{idkey=4825b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3181-dangui-oduber-mep-mester-bin-un-paro-di-imediato-na-e-fiesta-di-tereno-di-minister-sevinger%3FItemid%3D101][title=Dangui+Oduber+%28MEP%29%3A+Mester+bin+un+paro+di+imediato+na+e+fiesta+di+tereno+di+minister+Sevinger%21][desc=E+situacion+cu+otorgamento+di+tereno+di+minister+Sevinger+a+sali+for+di+man+completo.+No+tin+un+maneho+di+infrastructura%2C+no+tin+vision%2C+minister+Sevinger+no+ta+tene+cuenta+cu+e+ROP%2C+no+ta+respeta+regla%2C+no+ta+respeta+ley+%26amp%3Bnbsp%3By+ni+sentencia+di+huez+e+no+ta+respeta.+Den+e+maneho+di+Benny+Sevinger+ta+3+grupo+y+famia+a+wordo+priviligia.+E+ta+conoci+den+communidad+kende+ta+esnan+cu+a+hacie+fiesta+cu+patrimonio+di+pueblo+y+pone+tur+esakinan+na+benta+y+bira+miyonario+riba+custia+di+pueblo.+Esakinan+]}
E situacion cu otorgamento di tereno di minister Sevinger a sali for di man completo. No tin un maneho di infrastructura, no tin vision, minister Sevinger no ta tene cuenta cu e ROP, no ta respeta regla, no ta respeta ley  y ni sentencia di huez e no ta respeta. Den e maneho di Benny Sevinger ta 3 grupo y famia a wordo priviligia. E ta conoci den communidad kende ta esnan cu a hacie fiesta cu patrimonio di pueblo y pone tur esakinan na benta y bira miyonario riba custia di pueblo. Esakinan ta practinan illegal y corruptivo.

Na momento cu un comerciante pidi un tereno e ta haya un opcion pa bin cu un desaroyo. Kiko e amigonan di Benny Sevinger ta haciendo cu tur blessing di Sevinger, ta cu nan ta haya e opcion y envez di bin cu un desaroyo ta pone e terenonan aki na benta cu comerciantenan Venezolano. No solamente ta inhusto sino ta un abuso cu ta wordo haci. E terenonan aki ta di pueblo y no ta di Benny Sevinger. Pueblo a duna AVP mandato pa bai traha na biniestar di pueblo y yuda pueblo cu tereno. Pueblo a duna nan a mandato pa bai traha casnan social. Mi no ta kere cu pueblo a duna AVP e mandato pa bai yuda amigo so cu tereno pa pone nan na benta. Ta masha facil traha placa riba loba di pueblo asina. E casonan aki mester wordo investiga y tur esnan cu ta cooperando cu Benny Sevinger tambe mester wordo investiga. Tin demisado prueba riba mesa pa nada wordo haci. Un minister asina controversial mester a tene honor na su mes y entrega su retiro cu tanto escandolo riba su nomber. Cada dia cu Benny Sevinger keda sinta como minister e ta haci danjo na nos pais, e ta haci danjo na nos naturaleza y haci danjo na desaroyo di nos pais.

Recientemente tin 2 desaroyo cu mester wordo para di imediato. Tin e caso caminda gobierno a bai di acuerdo pa construi un kiosko riba e Beach banda di Costa Linda Resort. Esaki ta inacceptabel y contra tur regla. Desde cuando ta permissible pa basha beton riba beach? Desde cuando ta construi kiosko riba beach? E gobierno aki di berdad a perde tur nocion y gevoel y di berdad nan no ta CARE cu nada mas manera Benny Sevinger a bisa den parlamento. Nos beachnan ta nos Tesoro y mester preserva e beachnan aki. Ta esaki ta loke nos ta ofrece na nos turistnan y awor gobierno ta bai di acuerdo pa destrui nos beachnan. No solamente e desaroyo aki ta preocupante sino tambe  e hecho cu gobierno ta bezig ta verkavel tur e terenonan banda di Boca Catalina y Malmok. Esaki por wordo considera un crimen y nos fraccion sigur no lo bai para keto y lo para duro contra esaki. E mensahe ta bai pa gobierno cu mihor nan para cu tur nan plannan pa sigui cu e reparticion di terenonan aki pa nan amigonan pasobra si nan no kier para e ora lo sigiui accionan pa para esaki. Abuso tin su limite y e gobierno aki a pasa nan limite. Nan por kere cu nan por sigui haci y deshaci y tur hende mester keda keto y aplaudi esaki! 

Expresionnan haci den e articulo aki no necesariamente ta refleha opinion di ArenaPoliti.co