{idkey=4855b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3920-benny-nisbet-ppa-integracion-di-tur-resort-den-un-sociedad-incluso-all-inclusive-ta-depende-di-e-linkage-lasonan-social-economico-cu-worde-crea-entre-e-resort-y-e-sociedad%3FItemid%3D101][title=Benny+Nisbet+%28PPA%29%3A+Integracion+di+tur+resort+den+un+sociedad++incluso+%E2%80%98All+Inclusive+ta+depende+di+e+%E2%80%98linkage%2Flasonan%E2%80%99+social-economico++cu+worde+crea+entre+e+resort+y+e+sociedad+%21%21][desc=Mientras+cu+e+topico+di+%E2%80%98all+inclusive%E2%80%99+ta+den+su+full+%26amp%3Bnbsp%3Bfuria+den+tratamento+di+parlamento+di+Aruba+PPA+ta+hanja+ta+bon+pa+publica+un+lista+internacional+di+e+%E2%80%98+strengths+%26amp%3Bnbsp%3By+weaknesses%E2%80%99+di+%E2%80%98all+inclusive%E2%80%99.+E+lista+aki+a+worde+saca+door+di+un+instancia+cu+ta+carga+e+nomber+%E2%80%98Tourism+Intelligence+International+%E2%80%98ITT%E2%80%99+y+cual+lista+a+worde+usa+den+varios+estudio+ora+instancianan+ta+hasi+un+estudio+profundo+riba+e+effectonan+%E2%80%98bon+y+malo%E2%80%99+di+%E2%80%98all+inclusive%E2%80%99+riba+un+de]}
Mientras cu e topico di ‘all inclusive’ ta den su full  furia den tratamento di parlamento di Aruba PPA ta hanja ta bon pa publica un lista internacional di e ‘ strengths  y weaknesses’ di ‘all inclusive’. E lista aki a worde saca door di un instancia cu ta carga e nomber ‘Tourism Intelligence International ‘ITT’ y cual lista a worde usa den varios estudio ora instancianan ta hasi un estudio profundo riba e effectonan ‘bon y malo’ di ‘all inclusive’ riba un destinacionan turistico.  PPA a scoge pa no traduci e lista aki pa ningun persona of instancia bisa cu PPA por a usa un of otro palabra  cu esnan cu a traha e lista aki no tabata kiermen, PPA ta cita:



Kada persona por analisa e lista pa nan mes.

PPA kier accentua un cos hopi cla !!   
‘All Inclusive resorts’  ja kaba ta un segmento importante di nos sector di turismo y como tal PPA ta sostene e ‘segmento’ aki den tur sentido di palabra. E discussion nacional cu ta tumando awor aki ta si un gobierno tin e derecho y deber di controla e ‘mix’ di e producto Aruba ?? Cual PPA ta contesta cu SI !!!  ……
’Si mester regula’ y pone un plafond pa esaki ?  PPA ta contesta cu SI !!  Esaki ta conta pa e ‘mix’ completo  cu un destinacion por tin. E no solamente un derecho di un gobierno e ta su deber !!
Opinion di PPA ta si  cu  esaki lo mester tuma lugar basa riba un of mas estudio hasi pa instancianan international cu ‘experiencia y neutral’  riba e tereno aki….despues di cual por usa un estudio asina pa justifica decisionan di maneho. Tambe PPA ta keda di opinion cu a todo costo mester evita pa crea un base di ‘detournement de pouvoir’ cu lo fortifica casonan judicial contra gobierno den futuro.
PPA como partido politico ta y lo respeta  na tur momento e segmento di ‘all inclusive hotels’ ja kaba aki na Aruba. Nan ta un parti essencial y importante di e ‘mix’ necesario cu Aruba lo mester por ofrece pa cumpli cu e demanda internacional pero na mes momento PPA ta di opinion cu ta keda resta un responsabilidad riba esnan na mando pa controla ‘interes general di pueblo’ den tur esaki. PPA ta lamenta si cu un discussion cu a inicia como un discussion ejemplar y profundo aparentemente awor a jega den un ambiente un parce cu ‘respet’ pa otro ta den tapara y esey no mester ta asina. PPA ta convensi cu ambos instancia esta gobierno, parlamento y sector priva kier sirbi interes general di pais Aruba na prome lugar sin kita for e derecho di sector priva pa defende na interesnan. PPA lo duna nos opinion manera nos ta analise y saca nos conclusion al respecto. PPA ta di opinion cu e  integracion di  ‘all inclusive resorts’ den un comunidad y su acceptacion den curso di tempo semper ta hanja su contenido den e asina jama ‘linkage’ di un resorts na e sociedad cu e ta parti di djele. Y manera PPA a presenta nos opinion aki ta unda e resortnan y gobierno mester busca e contesta. Analisa e ‘linkage/lasonan’ y duna mas contenido na esaki garantisando e ‘raiz’ di e resort dentro di nos sociedad Arubano. !! Manera PPA a bisa nos ta convenci cu majoria ‘all inclusive resorts’ na Aruba nan ‘linkage/lasonan’ cu nos sociedad lo ta miho cu den otro pais den Caribe….pero esey no ta nifica cu lo no tin espacio pa mejora e ‘linkage/lasonan’.
Entodo caso e lista cu  PPA ta publica aki di  TII nos ta publica un viaja mas como  como ‘food for thought’ pa e pueblo di Aruba y pa tur grupo envolvi evalua profundamente !! Sans Rancunes !!

Aruba, 20 di augustus 2016                                      Lider Politico di PPA
                                                                                      BENNY NISBET

Expresionnan haci den e articulo aki no necesariamente ta refleha opinion di ArenaPoliti.co