduber a sinta man cruza sin atende cu e asunto aki na tempo y awe e ta afectando e sector hotelero grandamente. Pa 8 luna consecutivo hotelnan ta experienciando un grado di occupacion mas abou. Pa 8 luna consecutivo hotelnan tin un REV PAR mas abou. Loke nos ta trece dilanti ta e realidad den nos turismo. Nos ta sumamente preocupa cu e desaroyonan aki. E minister mester ta consiente cu nos no ta critica of cuestiona pa ta negativo sino mas bien nos kier mira un progreso den nos turismo.
Mas cu 400.000 turista cu a bishita nos pais anja pasa NO a hospeda na hotelnan sino na ‘’other accomodations’’. Di e 400.000 turista aki 276,000 turista Venezolano NO a keda na hotel. Si na anja 2010 13% di turistanan cu ta bin Aruba ta hospeda na hotelnan na anja 2015 esaki a bira 33%. Gradualmente desde anja 2010 por a nota esaki. Mayoria di esnan cu ta keda na ‘’other accomodations’’ ta Venezolano y esey ta loke a impacta e hotelnan. Awe minister Oduber kier sconde tras di trendnan manera airbnb, flipkey y homeaway.com pa hustifca e shift di hotel pa other accomodations. E minister ta hopi laat pa atende cu e trend aki mirando cu nos a wak esaki ta bin for di anja 2010. Awe e ta asina laat cu e kier bai usa, fuera di 76 miyon fiorin cu ja caba ta usa pa mercadeo, kier bai usa e fondo di reserva tambe. Despues di e reunion nos por conclui cu e minister sa mas di loke e la bisa parlamento pasobra loke e la bisa si ta cu hotelnan ta hopi preocupa.
Durante e reunion nos a trece dilanti tambe cu e minister no a haci ningun esfuerzo e ultimo 6 anjanan aki pa diversifica e Mercado. Pa duna un ehempel pakiko nos ta bisa esaki por wak den e corporate plan di ATA cu anja 2015 a inverti unicamente 218.000 pa diversifica e Mercado y atrae turistnan for di otro destinacionan. Pa anjanan largo a keda focus riba e Mercado mericano y esun Venezolano cual mi ta di opinion cu no mester usa masha placa mirando e forma abnormal cu esaki a crece. E cantidad di turistnan Venezolano a crece na un forma explosivo y Otmar Oduber sa cu esakinan NO tawata danki na mercadeo sino danki na e situacion di e pais.
Un minister responsabel lo a haci tur esfuerzo for di masha anja pa diversifica e Mercado di turismo.
E hecho cu minister Oduber ta bai haci uso di e fondo di reserve ta confirma cu nos ta den un crisis den turismo. Ta incomprendibel cu si den anja 2008 a haci uso di 26 miyon florin pa mercadeo awe mester 76 miyon mas e fondo di reserve pa atrae turistanan.

Expresionnan haci den e articulo aki no necesariamente ta refleha opinion di ArenaPoliti.co