{idkey=8997b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4017-evelyn-wever-croes-mep-mep-a-presenta-prueba-di-corupcion-di-benny-sievinger%3FItemid%3D101][title=Evelyn+Wever-Croes+%28MEP%29%3A+MEP+a+presenta+prueba+di+corupcion+di+Benny+Sievinger][desc=Minister+Sievinger+mester+STOP+cu+negoshi+di+tereno.%26amp%3Bnbsp%3BORANJESTAD+%E2%80%93+Fraccion+di+MEP+a+yama+minister+Benny+Sievinger+den+Parlamento+pa+duna+cuenta+di+e+negoshinan+di+tereno.+%E2%80%9CYa+desde+18+di+januari+2016+nos+a+pidi+e+reunion+aki%2C+y+despues+nos+a+manda+4+recordatorio.+Awe+porfin+nos+ta+asina+leew+y+minister+Benny+Sievinger+por+bin+duna+cuenta.+Nos+a+pidi+e+reunion+aki+pasobra+nos+a+nota+un+negoshi+miyonario+den+tereno%2C+entre+e+minister+y+esnan+mas+serca+di+dje+cu+a+inverti+hopi+placa+den+e+c]}
Minister Sievinger mester STOP cu negoshi di tereno. 

ORANJESTAD – Fraccion di MEP a yama minister Benny Sievinger den Parlamento pa duna cuenta di e negoshinan di tereno. “Ya desde 18 di januari 2016 nos a pidi e reunion aki, y despues nos a manda 4 recordatorio. Awe porfin nos ta asina leew y minister Benny Sievinger por bin duna cuenta. Nos a pidi e reunion aki pasobra nos a nota un negoshi miyonario den tereno, entre e minister y esnan mas serca di dje cu a inverti hopi placa den e campanja electoral di AVP. Mientras tanto 11 mil cuidadano tin cu warda pa haya un pida tereno, pero nan no ta haya atencion. Pasobra e minister ta privilegia e sponsornan di campanja, lubidando riba pueblo, hasta lubidando riba esnan cu a campanja pe. Pasobra e sponsornan di campanja ta haya negoshinan miyonario di e gobierno aki, mientras e campanjadornan mester entrega parti di nan entrada na caha di partido AVP. E aspecto mas serio di esaki ta cu tin hopi placa cu ta pasa bou di mesa, pa e negoshinan pa e sponsornan” lider di MEP Evelyn Wever-Croes a duna di conose.

90 mil M²
Durante e reunion publico varios parlamentario di MEP a denuncia casonan hopi cuestionable, y a bin cu prueba di esakinan. Remarcable tabata cu e parlamentarionan di AVP tabata sinta keto ta scucha, y casi no por a kere locual nan tabata scucha y mira. MEP a presenta prueba con e minister ta aproba peticionnan di e donjonan di Canal 90. E donjonan di Canal 90 y nan yiunan y subrinonan, ta actua den nomber di companianan fantasma. Nan ta hasi peticion na e minister pa haya terenonan grandisimo, pa compania fantasma. E peticionnan riba nan mes ta cuestionable caba, pasobra nan ta wordo entrega prome cu e fecha di e carta mes, y e minister ta aproba nan tambe prome cu e fecha di e carta. Den mayoria di caso e minister ta aproba nan e mesun dia. Pero locual mas a hala atencion ta cu e minister ta aproba pa duna e companianan tereno SIN cu e companianan ta existi. Den e casonan presenta den Parlamento, e companianan a wordo lanta DESPUES cu e minister a aproba pa nan haya tereno. Esaki ta algo sumamente cuestionable! Locual tur hende por mira ta cu ningun di e companianan ey ta cumpli cu requisitonan necesario pa por haya propiedad grandi di gobierno. Asina e donjonan di Canal 90 a haya 90 mil meter cuadra di tereno!

Negoshi cu coordinadornan di minister
Parlamentarionan di MEP a mustra tambe con e linianan ta core entre e oficina di e minister, y e donjonan di Canal 90. E donjonan di Canal 90 den algun caso no tin nodo di pidi pa tereno mes. Tin e-mail cu ta prueba cu e coordinador di e minister mes ta notifica sra. Leoncita Arends cu nan a haya un bon tereno p’e, y nan ta pidi sra. Leoncita Arends e ora pa pura traha su carta y entrega su peticion na DIP! Kiermeen sin pidi tereno mes e ta haya.

Sumanan miyonario
MEP a prueba tambe cuanto e sumanan miyonario ta cu e donjonan di Canal 90 ta ricibi. Pasobra na esnan cu ta intermediario so caba nan ta paga 45 mil florin. Y esaki ta apenas pa e interediario, imaginabo cuanto esun cu bende mes ta haya! Den un otro caso, e prome downpayment pa sra. Leoncita Arends ta 100 mil florin! Y esaki ta apenas e prome downpayment, imaginabo cuanto e suma total lo ta!

Investiga minister Benny Sievinger
MEP a conclui e prome tanda mustrando cu mester investiga e actonan di e minister. Sr. Glenbert Croes na final di prome tanda a presenta un mocion hopi bon elabora y documenta, pa Parlamento pidi Contraloria General pa investiga tur e denuncianan. “Si bo no tin nada di sconde, bo ta bai di acuerdo cu e investigacion”, asina sr. Croes a termina.

Expresionnan haci den e articulo aki no necesariamente ta refleha opinion di ArenaPoliti.co