{idkey=8532b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3391-segun-parlamentario-chris-romero-mep-no-por-yama-e-refineria-na-aruba-un-green-refinery%3FItemid%3D101][title=Parlamentario+Chris+Romero+%28MEP%29%3A+No+por+yama+e+refineria+na+Aruba+un+%E2%80%98Green+Refinery%E2%80%99][desc=Un+%E2%80%98Green+Refinery%E2%80%99+ta+uza+100%25+%26amp%3Bnbsp%3Benergia+alternativo+na+tur+momento%2C+y+no+un+fraccion+di+su+tempo+operacional.+Esey+ta+nifica+cu+pa+e+refineria+na+Aruba+por+ta+%E2%80%98green%E2%80%99+e+no+lo+mester+hasi+uzo+di+ningun+tipo+di+fuel+pa+por+opera.+Dus%2C+si+e+refineria+hasi+uzo+di%2C+por+ehempel%2C+un+generator+cu+ta+uza+sea+diesel%2C+aardgas+of+fuel+oil+pa+por+opera%2C+esaki+ta+saca+e+refineria+for+di+e+concepto+%E2%80%98green%E2%80%99+automaticamente.%26amp%3Bnbsp%3BTumando+tur+esaki+na+cuenta%2C+nos+ta+mira+claramente+cu+locual+Pro]}
Un ‘Green Refinery’ ta uza 100%  energia alternativo na tur momento, y no un fraccion di su tempo operacional. Esey ta nifica cu pa e refineria na Aruba por ta ‘green’ e no lo mester hasi uzo di ningun tipo di fuel pa por opera. Dus, si e refineria hasi uzo di, por ehempel, un generator cu ta uza sea diesel, aardgas of fuel oil pa por opera, esaki ta saca e refineria for di e concepto ‘green’ automaticamente. 
Tumando tur esaki na cuenta, nos ta mira claramente cu locual Prome Minister ta bisa cu e refineria ta bay ta uno ‘green’ no ta cuadra cu realidad. Segun sr. Mike Eman, e refineria na Aruba lo bay draai riba gas cual lo hasi’e ‘green’. Esaki ta un argumento totalmente robes pasobra gas tambe ta fossil fuel y ora e kima e ta produci CO2 (carbondioxide), cu ta hustamente loke ta afectando nos medio ambiente y ocasionando e global warming. Efectonan di esaki ta e nivel di laman cu ta keda subi pa motibo cu ijs na e zonanan polar ta dirtiendo. Segun expertonan ta pronostica, e aumento di nivel di laman por yega na nivel di tapa islanan chikito si no bin cu alternativanan na termino cortico.

Ta incomprendibel cu hustamente Prome Minister Eman ta papiando di un ‘Green Refinery’ sabiendo cu uzando gas pa opera e refineria ta keda afecta medio ambiente.
Si nos tuma Hulanda como ehempel, na Rotterdam tin un refeneria cu ta uza dos molina di biento pa produci coriente pa nan uzo. Asina mes ora no tin biento, nan ta bay bek riba generator, cu ta keda produci CO2 con cu bay bin, cual ta hasi’e un refineria cu no ta ‘green’ tampoco. Refinerianan na Qatar ta usa ‘biomass’ y/of ‘palmoil’ cual ta hopi mas limpi cu gas, pero asina mes no por yamanan ‘green’ paso nan tambe ta produci CO2.

Un biaha mas a keda demostra cu Partido AVP den su afan pa mantene nan fantasia di sostenibilidad, ta keda gaña nos pueblo sin ninguno tipo di consenshi.

Expresionnan haci den e articulo aki no necesariamente ta refleha opinion di ArenaPoliti.co