{idkey=2150b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3607-benny-nisbet-ppa-por-fin-regulacion-pa-all-inclusive-hotels-pero-den-e-ley-robez%3FItemid%3D101][title=Benny+Nisbet+%28PPA%29%3A+%E2%80%9CPor+fin+regulacion+pa+%E2%80%98all+inclusive+hotels%E2%80%99%E2%80%A6Pero+den+e+ley+robez%21%21%E2%80%9D][desc=Pa+hopi+anja+PPA+a+indica+cu+Aruba+mester+tene+su+producto+turistico+cu+e+ta+ofrece+%26amp%3Bnbsp%3Bden+un+balans+y+cu+e+miho+forma+lo+ta+ensera+pa+regla+esaki+legalmente.+Pero+e+diferente+gobierno+%E2%80%98geel+y+berde%E2%80%99+a+continua+permiti+cierto+typo+di+hotel+pa+sigui+desaroya+nan+mes+affectando+na+promer+lugar+e+balansa+deseable+di+nos+producto+turistico.+%26amp%3Bnbsp%3BSpecificamente+PPA+a+mustra+diferente+gobierno+cu+e+%E2%80%98desaroyo+liber%E2%80%99+di+%26amp%3Bnbsp%3Be.o.+All+Inclusive+hotels+no+ta+algo+cu+na+nos+pensamento+lo+meste]}
Pa hopi anja PPA a indica cu Aruba mester tene su producto turistico cu e ta ofrece  den un balans y cu e miho forma lo ta ensera pa regla esaki legalmente. Pero e diferente gobierno ‘geel y berde’ a continua permiti cierto typo di hotel pa sigui desaroya nan mes affectando na promer lugar e balansa deseable di nos producto turistico.  Specificamente PPA a mustra diferente gobierno cu e ‘desaroyo liber’ di  e.o. All Inclusive hotels no ta algo cu na nos pensamento lo mester permiti sin mas. Pero tanto gobernacion geel y berde a sigui permiti esaki !! 

Pakiko e preucupaccion di PPA ??

Pasobra  den varios pais turistico den mundo ‘All inclusive hotels’ ta worde mira como hotelnan cu e beneficio major ta pa e donjonan di hotel y pa e turistanan. Naturalmente e ta crea un cierto cantidad di trabao y nan por cumpra riba Mercado local, sinembargo e ‘spin-off economico na e economia local’ ta hopi menos cu ora cu hotel ta funciona normal.

Awor ta bon pa tene na cuenta cu ‘All inclusive concept’ a desaroya su mes den Caribe den paisnan manera Jamaica, Rep Dominicano den e forma aki e.o. pasobra nan tabatatin un grado halto di criminalidad y nan kier a proteha nan bishitantenan door di ofrece un pakete total y  tene nan mas hopi riba propiedad di e hotel.  Esey a pone cu bishitantenen  di All inclusive  hotels ta limita nan bishita den comercio , na restaurantnan y uso di Taxi etc.  Na Aruba sinembargo nos no a conoce e grado halto di criminalidad aki ! Pesey PPA tabata di opinion cu lo tabata miho si a regla esaki prome cu a permiti pa ALL INCLUSIVE HOTELS desaroya nan mes na e porcentahe cu e ta awe dentro di nos product turistico. Lamentablemente  nos gobiernonan’geel y berde’ no a sinti e necesidad aki y awor numa ta realisa e necesidad pa regla of frena esaki. Nos mester apunta cu Staten di Aruba a sinti e necesidad aki y a pidi un investigacion/estudio cu gobierno ejecutando e ley aki no ta sinti necesidad di warda pa e worde ejecuta !!

PPA ta “PRO” pa  regula na un forma ‘balansa’ cu  ALL INCLUSIVE no por sigui desaroya su mes sin mas pero na mes momento nos ta comprende e argumentacion di mundo hotelero cu cierto momento den nan afan pa bende kamber di hotel tin vez no tin otro escojencia dentro di e competencia di awendia..!! Aki mester analisa con pa regla esaki na forma responsabel cu e no ta kibra e meta di un ley pa pone un plafond responsabel pa esaki !

NOTABLE………..

Notable ta cu e actual gobierno recientemente a duna BAHIA permiso pa prepara un projecto hotelero di maximalmente 1000 kamber di hotel cu ‘eigenlijk’ ta 3 hotel den uno pa desaroya un ‘ALL INCLUSIVE HOTEL’ grandi na San Nicolas. Ora cu oposicion e.o. PPA a declara cu e ‘spin-off’ effect di esaki lo ta minimal riba economia di San Nicolas, gobierno p/m di Ministro Otmar Oduber  tabata cu esaki no ta berdad.  Cu otro palabra locual gobierno kier regla pa frena na Oranjestad y Noord den futuro  aparentemente San Nicolas lo mester a ‘guli’ …como algo positivo !!

DESCUSSION NACIONAL !!

PPA ta contento cu e discussion na nivel nacional cu e ‘issue’ aki a crea…..manera den varios otro topico pueblo por experencia un discussion profundo asina. E tabata profundo dunando pueblo e  pro y contra di regulacion di ‘All inclusive’.

CON SEGUN PPA  MESTER EJECUTA ESAKI ?

Apesar cu PPA ta di opinion cu regulacion di ‘ALL INCLUSIVE’ ta hopi  laat…..PPA ta di opinion cu mester duna atencion serio na e argumentacion di Raad van Advies cu ta senjala na un forma hopi serio cu ‘ora gobierno ta bai hasi uso di un Ley cu NO a worde formula cu e meta aki pero pa otro  meta…gobierno ta crea un situacion cu  den ley ta crea e ‘base legal’ pa lucha contra di djele  cu na  varios caminda di mundo ta worde cualifica como  ‘detournement de pouvoir’. Simpelmente bisa e ta nifica ‘uso robez  di un ley crea cu otro meta’ y consecuentemente den mundo esaki ta bira e base legal pa esnan cu ta sinti nan mes perjudica hiba gobierno Corte y casi sigur gana nan caso dilanti Corte.  ‘Detournement de pouvoir’  ta saca for di ley administrativo frances y tuma over door di ley Europeo pero tambe otro paisnan manera Merca etc…!!

PPA ta di accuerdo cu Raad van Advies cu e Ley cu gobierno kier usa pa esaki esta  ‘Vergunningsverordening  (A.B. 2002 no. GT 1)’  ta destina pa regla  ….alcoholverkoop, ruimtelijke inrichting y hygiene di nos hotelnan y no algo manera ‘regla nos producto turistico’.

Consecuentemente si gobierno kier regla algo cu un peso mucho mas   grandi ….esta regula nos producto turistico esta ki typo di hotel  nos producto lo consisti di djele esaki ta justifica pa ta regla den un Ley completamente separa y no agrega  den un Ley cu a worde crea cu totalmente otro meta.

Fuera di esey PPA ta di opinion cu e poder specifico aki  no mester worde deposita den man di un solo ministro !! PPA ta di opinion cu e competencianan menciona den e cambionan mester ta comparti entre Ministro di Turismo y Ministro di asuntonan Economico y como tal PPA ta di opinion cu e ‘dos’ cartera aki mester keda separa pa contribui na un balansa den poder  ‘politico/constitucional’  ora na mes momento kier balansa e producto turistico cu Aruba ta ofrece.

Finalmente PPA kier accentua como partido politico cu a inicia cu  locual a desaroya su mes na nos pilar economico turismo  cu ‘interes general’ ta exigi descussionan profundo asina pa determina unda e interes general ta cu nos tur lo mester sirbi na un manera of otro.  Emocion mester worde reemplaca pa argumentonan sano y profundo pa junto jega na e miho resultado. Nos ta spera cu Staten di Aruba dedica amplio atencion na e conseho di Raad van Advies den esaki !!


Aruba, 26 di juni 2016                                          Lider Politico di PPA

                                                                                 BENNY NISBET

Expresionnan haci den e articulo aki no necesariamente ta refleha opinion di ArenaPoliti.co