{idkey=8541b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3893-rene-herde-avp-finansa-publico-ta-sigui-riba-bon-caminda%3FItemid%3D101][title=Rene+Herd%C3%A9+%28AVP%29%3A+Finansa+publico+ta+sigui+riba+bon+caminda][desc=Ta+pesey+oposicion+no+kier+papia+didje+y+ta+ripiti+storianan+bieuw%21%26amp%3Bnbsp%3B+Finansa+publico+di+gobierno+ta+sigui+riba+bon+caminda.+Den+reuda+di+prensa+di+ayera+e+lider+di+efraccion+di+AVP%2C+Rene+Herde%26%23039%3B+a+bolbe+splica+diferente+aspecto+di+finansa+publico+y+con+a+para+cu+nan.Presupuesto+2016Ehecucion+di+presupuesto+2016+ta+bay+manera+planea.+E+gastonan+ta+den+e+margen+di+e+presupuesto+manera+planea+y+aproba+na+comienso+di+a%C3%B1a.+E+entradanan+ta+mescos+of+hasta+un+tiki+mas+cu+loke+a+presupuesta.+Esaki]} Finansa publico di gobierno ta sigui riba bon caminda. Den reuda di prensa di ayera e lider di efraccion di AVP, Rene Herde' a bolbe splica diferente aspecto di finansa publico y con a para cu nan.

Presupuesto 2016
Ehecucion di presupuesto 2016 ta bay manera planea. E gastonan ta den e margen di e presupuesto manera planea y aproba na comienso di aña. E entradanan ta mescos of hasta un tiki mas cu loke a presupuesta. Esaki Rene Herde ta conclui for di e ultimo raportahe di e didos cuartal di finansa publico. E raportahe aki ta loke Parlamento ta haya cada tres luna di e minister y ta contene tur informacion riba ehecucion di e presupuesto.                              

Presupuesto 2017
E ultimo informacion cu Parlamento tin ta cu e presupuesto den concepto pa aña 2017 a wordo entrega na Raad van Advies. CAFT ya a entrega nan analisis y conseho. Awor ta warda riba E analisis y conseho di Raad van Advies. Si tur cos caba na tempo e presupuesto y e cuenta anual pa aña 2015 lo por wordo entrega manera Constitucion ta prescribi. Di curason mi ta spera esey lo ta e caso.

CAFT
Nos a wak cu CAFT ya a entrega su analisis y conseho riba e presupuesto 2017.  Den su conseho CAFT ta bisa cu e entradanan den presupuesto di 2017 ta basa riba reapertura di e refineria y no riba reduccion di gasto. Cu e costonan di personal di gobierno ta keda halto y interes cu gobierno tin cu paga ta halto. E analysis aki no ta straña nos. E ta ensera loke nos sa cu ta preocupacionnan di CAFT. Nan ta asuntonan cu a y lo sigui atende te ora yega na solucion. Laga mi splica cada tema di nan critica.

COSTO DI PERSONAL
E cantidad di hende cu ta traha den gobierno a baha. E costonan di personal a keda halto. E unico splicacion cu tin pa esey, ta cu salario y beneficionan di trahadornan den gobierno y maestronan di scol a keda mescos of a subi. Pensioen di trahadornan di gobierno y di maestronan di scol y trahadornan di fundacionnan cu gobierno ta subsidia, a keda intacto durante di tur e añanan di crisis cu nos tabata aden. E reforma di e sistema di pensioen a sigura cu e fondonan di pensioen cu tabata casi bancarota, awor ta solido y ta sigura pensionadonan nan entrada pa futuro. Anto a haci esaki sin mishi cu e pensioen di cada luna! Pa hopi ela hasta subi.
E indexering y primanan cu gobierno di MEP a para pa ocho aña, a wordo duna bek na tur trahado di gobierno, maestro di scol y trahado di fundacion. Esaki so caba ta un diferencia grandicimo desde cu AVP a drenta gobierno. Esey ta splica e costo halto di personal.

OPOSICION
Oposicion ta critica e maneho aki. Nan solucion ta pa reduci e beneficionan di trahadornan of kita hende di trabou. Nos a scohe pa haci niun di dos. Hasta durante di e crisi feroz cu MEP a bay laga nos pais aden. Nos a haci net lo contrario! Nos kier pa tur hende tin e seguridad y trankilidad den nan trabou. Nos kier pa e entrada di trahadornan gradualmente mehora. No solamente esnan den gobierno, pero tur caminda. Ta pesey nos a introduci e reparatietoeslag cu a costa hopi placa for di caha di gobierno. Pero e placa ey a bay pa trahadornan cu entrada mas abou den sector priva. Esey no solamente ta splica e costo halto di personal riba presupuesto. E ta mustra tambe e diferencia grandi den e maneho di AVP versus oposicion. E ta mustra unda AVP a y ta sigui pone e prioridad: mehora posicion di trahadornan cu entrada mas abou, crea mas trabou y inverti den nos pais!

Expresionnan haci den e articulo aki no necesariamente ta refleha opinion di ArenaPoliti.co