{idkey=7678b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3013-minister-otmar-oduber-ta-lamenta-periodismo-di-difamacion-y-incorecto%3FItemid%3D101][title=Minister+Otmar+Oduber%3A+ta+lamenta+periodismo+di+difamacion+y+incorecto][desc=Arubiano+no+ta+kibra+Arubiano%26amp%3Bnbsp%3BAruba+a+celebra+exitosamente+nos+Celebracion+Nacional+tanto+na+Aruba+como+na+Hulanda.+Loke+cu+ta+hopi+bunita+di+e+celebracion+di+nos+Himno+y+Bandera+e+a%C3%B1a+aki+ta+cu+algun+compania+priva+di+Aruba+a+duna+nan+aporte%2C+compania+manera+Elmar%2C+WEB+%2C+Setar%2C+AAA+y+ATA+unda+cu+tur+cinco+di+nan+a+contribui+cu+sumanan+substancial+pa+por+yuda+engrandece+e+celebracion+banda+di+e+presupuesto+di+gobierno+cu+ta+un+evento+asina+importante+y+asina+grandi+yena+di+logronan+histori]}
Arubiano no ta kibra Arubiano 

Aruba a celebra exitosamente nos Celebracion Nacional tanto na Aruba como na Hulanda. Loke cu ta hopi bunita di e celebracion di nos Himno y Bandera e aña aki ta cu algun compania priva di Aruba a duna nan aporte, compania manera Elmar, WEB , Setar, AAA y ATA unda cu tur cinco di nan a contribui cu sumanan substancial pa por yuda engrandece e celebracion banda di e presupuesto di gobierno cu ta un evento asina importante y asina grandi yena di logronan historico di Aruba. Mescos cu Aruba a celebra manera mester ta na Hulanda e comunidad Arubiano merece di celebra esaki tambe mirando cu ta trata di 40 aña di Himno y Bandera y 30 aña di nos Status Aparte cu awe nos por ta orguyoso di ta bibando riba e pida baranca aki. Tambe loke cu hopi hende no a pone enfasis riba dje ta cu celebracion di Arubadag na Hulanda a cumpli 40 aña, tur esakinan ta pone cu e celebracion mester keda bay den grandi mirando cu ta un biaha so ta cumpli e aniversario aki y importante ta tambe pa un evento asina grandi keda promovi y publica debidamente pa por traspasa historia y por conta esaki aki 10, 20, 30 aña nos dilanti. Celebracion di 30 aña di nos Status Aparte y 40 aña di nos Himno y Bandera a bira e motibo berdadero di orguyo pa cada un cu tin e pida baranca aki na curason. Un sentimento cu a keda simbolisa te hasta den un cancion cu a sali ganado di e festival un "Canto pa Aruba" titula "Arubiano ta esun". Ironicamente e mesun cancion aki ta enfoca riba e aspecto cu "Arubiano no ta kibra Arubiano", pero ta saca un man pa yuda otro hiba e pais aki dilanti.  Lamentablemente esaki no tabata e caso mirando cu algun ora despues ya caba un reportero durante un noticiero dialuna ultimo a haci expresionnan di difamacion y incorecto contra un instancia importante pa nos Pais. Minister Otmar Oduber a tuma nota di expresionnan haci, na momento cu ainda e tabata na Hulanda y mesora na su yegada a yama un conferencia di prensa pa asina clarifica tur loke no tabata cuadra cu berdad mirando cu nos comunidad merece sa e realidad. Sr. Oduber lamenta cu riba un isla asina chikito, unda nos mester unifica comunidad, un reportero cu su deber ta pa informa comunidad debidamente, ta haci mal uzo di su profesion pa instiga y dividi nos pueblo. Locual ta mas serio ainda ta, cu e ta mishi cu credibilidad y reputacion di profesionalnan Arubianonan kendenan ta trahando duro den un institucion cu ta e base principal di Aruba su economia. ATA ta traha conforme ley y ta e unico entidad cu ta entrega su relato anual manera mester ta y sigur merece hopi mas respet. E mandatario ta un politico y ta kere cu no mester hunga wega politico cu institucionnan asina importante di nos pais. Minister di Turismo, Transporte, Sector Primario y Cultura ta kere cu e trabao di periodismo ta uno importante y bunita pa haci mirando cu su persona mes den pasado a fungi como vocero di gobierno di Aruba, pero loke ta importante tambe pa esnan cu ta fungi e trabao aki pa verifica riba loke kier informa comunidad. Minister Oduber ta lamenta cu durante su bishita di trabao na Hulanda aki na Aruba a lanta un polemica innecesario. E mandatario ta lamenta riba e insinuacionnan robes cu a keda duna na pueblo unda cu ta atacha nomber di ATA y Minister.

Expresionnan haci den e articulo aki no necesariamente ta refleha opinion di ArenaPoliti.co