{idkey=8449b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3108-edgard-vrolijk-mep-na-sr-herde-cuminsa-hasi-bo-trabao-y-bay-puntra-minister-di-ensenansa-y-exigi-su-persona-pakico-e-porcentahe-di-keda-sinta-ta-keda-halto-y-su-plannan-pa-baha-esaki%3FItemid%3D101][title=Edgard+Vrolijk+%28MEP%29+na+sr.+Herde%3A+%E2%80%9CCuminsa+hasi+bo+trabao+y+bay+puntra+Minister+di+Ense%C3%B1ansa+y+exigi+su+persona+pakico+e+porcentahe+di+keda+sinta+ta+keda+halto+y+su+plannan+pa+baha+esaki%E2%80%9D][desc=Un+par+di+dia+pasa+por+a+tuma+nota+den+un+articulo+di+parlamentario+Sr.+Rene+Herde%2C+cu+ta+trece+su+preocupacion+locual+ta+trata+e+porcentahe+halto+di+muchanan+cu+ta+keda+sinta+na+Aruba+y+cu+esaki+mientras+cu+Aruba+en+comparcacion+cu+otro+islanan+den+Caribe+y+mientras+cu+nos+ta+hinca+hopi+placa+den+ense%C3%B1ansa.Mi+tambe+ta+preocupa+riba+e+aspecto+di+e+porcentahe+halto+di+alumnonan+cu+ta+keda+sinta+na+Aruba%2C+pero+sr.+Herde+ta+skirbi+den+corant+pero+no+ta+bay+parlamento+y+pidi+su+Minister+pa+duna+di+]}Un par di dia pasa por a tuma nota den un articulo di parlamentario Sr. Rene Herde, cu ta trece su preocupacion locual ta trata e porcentahe halto di muchanan cu ta keda sinta na Aruba y cu esaki mientras cu Aruba en comparcacion cu otro islanan den Caribe y mientras cu nos ta hinca hopi placa den enseñansa.

Mi tambe ta preocupa riba e aspecto di e porcentahe halto di alumnonan cu ta keda sinta na Aruba, pero sr. Herde ta skirbi den corant pero no ta bay parlamento y pidi su Minister pa duna di conoce ki ta su plan pa baha e cantidad di muchanan cu ta keda sinta of Sr. Herde por duna den su articulo si el a busca pa sa ki ta e motibonan pakico e porcentahe aki ta halto. Nos tin di recorda Sr. Herde cu pa hopi aña su persona tabata parti di proyectonan pa trece cambio den enseñansa pa mehora calidad di esaki y tambe e tin 7 aña ta parti di gobernacion y no a logra pa mehora e calidad di enseñansa y pio baha e porcentahe di muchanan cu ta keda sinta.

Ta na su lugar pa Sr. Herde haci algun pregunta na su minister manera esakinan:

1. Un problema cu sr. Herde sa bon ta nos sistema di enseñansa ta na Hulandes. Pa cu esaki a bin cu proyecto di scolnan multilingual.  Con a para cu e scolnan piloto multilingual aki? Den 4 aña e porcentahe di muchanan cu ta keda sinta a baha en comparacion cu scolnan den sistema Hulandes?
   
   
2. Con a para cu e proyecto di klasseassistent? Tur scol na Aruba tin esaki caba? Por duna nos di conoce si e porcentahe di muchanan cu ta keda sinta a baha na scolnan cu asistente compara cu esnan cu no tin?
   
   
3. Con a para cu curiculo di enseñansa? Con Minister por splica nos cu e mes ta bin cu scol piloto cu Rekenen na Papiamento, mientras cu mayoria di otro scolnan a cambia pa un otro metodo mas mihor hinca den otro pero na Hulandes? Con Minister por splica esaki? E mes no ta kere den su scolnan piloto? Tur scol tin mesun metodo di Hulandes?
   
   
4. Cuanto scol di enseñansa pa muchanan cu no por ta na un scol basico a ser construi e ultimo 7 añanan den bista cu e cantidad di muchanan mester bay for di scol basico pa un scol specialisa pa nan, a aumenta drasticamente y debi cu no tin lugar nan tin di keda scolnan basico? Y cuanto tempo ta dura prome cu un alumno ta wordo getest? Cuanto personal tin pa Aruba completo pa haci e testnan aki? E ta suficiente?
   
   
5. Con por ta cu ta papia di educacion di 5 strea pero tin scolnan cu tin falta di buki y otro materialnan pa funciona? A papia di innovacion den enseñansa, Minister por duna nos di conoce cuanto scol ta completamente innova (y no un klas) den e ultimo 7 añanan?
   
   
6. Minister por duna nos su plannan pa para e dropout structural cu tin actualmente cu EPB? Con ta haci cu muchanan cu no por stroom door pa EPI? Ki dia ta pensa di diversifica nos MBO opleidingen na Aruba pa duna mas hoben aki e oportunidad di sigui desaroya?

Asina nos por sigui duna Sr. Herde preguntanan cu e por haci na su Minister pa por yud’e sa pakico nos porcentahe ta keda halto. Pa locual ta trata cu nos ta hinca hopi placa den enseñansa, mientras cu e cifranan di keda sinta ta keda halto, sr Herde mester ser recorda cu tur material ta ser importa di Hulanda y ta bin na prijs di Euro pues cu ta haci nos materialnan hopi caro. Hasta schrift, potlood, gum etc ta ser busca di Hulanda, y un pregunta mas: nos no por busca esakinan otro caminda cu lo sali nos hopi mas barata? Pakico keda pega pa tur material for di Hulanda, mientras cu nos por baha e gastonan aki lo yuda hopi pa por inverti den otro proyectonan innovativo pa mehoracion di enseñansa? Pues sr. Herde mester ta mas sincero y acepta cu pa 7 aña su Ministernan ta incapas pa trece mehoracion den enseñansa paso nan no tin e conocemento ki ta come y bebe di enseñansa.

Expresionnan haci den e articulo aki no necesariamente ta refleha opinion di ArenaPoliti.co