{idkey=1314b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3896-minister-oduber-satisfecho-cu-presentacion-di-banco-central-ariba-conclucionan-rapport-all-inclusive%3FItemid%3D101][title=Minister+Oduber%3A+Satisfecho+cu+presentacion+di+Banco+Central+ariba+conclucionan+rapport+All+inclusive][desc=Despues+di+4+luna+cu+a+entrega+e+cambio+den+ley+na+Parlamento+diabierna+awo+ta+trata+e+ley+di+All-inclusive.+Den+cuadro+di+esaki+Banco+Central+a+duna+un+presentacion+na+Minister+Otmar+Oduber.+Ta+asina+cu+tanto+fraccion+di+MEP+como+esun+di+AVP+a+haci+un+peticion+na+Banco+Central+pa+traha+un+rapport+riba+e+ley+proponi+di+All-inclusive+y+tambe+riba+e+impacto+cu+esaki+lo+por+tin+riba+economia.+Minister+Oduber+ta+felicita+y+gradici+Banco+Central+pa+den+un+tempo+asina+corto+a+logra+di+crea+diferente+p]}
Despues di 4 luna cu a entrega e cambio den ley na Parlamento diabierna awo ta trata e ley di All-inclusive. Den cuadro di esaki Banco Central a duna un presentacion na Minister Otmar Oduber. Ta asina cu tanto fraccion di MEP como esun di AVP a haci un peticion na Banco Central pa traha un rapport riba e ley proponi di All-inclusive y tambe riba e impacto cu esaki lo por tin riba economia. Minister Oduber ta felicita y gradici Banco Central pa den un tempo asina corto a logra di crea diferente punto di referencia pa midi e conclusion di tur e rapportnan cu tin. World Tourism Organisation como tambe PWC ya caba a crea rapportnan riba e topico di All-inclusive y ATA tambe a laga traha diferente rapportnan local.  Den un forma no detaya pero mas bien global por a mira e impacto y efectonan cu tin den economia na momento cu e tipo di acomodacion tipo All-inclusive crece. Minister Oduber ta indica cu e rapport di Banco Central ta den liña cu locual e rapport di PWC y e otro rapportnan ta trece dilanti. "No por tin discusion riba e impacto financiero di un bishitante cu ta keda den un camber All-inclusive cu ta substancialmente menos cu esun di un bishitante cu ta keda den un camber tipo EP, esaki a keda demostra cu cifra y actualisa pa cu e situacion na Aruba." Sr. Oduber ta comenta.
Por nota cu a haci un intercambio di analisis den e rapport di Banco Central cu segun Minister Oduber ta un 95% den liña cu e intercambio di analisis cu a keda conduci pa PWC tambe.
Banco Central na su turno lo publica e rapport aki y e mandatario ta spera cu esaki sosode pa e reunion di diabierna awo tambe.
Diabierna durante e tratamento di e ley di All-inclusive den Parlamento di Aruba tur miembro di Parlamento lo por pone e rapportnan banda di otro y mira pa nan mes cu e rapportnan conclusion ta practicamente identico unda e cifranan cu ta presenta ta mustra kico ta e debilidad y kico ta e forsa, e oportunidadnan di un industria cu ta depende di All-inclusive por trece dilanti.
E mandatario ta satisfecho cu e rapport mirando cu te hasta Banco Central a haci un di dos estudio cu ta riba e aspecto legal tambe. Banco Central a pidi un compania internacional pa conduci un conseho riba e legislacion cu tin riba mesa na e momentonan aki.
Minister Oduber ta mustra riba e hecho cu tur e discusionnan cu tabata tin di entre otro oposicion of AHATA unda ta indica cu ta pone mucho poder den man di un Minister awor ta keda bari for di mesa. Tambe e hecho cu Parlamentarionan Sr. Bikker y Sra. Wever-Croes cu a discuti cu si mag di uza un ley pa cambia un ley, esaki tambe den e rapport di Banco Central ta mustra cu esey ta netamente e caminda pa cana cu a traves di leynan existente bo ta cambia otro leynan of ta añadi otro leynan pa por ehecuta un maneho cu Gobierno ta pone su dilanti.  
Minister Oduber ta hopi satisfecho cu e conclusion di e raporta aki unda cu a bin cu sugerencianan cu ta den mesun liña cu e nota di cambio cu ta trahando riba dje pa e reunion di diabierna y a fortifica esaki y otro sugerencianan cu ta keda na discrecion di Parlamento si nan lo kier bin cu amienda of no. Minister encarga cu turismo ta keda persisti cu e ley aki ta un ley cu mester ta na beneficio y interes general di Aruba. Cualkier amienda cu lo contribui na esaki ta mas cu bon bini.

Mientrastanto mester menciona cu 120 dia a pasa y mientras cu AHATA tabata pidi pa un 'cooling off period' no a yega ningun proposicion pa un ley nobo of un cambio den e ley, despues di 4 luna cu a dura pa trata e ley aki den Parlamento.
Minister Oduber ta mira atras na un tempo di espera positivo mirando cu e la genera mas contesta cu a bin padilanti por ehempel di Raad van Advies y mas rapportnan adicional.
Pa diabierna awor ta premira un reunion hopi interesante cu tur e informacionnan cu lo keda comparti pa locual ta e tratamento di ley di All-inclusive.

Expresionnan haci den e articulo aki no necesariamente ta refleha opinion di ArenaPoliti.co