{idkey=7652b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3980-rudy-richardson-mep-pueblo-mes-por-wak-cu-nos-tin-un-gobierno-cu-no-tin-credibilidad-ni-integridad-mas%3FItemid%3D101][title=Rudy+Richardson+%28MEP%29%3A+Pueblo+mes+por+wak+cu+nos+tin+un+Gobierno+cu+no+tin+credibilidad+ni+integridad+mas%21][desc=Nos+pueblo+por+a+tuma+nota+di+expresionnan+sin+sentido+di+nos+Prome+Minister+Sr.+Mike+%28KB%29+Eman+cu+a+expresa+cu+su+gobierno+ta+trahando+riba+e+refineria+pa+e+ultimo+7+a%C3%B1anan.+Cu+Turismo+ta+fuerte+y+cu+awo+nan+a+logra+hunto+cu+su+colega+Minister+Mike+%28MEGADEBE%29+De+Meza+e+reapertura+di+nos+refineria.+Siguientemente+un+timeline+chikito+pa+nos+pueblo+por+wak+cu+nos+tin+un+Gobierno+cu+no+tin+credibilidad+y+tampoco+integridad+mas.Timeline+Refineria+GE+I+y+II+hunto+cu+Minister+Mike+%28MEGADEBE%29+De+Meza%3A]}
Nos pueblo por a tuma nota di expresionnan sin sentido di nos Prome Minister Sr. Mike (KB) Eman cu a expresa cu su gobierno ta trahando riba e refineria pa e ultimo 7 añanan. Cu Turismo ta fuerte y cu awo nan a logra hunto cu su colega Minister Mike (MEGADEBE) De Meza e reapertura di nos refineria. Siguientemente un timeline chikito pa nos pueblo por wak cu nos tin un Gobierno cu no tin credibilidad y tampoco integridad mas.

Timeline Refineria GE I y II hunto cu Minister Mike (MEGADEBE) De Meza:
@ Ya na April 2015 Gobierno di AVP a give up!
@ Tanto Eman y De Meza incluyendo varios Ja Baas den Parlamento kier a convence pueblo cu mester Desmantela y cu mester ruim op e tereno pa cuminsa otro industria of hotel.
@ April 2015: De Meza ta bisa cu su propio voz, cu no tin cumprado y 6 aña a transcuri.
@ De Meza a bay over na firma e Desmantelacion cu Valero cual tawata programa pa cuminsa dia 15 di November 2015.
@ Diripiente San Hudas kier pretende cu e tawata negocia cu CITGO pa un aña y mey.
@ De Meza a bacila 2 aña cu Roberto Rincon y El Pollo.
@ E unico logro di De Meza ta sinta den Happy Hour cu Rincon y El Pollo sin logra NADA.
@ De Meza semper a papia di screening, dicon bo no a screen Roberto Rincon?
@ Tin mas di 15 video riba Internet cu declaracion di De Meza cu e Refineria a coy corosion y e no ta sirbi mas. E tuberianan a coy frusto y e schroefnan tambe a coy corosion, pues mester Desmantela.
@ De Meza a declara na April 2015 cu Aruba NUNCA no por tuma e Refineria over pero awo na December 2015 el a CAMBIA su opinion y bisa cu awor Si e Refineria por pasa pa propiedad di Gobierno.
@ Mike Eman a declara dia 30 di Augustus 2016: Cu ta pa varios aña ta trahando riba e refineria. Hasta el a bisa cu ta pa 7 aña su gobierno ta trahando riba esaki. MinPres a lubida caba cu na 2009 a laga Valero drenta den politica Arubano pa no paga BBO 1% y despues a duna Valero un Settlement agreement lucrativo contra interes di nos pueblo.
@ Nos di MEP lo sigui e desaroyo aki di cerca despues cu ta nos partido MEP, PDR, PARA y Grupo 7 cu nos gran pueblo Arubano den “Accion Ora Cero” te den oranan di marduga dilanti di e maingate di nos Refineria. Nos a lucha incansablemente pa para desmantelacion di nos refineria.
@ Nos di MEP ta warda e Super Deal yega Parlamento pa nos pueblo por wak esaki y si esaki ta conveni nos pueblo y futuro generacionnan. 

E gobierno aki tin nos turismo den caos unda dos fenomeno nobo a crece cu ta All-inclusive y Other Accomodations. Logronan di MEP manera JetBlue nan ta purba di manipula cu esaki. Door di nan maneho divisanan a bay afo via e fenomeno di "Raspa tarheta". Awo nos banconan local a stop di duna placa na dollar. Tambe e gobierno aki a crea masha hopi problema cu turista por keda na Aruba pa 180 dia cu a crea un competencia inhusto pa nos pueblo. E daño di e gobierno aki ta bisto den tur sector di nos economia. Ban mobilisa pa baha e gobierno di mas malo den nos historia cu a sa di kibra tur regla di bon gobernacion. 

Expresionnan haci den e articulo aki no necesariamente ta refleha opinion di ArenaPoliti.co