{idkey=9439b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3618-benny-nisbet-ppa-falta-di-vision-di-gabinete-mike-eman-pa-impacto-di-canal-di-panama-pa-caribe-a-pone-aruba-perde-oportunidadnan-clave%3FItemid%3D101][title=Benny+Nisbet+%28PPA%29%3A+%E2%80%9CFalta+di+vision+di+gabinete+Mike+Eman+pa+impacto+di+canal+di+Panama+pa+caribe+a+pone+Aruba+perde+oportunidadnan+clave%21%21%E2%80%9C][desc=Na+2007+Panama+a+anuncia+na+mundo+henter+cu+nan+a+inicia+cu+nan+projecto+di+construccion+di+un+Panama+kanal+nobo+cu+lo+ensera+%E2%80%98slotnan%E2%80%99+mas+grandi+cual+lo+permiti+pa+bapornan+hopi+mas+grandi+pasa+door+di+nan+kanal+cu+ta+nifica+cu+e+bapornan+supergrandi+aki+lo+pasa+door+di+Caribe.+Na+e+momento+ey+a+inicia+cerca+majoria+isla%2Fpais+den+Caribe+estudio%2C+analisis+etc+pa+mira+kiko+e+kanal+nobo+aki+lo+por+nifica+pa+nan.%26amp%3Bnbsp%3BNa+Aruba+durante+e+epoca+93%2F94+x+Ministro+di+Transporte+y+Comunicacion+Benny]}
Na 2007 Panama a anuncia na mundo henter cu nan a inicia cu nan projecto di construccion di un Panama kanal nobo cu lo ensera ‘slotnan’ mas grandi cual lo permiti pa bapornan hopi mas grandi pasa door di nan kanal cu ta nifica cu e bapornan supergrandi aki lo pasa door di Caribe. Na e momento ey a inicia cerca majoria isla/pais den Caribe estudio, analisis etc pa mira kiko e kanal nobo aki lo por nifica pa nan. 

Na Aruba durante e epoca 93/94 x Ministro di Transporte y Comunicacion Benny Nisbet a cuminsa prepara pa muda e haf di Container for di Oranjestad pa Barcadera. Ministro Nisbet a  mustra riba e beneficionan cu e mudamento lo por trece pa Aruba e.o. cu ta crea un haf estrictamente pa atende cu Container y cu restructuracion di e infrastructura/careteranan y preparacion di nos Aeropuerto pa por atende cu mas ‘freight’ lo por hasi Aruba un ‘hub’ den Caribe.  E vision aki a worde ricibi cu harimento di parti di e partido den oposicion e tempo ey esta AVP e  Lider e tempo ey a declara….’mucho grandi…mucho placa……Lubida. 

Sinembargo PPA for di e periodo ey a keda recorda tur gobierno  riba e projecto aki tanto den parlamento como pafor di parlamento. A publica mas cu 40 articulo dedica na e topico aki. Y PPA por bisa cu grandemente nos tabata e ‘unico’ partido cu tabata activo riba e tereno aki . 

Ora cu na 2007 Panama a anuncia e expancion aki …tabata deber di gobierno di Aruba pa inicia cu estudio y analisis pa mira e impacto cu esaki lo por nifica pa Aruba. Cu Aruba lo por desaroya su mes  pa bira un player den Caribe riba e tereno di Container si of NO. Ningun di e dos gobierno ni ‘geel ni berde’ NO a dedica atencion profundo  na e pregunta aki. Nos a conclui esaki pa locual ta trata gab. Mike Eman 1….ora cu na 2010 a tuma lugar  un Convencion grandi riba e tereno portuario na Brazil anto Aruba NO a manda ningun delegacion pa atende. Tabata PPA cu a habri afor y lanta tanto gobierno como parlamento for di sonjo riba e tereno aki.  Ta despues di e ‘eror’ aki cu gab Mike Eman a comunsa dedica atencion na e  futuro di nos hafnan y den un silencio nan a dicidi di ejecuta e projecto di PPA pa muda e containerhaven pa Barcadera……locual nan a rechasa den pasado. PPA a declara di ta contento cu nos vision a worde ejecuta pero nos a senjala cu mientras tanto a comete un ‘eror’ supergrandi. 

PERO ESTUDIO, ANALISIS PA  E IMPACTO DI PANAMA KANAL ……NADA PERO NADA !!

Actualmente e bapornan cu ta pasa den panama kanal ta worde jama ‘panama vessels’ cu tin nan largura, hanchura y  profundidad. E profundidad tin mas impacto….cual actualmente ta un 10/11 meter hundo. Cu e panama kanal nobo e profundidad a cambia pa 16 meter hundo !! Cu otro palabra TUR isla/pais den Caribe cu ta desea pa un bapor grandi asina bishitele lo mester inverti den coba na hafnan un 5/6 meter mas jundo cual riba su mes ta un inversion grandi. Mester apunta tambe cu mientras cu e bapornan actual(panama vessels) ta transporte un 4000 container esnan di futuro (post panama vessels) lo por transporta 13.000 container.  

Awor Aruba no ta riba e ruta mas ‘principal’ cu ta  Jamaica, Puerto Rico, Rep Dominicana, Cuba y Bahamas  etc pero Aruba no ta mas cu un dia for di e ruta aki. Awor e  hafnan na  ‘east-coast americano’ tampoco no ta(tabata) prepara pa por ricibi e bapornan supergrandi aki. Merca tin 23  haf grandi na su east-coast y e procedura riba tanto nivel di estado como nivel federal di su planificacion, financiamento y ejecucion ta dura un 15 pa 20 anja prome cu varios di e upgrading na tur haf  keda ejecuta . Te cu algun tempo pasa solamente un 4 tabata den e proceso di keda cla pa por ricibi e barconan nobo aki.

Esey ta nifica cu un gran cantidad di e barconan nobo aki e ‘post panama vessels’ lo mester busca un isla/pais/haf pa baha nan containernan destina pa ‘east-coast americano’ y pa otro destinacion den Caribe pa otro bapor tuma e containernan over y hiba nan pa nan destino. Varios isla/pais situa riba e ruta ta preparando nan mes.

Den Sur America e situacion ta igual….majoria di nan hafnan NO ta cumpli cu e profundidad necesario cual ta nifica un gobierno (manera di Aruba) cu  usa vision y a prepara su mes lo por (a) hunga un rol determinante como ‘player’ den Caribe. Pero visiblemente gab. Mike Eman NO tabatatin e vision aki…nan no tabata ni consciente di e ‘gran’ oportunidad cu a pasa Aruba bai.  E oportunidad aki a bira ainda mas grandi ora na 2012 Valero a anuncia cu nan lo sera y Aruba/ministro Mike de Meza alias THE MESS a larga e oportunidad pasa pa a tuma e haf  di San Nicolas  ‘over’ pa asina usa un parti di e haf di San Nicolas cu ta e unica ‘haf’ cu por ricibi  e ‘post panama vessels’ Aki Aruba tabatatin e oportunidad di hunga e rol di un ‘hub’ den Caribe…..aki e oportunidadnan grandi pa Aruba a bati na nos porta…..pero e falta di vision di AVP su mandatarionan ta hopi visible. Atrobe e unico partido cu a accentua e posibilidadnan aki ta keda e partido oranje, partido PPA.

Ora nos analisa con Aruba a perde e oportunidad aki y cu Aruba NO a prepara su mes pa un eventual rol asina ….ta di jora….y envez di esaki casi tur posibilidad  di e actual refineria ta worde poni den un otro venture cu jama un UPGRADER y no refineria manera gobierno kier pa pueblo kere.  

Cu un delegacion di Aruba por ta presente  na e apertura di Panama kanal ‘mei mei’ mas di 40 pais of mas no ta nada impactante….impactante lo tabata si Aruba a prepara su mes pa e rol di por funciona como ‘ Container- hub’ den Caribe den e siguiente anjanan anto e ora ey e presencia di Aruba lo tabata grandi y impactante pero e hecho cu nos flamante ministro encarga cu nos hafnan ministro Mike de Meza alias THE MESS  simpelmente no tin un vision di e materia aki a pone cu Aruba a sali perdedor riba un tereno unda ‘haf di San Nicolas’ lo por a hasi Aruba un player riba e tereno aki.

Esaki ta e realidad cu gobierno no ta desea pa pueblo sa !!

Aruba, 27 di juni 2016                                                            Lider Politico di PPA

                                                                                                  BENNY NISBET

Expresionnan haci den e articulo aki no necesariamente ta refleha opinion di ArenaPoliti.co