{idkey=1097b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F333-gerick-croes-mep-gobierno-sutando-pueblo-cu-belasting-sin-misericordia%3FItemid%3D101][title=Gerick+Croes+%28MEP%29%3A+Gobierno+sutando+pueblo+cu+belasting+sin+misericordia][desc=Den+e+ultimo+lunanan+nos+a+ripara+cu+Servicio+di+Impuesto+%28SIAD%29+na+un+forma+bastante+agresivo+ta+tratando+pa+cobra+tur+ciudadano+placa+di+belasting.+Segun+nos+a+compronde+for+di+declaracionnan+haci+door+di+Minister+di+Finansas+ta+cu+lo+tin+hopi+placa+riba+caya.+Den+e+%E2%80%9CMemorie+van+Toelichting%E2%80%9D+presenta+cu+e+presupuesto+2014+ta+wordo+ilustra+cu+lo+tin+un+suma+aproximadamente+di+36+miyon+florin+pa+cobra+na+loonbelasting+y+52+miyon+florin+na+grondbelasting+entre+e+a%C3%B1anan+2014+pa+2018.+No+meste]}Den e ultimo lunanan nos a ripara cu Servicio di Impuesto (SIAD) na un forma bastante agresivo ta tratando pa cobra tur ciudadano placa di belasting. Segun nos a compronde for di declaracionnan haci door di Minister di Finansas ta cu lo tin hopi placa riba caya. Den e “Memorie van Toelichting” presenta cu e presupuesto 2014 ta wordo ilustra cu lo tin un suma aproximadamente di 36 miyon florin pa cobra na loonbelasting y 52 miyon florin na grondbelasting entre e añanan 2014 pa 2018.

No mester tin duda cu pagamento di belasting na tempo y cumpli cu entregamento di por ehempel aangiften ta un obligacion cu e ciudadano mester cumpli cune. Loke si ta condenabel ta e hecho cu den ultimo temponan aki varios ciudadano ta ricibiendo aanslagnan (cobransanan) exageradamente halto of incorecto y cobransanan cu a caduca. Den mayoria caso cu ta bin padilanti ta e pensionadonan ta esnan cu ta wordo afecta directamente cu e cobransanan aki. Hecho ta cu no ta tur persona sa of ta na altura di e posibilidadnan cu ley di belasting ta ofrece pa contra aresta sea un aanslag cu ta incorecto y/of uno cu a caduca.

Ultimo lunanan nos a atende varios persona cu a ricibi cobransanan cu ta core entre e suma di mas abao di mil florin te otronan cu ta alrededor di 80 mil florin. Loke ta hopi importante pa e ciudadano pone atencion riba dje ta cu mester verifica aanslagnan na tempo p’asina por logra contradeci e suma imponi. Ley ta determina cu bo tin un periodo pa haci un “bezwaar” di 2 luna si encaso bo no ta di acuerdo cune. Nos a constata varios biaha cu e cobransanan no tabata tin base den lo absoluto ni tampoco tabata sumanan cu lo mester a wordo cobra. Pa colmo riba e sumanan incorecto ta calcula interes riba dje! Lamentabel ta e hecho cu tin casonan ta bay asina leu na bendemento di pertenencianan na findishi sin cu esaki di berdad ta necesario. Ta obvio cu esakinan ta accionnan instrui door di gobierno pasobra e problema financiero ta uno cu ta preta! Condenabel ta e hecho cu ta “choca” e ciudadano hopi biaha sin cu esaki ta hustifica.

En conexion cu loke nos a trece padilanti nos kier recomenda cada ciudadano pa cumpli cu por ehempel entrega di aangifte y pagonan (si e cobransa ta corecto) na tempo (den margen di ley). Si pa un motibo of otro bo ta di pensamento cu loke nan a manda cobra bo no ta corecto y ta sin base, reacciona na tempo contradiciendo esaki cu argumentonan di peso. Como un accion di prevencion nos ta recomenda tur persona pa busca Debiteurenoverzicht/rekeninginformatie y repasa esaki pa controla si encaso e sumanan habri ta cuadra si of no y tuma accion di inmediato. Ta comprendibel cu tin ciudadano cu mester paga pero si no ta aceptabel pa cobra loke no ta husto!

Expresionnan haci den e articulo aki no necesariamente ta refleha opinion di ArenaPoliti.co