{idkey=7966b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3912-dangui-oduber-mep-ki-dia-melvin-ladron-di-tereno-tromp-ta-entrega-pueblo-bek-su-tereno%3FItemid%3D101][title=Dangui+Oduber+%28MEP%29%3A+Ki+dia+Melvin+%E2%80%9CLadron+di+Tereno%E2%80%9D+Tromp+ta+entrega+pueblo+bek+su+tereno%21][desc=Melvin+Tromp+a+admiti+y+a+confirma+cu+e+tin+2+tereno.+Awor+dirpiente+Melvin+Tromp+no+a+haya+e+tereno+mas+for+di+diputado+Charro+Kelly+na+anja+1996+manera+mes+a+indica+anteriormente+sino+awor+e+storia+a+cambia.+Na+momento+bo+gara+un+parlamentario+ta+ganja+den+un+caso+normal+e+parlamentario+mester+entrega+su+retiro.+Na+Hulanda+por+corda+e+caso+di+parlamentario+John+Leerdam+cu+e+la+ganja+durante+un+entrevista+y+mester+a+entrega+su+retiro+despues+di+esaki.+Aki+na+Aruba+parlamentarionan+ta+ganja+nos+]}
Melvin Tromp a admiti y a confirma cu e tin 2 tereno. Awor dirpiente Melvin Tromp no a haya e tereno mas for di diputado Charro Kelly na anja 1996 manera mes a indica anteriormente sino awor e storia a cambia. Na momento bo gara un parlamentario ta ganja den un caso normal e parlamentario mester entrega su retiro. Na Hulanda por corda e caso di parlamentario John Leerdam cu e la ganja durante un entrevista y mester a entrega su retiro despues di esaki. Aki na Aruba parlamentarionan ta ganja nos tur dia, ministernan ta ganja nos tur dia y nada ta sosode. E hendenan aki a perde gevoel, nan a perde tur sentido comun.

Na promer instante Melvin Tromp a bisa cu e la haya su tereno for di dipuatado Charro Kelly na anja 1996. Awor e storia a cambia y awor e NO a haya e tereno for di Charro Kelly sino e la haci e peticion na Charro Kelly. E ta mustra aki su incapacidad y mustra cu e no tin conocemento riba structura estatala y mucho menos di politica. E kier a bai defende su mes cu un enganajo y a wordo gara ta ganja. Hecho ta cu Melvin Tromp a haya su tereno for di defunto Watty Vos na anja 1996. Tin un difrencia hopi grandi entre haci un peticion pa un tereno y haya un tereno. Porta Melvin Tromp no sa kiko ta e diferencia  entre haci un peticion y haya un tereno pasobra logicamente esakinan ta los di otro.  Pero tur hende sa for di kende  e la haya su tereno y e mes a admiti tambe ki anja e la haya e tereno aki. Loke e mes a admiti y confirma tambe ta cu e la pidi uitbreiding pa e tereno actual di casi 700m2 cu e tin situa na Palm Beach. Un tereno cu e tin desde anja 1996. Un tereno cu ta yena cu cadushi, yena cu hubada, yena cu mata y cu den 20 anja absolutamente nada a wordo haci pa construi un cas. Obviamente Melvin Tromp no tin ningun intencion pa constui un cas sino e lo a haci esaki hopi tempo caba. Ta un berguenza cu un hende asina por csana rond cu un tereno ariba su number anto e sa cu tin 11.000 hende wardando riba un pidi tereno. No solamente e ta un berguenza sino un abuso contra pueblo.

Peculiar di e caso aki ta cu awor diripiente ta pidi uitbreiding di e tereno. Pueblo kier sa pakiko ta pidi uitbreiding? Ki intencion Melvin Tromp tin? Pakiko den 20 anja ainda e no por a construi un cas? Kiko e ta bai haci cu e tereno aki? E ta bai pidi cambio di destinacion na Benny Sevinger pa haci negoshi tambe cu patrimonio di pueblo?

Ta preguntanan cu Melvin Tromp mester contesta nos pueblo. No por ta asina cu Melvin Tromp tin un tereno yena cu hubanda pa 20 anja, no ta haci nada cu esaki y ta keda cu esaki. Tin 11.000 hende riba lista pa por haya un tereno y den e caso aki Tromp tin un tereno y no ta haci nada cu ne.

Pueblo ta exigi Melvin Tromp pa entrega esaki bek na pueblo mirando cu ja caba e tereno tin 20 anja para y e la stroba otro famia pa por construi un cas den e area di Palm Beach. Ta inhusto loke e parlamentario aki ta haci pasobra otronan si tereno ta wordo kita for di nan na momento cu nan NO cumpli cu e erfpachtsvoorwaarden nan! Pueblo ta exigi e sinberguenza y abusador Melvin Tromp entrega su tereno bek na pueblo. Bo kier haya tereno di pueblo pa haci negoshi cune, esey ta hacibo un sinberguenza y un abusador! Sin vota kier biba lekker riba custia di pueblo.

Expresionnan haci den e articulo aki no necesariamente ta refleha opinion di ArenaPoliti.co