{idkey=7931b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4143-benny-nisbet-ppa-consejo-di-raad-van-advies-ta-senjala-cu-procedura-hiba-pa-gobierno-den-e-negociacion-cu-citgo-pdvsa-ta-enpugna-cu-nos-ley-di-comptabilidad%3FItemid%3D101][title=Benny+Nisbet+%28PPA%29%3A+%E2%80%9CConsejo+di+Raad+van+Advies+ta+senjala+cu+procedura+hiba+pa+gobierno+den+e+negociacion+cu+CITGO%2FPDVSA+ta+enpugna+cu+nos+Ley+di+Comptabilidad%21%21%E2%80%9D][desc=Hiba+un+gobernacion+ta+ensera+hiba+un+gobernacion+teniendo+cuenta+cu+nos+constitucion+y+nos+leynan+cu+ta+deriva+di+nos+constitucion.+E+prome+aspecto+cu+PPA+a+bai+analisa+ta+si+e+procedura+hiba+pa+gobierno+pa+negocia+acuerdonan+cu+CITGO+y+Valero+a+sosode+den+cuadra+di+e+leynan+financiero+di+pais+Aruba+%3F+Aki+PPA+ta+referi+na+nos+Comptabiliteitslandsverordening+AB+1989+n.+72+cu+a+worde+adapta+den+curso+di+tempo+pa+motibunan+hopi+serio.+Manera+ta+conoci+den+e+prome+decadanan+di+nos+status+aparte%2C+mi]}
Hiba un gobernacion ta ensera hiba un gobernacion teniendo cuenta cu nos constitucion y nos leynan cu ta deriva di nos constitucion.

E prome aspecto cu PPA a bai analisa ta si e procedura hiba pa gobierno pa negocia acuerdonan cu CITGO y Valero a sosode den cuadra di e leynan financiero di pais Aruba ? Aki PPA ta referi na nos Comptabiliteitslandsverordening AB 1989 n. 72 cu a worde adapta den curso di tempo pa motibunan hopi serio. Manera ta conoci den e prome decadanan di nos status aparte, ministronan a gasta fondo publico, mara pais Aruba na acuerdonan sin cu a bai parlamento pa un aprobacion, pasobra segun nos ley prome cu e cambionan menciona esaki NO tabata exigi esaki claramente. Pesey legislador a trece cambionan serio dentro di nos Ley di Comptabilidad cu ningun ministro no por gasta fundo publico of mara gobierno na compromiso, funda companianan sin un machting/mandato delanta !

E cambionan cu parlamento di Aruba a trece den nos Ley di Comptabilidad tabatatin como meta pa mara e Ministro arubiano na reglanan stringente. Varios articulo ta stipula cu un ministro NO por tuma cierto decisionan, no por mara pais Aruba SIN un mandato prome di Staten di Aruba. E mandato aki segun nos Ley di Comptabilidad NO por worde busca despues cu ja kaba firmamento di e acuerdo aki a tuma lugar !

PPA kier referi na varios articulo den nos Ley di Comptabilidad e.o.:

Articulo 31 ta e centro e curazon di e Ley di Comptabilidad y nos ta cita:

‘Een minister is uitsluitend bevoegd om op naam en voor rekening van het Land kosten te maken, indien hij daartoe is gemachtigd in de landsverordening tot vaststelling van de begroting van zijn ministerie voor het desbetreffende dienstjaar. Tot het verrichten van een rechtshandeling als bedoeld in artikel 22, 23, tweede lid, 27, eerste en tweede lid, 28, eerste en tweede lid, 29, eerste en tweede lid, en 30, eerste en tweede lid, is hij bovendien slechts bevoegd, indien hij van te voren de voor deze rechtshandeling vereiste machtiging heeft bekomen.

2. Rechtshandelingen die door of namens een minister zijn verricht in strijd met de voorschriften van het eerste lid of van artikel 22, eerste lid en derde lid, verbinden slechts die minister in persoon.

3. Nietig is iedere door de minister of diens gevolmachtigde namens het Land verrichte rechtshandeling:

a. die rechsgevolgen heeft op een gebied waarvoor de desbetreffende minister ingevolge de Landsverordening instelling ministeries(AB 1991 no. GT 61) geen verantwoordelijkheid draagt;

b. als bedoeld in de artikelen 27 tot en met 30 en in artikel V.14 van de Staatsregeling van Aruba, indien niet aan alle in die artikelen gestelde voorwaarden is voldaan;

c, die de verwachting wekt dat het Land een rechtshandeling als bedoeld in onderdeel b, zal verrichten, nadat aan de daarbedoelde voorwaarden is voldaan;

d. die de verwachting wekt dat het Land aan een derde een belastingfaciliteit zal verstrekken als bedoeld in de Landsverordening bevordering industrievestiging en hotelbouw (AB 1993 no. GT. 25), de Landsverordening bevordering grondontwikkeling (Ab 1988 no. GT8) of de Landsverordening renovatie hotels (AB 1987 no. 92).

4. Het inroepen van nietigheid als bedoeld in het derde lid, geeft jegens het land geen aanspraak tot nakoming noch tot schadevergoeding.

Lesando e conseho di Raad van Advies fecha 14 di September 2016 nos ta constata varios ponencia cu ta indica cu gobierno/ministronan NO a tene cuenta cu nos Landsverordening Comptabiliteitvoorschriften.

Nos ta referi na e remarcanan di Raad van Advies menciona den 1.2 te na 1.6 unda claramente ta worde indica cu gobierno no a tene su mes na nos Ley di Comptabilidad y cu aki no ta trata di busca un ‘machtiging/madato’ na Staten pero di busca un ‘bekrachtiging’ pasobra majoria acuerdo a worde negocia y firma sin cu un machtiging/mandato di Staten a worde busca. PPA ta cita ‘Er is thans immers sprake van reeds met Citgo en Valero gesloten overeenkomsten met bindende afspraken, rechtsgevolgen en aansprakelijkheden, waarvoor geen voorafgaande machtiging is verzocht en gekregen, waardoor die onderdelen van onderhavige landsverordening op grond van artikel 31 van de CV 1989 moeten worden aangemerkt als een bekrachtiging in plaats van een machting’. Nos ley di comptabilidad NO conoce un ‘bekrachtiging’ solamente un machtiging/mandato !!

Esaki ta enpugna cu nos Ley di Comptabilidad den tur sentido di palabra. E procedura hiba no solamente ta enpugna pero e ta illegal y e ta ‘nietig’ y no ta crea consecuencia juridico pa pais Aruba. Al contrario e ministronan directamente responsabel a base di e ley di instelling ministeries. PPA kier referi na e tempo cu conseho di Ministro a tuma un decision ‘ilegal’ tocante e empresa di WEB NV pero a consecuencia di esaki solamente e ministro encarga a worde teni responsabel pa esaki!

Den e relato di Raad van Advies ta worde menciona cu e Ministronan a comete varios acto pa cual aparentemente nan no tin ‘machtiging’ pa nan.

Articulo 27 di nos Ley di Comptabilidad ta bisa estrictamente y PPA ta cita:
“1. De oprichting of mede-oprichting van een privaatrechtelijke rechtspersson, dan wel de deelneming in ee privaatrechtelijke rechtspersoon of vervreemding van een dergelijk deelneming, waarbij een geldelijk belang is gemoeid van Afl. 100.000,-- of meer, geschiedt met machtiging, verkregen bij landsverordening.” Locual aparentemente nunca gobierno no a busca na Staten y awor en vez di busca un machting/mandato/apoderacion…..awor encontra di nos Sistema di Ley gobierno kier pidi Staten un ‘bekrachting’….. PPA no ta sigur cu esaki lo hasi e totalidad legal ?????

Y asina tin varios otro acto dentro di e totalidad cu ta totalmente enpugna cu nos Ley di Comptabilidad. Bon gobernacion ta basa riba goberna basa riba e principionan di bon gobernacion cual ta ensera e.o. cu gobierno ta goberna teniendo cuenta cu nos constitucion/Staatsregeling y nos leynan cu ta deriva di nos constitucion/staatsregeling.

Si nos ta comprende e conseho di ‘Raad van Advies’ bon ….e ta indica cu gobierno ta pidiendo Staten pa un aprobacion cu ta totalmente encontra di nos systema legal. PPA ta duda cu un Staten cu ta respeta su mes …..por jega na un aprobacion cual ta enpugna cu nos systema legal. E lo trece un pregunta valido….Esta ki ora y pa kende …..Leynan den pais Aruba ta valido y mester worde respeta ???

Raad van Advies ta menciona specificamente cu Staten ta worde poni dilanti un ‘fait a compli’…. Y PPA ta cita ‘ Gevolg van de gekozen systematiek is daarnaast dat de Staten voor een fait accompli worden gesteld er is ‘immers’ geen sprake van een machtiging voor af, maar van een ‘bekrachtinging’ waarin de Comptabiliteitsverordening niet voorziet’.

PPA por comprende cu gobierno Eman y otro cu ta pro apertura di un upgrader lo ta ‘pro’ pa busca un soluccion. Pero e pregunta realmente ta ……Si ta existi un soluccion legal den un caso asina dramatico. Y sin tin un soluccion cu lo no trece consecuensia pa tur miembro di staten cu vota pa algo cu a worde hiba totalmente enpugna cu nos leynan ???

PPA tin otro preucupacion pa cu e projecto di un upgrader pero dentro di e articulo aki kier a accentua e procedura totalmente encontra di nos sistema y nos Leynan di Comptabilidad. PPA ta hanjele masha stranjo cu te na e momento aki pueblo NO a tende opinion di CAFT riba e materia aki cu indudablemente tin consecuencianan grandi y hasta cuestionable pa pais Aruba. Tambe e silencio di Hulanda pa cu e projecto aki y su consecuencianan ta notabel.

PPA lo bin bek cu mas articulo riba e topico aki.

Aruba, 23 di September 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co