{idkey=9429b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3178-gabinete-me-ii-prome-minister-eman-a-hiba-palabra-den-asamblea-general-di-nacionnan-uni%3FItemid%3D101][title=Gabinete+ME+II%3A+Prome+Minister+Eman+a+hiba+palabra+den+Asamblea+General+di+Nacionnan+Uni][desc=Den+nomber+di+Reino+Hulandes%26amp%3Bnbsp%3BNEW+YORK%2FORANJESTAD+-+Prome+cu+el+a+cuminsa+cu+su+discurso+elocuente+den+sala+di+Nacionnan+Uni+na+New+York+den+nomber+di+Reino+Hulandes%2C+Prome+Minister+Eman+a+splica+su+audiencia+di+e+cuatro+paisnan+di+cual+Reino+Hulandes+ta+consisti+y+di+e+relacion+special+cu+tin+cu+e+tres+islanan+cu+awe+ta+parti+di+municipio+Hulandes.+Su+discurso+dirigi+riba+Agenda+2030%2C+cu+ta+e+tema+di+e+asamblea%2C+%26amp%3Bnbsp%3Ba+toca+e+puntonan+principal+cu+mundo+mester+atene+su+mes+na+nan.+%26quot%3BAlgun+t]}
Den nomber di Reino Hulandes 

NEW YORK/ORANJESTAD - Prome cu el a cuminsa cu su discurso elocuente den sala di Nacionnan Uni na New York den nomber di Reino Hulandes, Prome Minister Eman a splica su audiencia di e cuatro paisnan di cual Reino Hulandes ta consisti y di e relacion special cu tin cu e tres islanan cu awe ta parti di municipio Hulandes. Su discurso dirigi riba Agenda 2030, cu ta e tema di e asamblea,  a toca e puntonan principal cu mundo mester atene su mes na nan.

"Algun tempo pasa nos tabata para aki ora cu nos a wordo profundamente toca na momento cu Papa Fransisco a enfatisa esencia moral tras di e Metanan pa Desaroyo Sostenibel (SDG) cu nos a caba di adopta. Su palabranan a simbolisa cu agenda 2030 ta mas cu un programa institucional. El a bira un tarea pa humanidad pa crea un miho mundo y pasa esaki pa e siguiente generacion. Un tarea cu un responsabilidad grandi. Ta pesey cu un enfoke grandi riba inclusividad y sostenibilidad ta e yabi pa implementacion di Agenda 2030." Eman tabata hopi enfatico ora el a splica cu pa algun di e paisnan den sala y sigur pa nacionnan isleño manera Aruba, esaki ta un asunto di sobrevivencia inmediato. Pero pa tur pais, e ta un asunto di sobrevivencia a termino largo.

Pa Reino Hulandes 'tur hende ta conta' ta central:

• Inigualdad halto ta wordo reconoci di ta un obstaculo mayor den logra e Metanan di Desaroyo Sostenibel.
• Esaki ta motibo pa institucionnan fuerte percura pa esnan mas pober y gruponan marginalisa tin oportunidad pa participa completamente den economia y sociedad ya cu nan ta esnan cu tin mas bentaha di crecemento.
• Duna e ser femenino mas poder ta e enfoke mayor den politicanan di cooperacion internacional.
• Si tin un trabou ta e ruta principal pa sali di probresa, e prome prioridad ta cu mester crea trabounan sostenibel y decente den paisnan den desaroyo mescos cuida negoshi y inversion, tambe den pasinan fragil cu tabata den conflicto.

"Pa loke ta nos compromiso pa combati Cambio Climatico, Eman a sigui, esaki tin fuerte sosten di Reino y pafo di Reino, den implementacion di Agenda 2030. Accion climatologico - y inaccion - lo afecta grandemente e progreso di e metanan (SDG's) mirando cu ta den e partinan mas fragil di mundo ta unda e hendenan ta wordo afecta prome y duro pa cambionan climatico." Siguiendo cu su discurso Eman a bisa cu ya President di Hongarije y Peru a accentua importancia di awa.

• Reino Hulandes ta sostene nan yamada fuertemente pa den forma urgente pone atencion na e forma no-sostenibel con ta usa e ecosistema di awa.
• E cifranan alarmante di desasternan relaciona cu awa ta algo cu no por wordo ignora. Nos mester actua awor y lihe ya cu nos a yega na fin di e caminda.

Esaki ta rekeri pa gobierno, sociedad y sector priva cambia nan manera di usa y maneha awa.

• Pa acelera e transformacion aki, Secretario General di Nacionnan Uni, Ban Ki-Moon y Presidente di Banco Mundial Jim Kim a yega na un convenio di Nivel Halto riba awa. Prome Minister di Hulanda Rutte ta miembro di e Panel aki loke ta un honor, con den un bon forma desaroya y maneha fuentenan di awa y promove servicionan di awa y servicionan sanitario.
• Reino Hulandes tambe lo sigui cu su esfuersonan di hopi aña pa construi capacidadnan den paisnan cu ta partner y rond mundo  pa maneho sostenibel di awa.
• Otro luna na Rotterdam nos lo organisa un encuentro di e Delta Coalition, consistiendo awor di nuebe pais, pero habri pa otronan cu kier join.

Prome Minister Eman a dirigi su mes na Presidente di Asamblea di Nacionnan Uni bisando e cu nacionnan isleño (SIDS - Small Island Developing States) ta extra vulnerabel pa cambio di clima, condicion extremo di tempo y aumento di nivel di lama. "Na 2015 Hulanda y UNESCO-IHE a lansa hunto un proyecto pa fortifica e capacidad di SIDS pa hisa calidad di maneho di awa y pa deal cu e efectonan di cambio di clima. Pa sigura cu SIDS y LDC'nan por haya mas acceso na propositonan financiero pa adaptacion necesario di proyectonan, Reino Hulandes tambe a lucha pa un vitrina special pa preparacion di proyectonan bou di e multi donor trust fund nobo 'WB Water Global Practice'.”

Expresionnan haci den e articulo aki no necesariamente ta refleha opinion di ArenaPoliti.co