{idkey=3004b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3813-ministerio-di-turismo-barconan-di-pullmantur-bek-na-aruba-cu-25-calls-den-2017-cu-mas-di-35-mil-pasahero-extra%3FItemid%3D101][title=Ministerio+di+Turismo%3A+Barconan+di+Pullmantur+bek+na+Aruba+cu+25+calls+den+2017+cu+mas+di+35+mil+pasahero+extra][desc=Despues+di+anuncionan+sumamente+positivo+cu+tabata+tin+pa+cu+e+cifranan+turistico+manera+e+aumento+di+vuelonan+adicional+cu+ta+bay+tin+den+e+temporada+di+winter+y+tambe+e+cifranan+cu+Aruba+a+sobresali+den+comparacion+cu+Caribe%2C+awor+Aruba+ta+haya+mas+noticianan+positivo.+Minister+Otmar+Oduber+ta+indica+cu+despues+di+algun+combersacion+den+e+ultimo+simannan+tras+di+lomba+cu+Pullmantur+y+e+linea+crucero+Royal+Caribbean+kende+Pullmantur+ta+resorta+bou+di+dje%2C+a+concretisa+cu+pa+a%C3%B1a+2017+Pullmantur]}
Despues di anuncionan sumamente positivo cu tabata tin pa cu e cifranan turistico manera e aumento di vuelonan adicional cu ta bay tin den e temporada di winter y tambe e cifranan cu Aruba a sobresali den comparacion cu Caribe, awor Aruba ta haya mas noticianan positivo. Minister Otmar Oduber ta indica cu despues di algun combersacion den e ultimo simannan tras di lomba cu Pullmantur y e linea crucero Royal Caribbean kende Pullmantur ta resorta bou di dje, a concretisa cu pa aña 2017 Pullmantur ta bek na Aruba. Foi inicio di e aña aki asina cu e compania a anuncia cancelacionnan di e barconan den e area di Caribe y a ubica esakinan den otro continente, a ranca sali esfuersonan grandi di parti Ministerio di Turismo conhuntamente cu ATA, APA y tambe cu colaboracion di mandatarionan di Corsow y Panama. 

Minister Oduber ta mustra riba e hecho cu a mantene relacionnan estrecho a pesar cu a tuma decisionnan concreto na final di aña pasa cu pa 2016 Pullmantur lo no pasa Aruba. Conhuntamente cu su homologonan di tanto Corsow como di Panama a percura pa sigui delibera riba otro opcionnan y cambionan den structura den e maneho cu a tuma luga den Pullmantur, cu a logra pa trece e barconan aki bek den nos direccion.  Aruba awor ta conta cu 25 calls adicional cu ta traduci den mas di 35 mil pasahero of bishitante pa nos isla. 

E mandatario di turismo ta sumamente contento cu e logro aki y ta felicita henter su ekipo di Ministerio di Turismo, ATA, APA y su coleganan di Corsow y Panama cu a sa di mantene e relacion cu Pullmantur y cu awe nos ta cla pa yama nan bon bini un biaha mas na nos isla. 

Sr. Oduber ta ilustra cu pa aña 2016 a pesar cu nos a conoce algun cancelacion, asina mes a premira un aña hopi activo y ta spera un crecemento entre 8 cu 10 % pa locual ta trata e cantidad di bishitantenan pa Aruba via barconan crucero cual ta cera 2016 como un bon aña.

Pa locual ta 2017 mirando anuncionan manera esun di Pullmantur aki, por spera cu e lo ta uno hopi mas miho. Minister Otmar Oduber ta comparti cu ta preparando nos waf pa mira e posibilidadnan pa crea di nos waf un waf cu lo por trece Mega Ships nan tambe Aruba.

Aruba ta keda un destinacion hopi gusta y demanda segun e mandatario pero e trabou ta keda pa nos percura cu e producto cu ta wordo ofreci keda riba e lista aki. Ta den cuadro di esaki mes ta diversificando e Producto Aruba cu atraccionnan nobo y ta creando di San Nicolas nos Capital di Herencia Cultural  unda cu nos tin mas pa ofrece e bishitantenan ora nan pisa nos suelonan.

Intencion ta pa por ofrece e turistanan di barco tournan pa San Nicolas. Esaki lo mester cuminsa tuma luga despues di e luna di september 2016.

Esaki sigur ta crea mas atraccion pa nos isla di cual e linea nan crucero lo sigui mira Aruba como un alternativa hopi serio.

Minister Otmar Oduber a indica di ta satisfecho cu e desaroyo positivo aki aunke no por descarta cu tin mas noticianan positivo pa cu nos turismo na caminda.

Expresionnan haci den e articulo aki no necesariamente ta refleha opinion di ArenaPoliti.co