{idkey=6750b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4162-parlamentario-mr-xiomara-maduro-mep-e-wega-politico-di-avp-cu-e-citgo-deal%3FItemid%3D101][title=Parlamentario+mr.+Xiomara+Maduro+%28MEP%29%3A+E+wega+politico+di+AVP+cu+e+Citgo+deal][desc=Partido+AVP+ta+bon+conoci+pa+su+weganan+politico.+Nada+ta+bin+di+e+sinceridad+di+curason%2C+pero+tur+cos+cu+wordo+haci+ta+friamente+calcula.+Den+e+dianan+aki+cu+Parlamento+ta+trata+e+Citgo+deal%2C+Pueblo+di+Aruba+ta+haya+un+bon+oportunidad+pa+wak+e+manera+artificial+cu+Minister+Eman+y+AVP+ta+goberna.+E+biaha+aki+e+Pueblo+por+ta+testigo+di+e+wega+politico+di+AVP+cu+e+Citgo+deal.%26amp%3Bnbsp%3BAVP+semper+kier+a+desmantela+e+refineria%26amp%3Bnbsp%3BNo+laga+ningun+hende+gania+cu+AVP+ta+pro+e+apertura+di+e+refineria.+AVP+]}
Partido AVP ta bon conoci pa su weganan politico. Nada ta bin di e sinceridad di curason, pero tur cos cu wordo haci ta friamente calcula. Den e dianan aki cu Parlamento ta trata e Citgo deal, Pueblo di Aruba ta haya un bon oportunidad pa wak e manera artificial cu Minister Eman y AVP ta goberna. E biaha aki e Pueblo por ta testigo di e wega politico di AVP cu e Citgo deal. 

AVP semper kier a desmantela e refineria 
No laga ningun hende gania cu AVP ta pro e apertura di e refineria. AVP semper kier a desmantela e refineria. Desde tempo cu Henny Eman tabata Premier di Aruba, e sker a cuminsa corta y partinan vital di e refineria a bay perdi pa semper. Ta danki na e insistencia y corahe di Nel Oduber y su team di MEP, awe nos por papia di reapertura di e refineria. Si no ta pa MEP cu a para e desmantelacion y logra habri e refineria cu Coastal na 1989, awe no tin nada pa debati of celebra cune. Si ta pa Minister Eman, elo a sigi cu e plan di su ruman Henny pa desmantela tur cos, laga compania di amigo corta y bende hero y duna e terenonan rond di e refineria na e grupo di 90.000 metro cuadra bisami pa nan haci negoshi cune. Pero atrobe ta danki na e Pueblo cu a sostene e Accion Ora Cero di MEP pa para e desmantelacion di e refineria a logra pone un paro na e abuso di AVP pa elemina un pilar economico di nos Pais. Y duna Cesar locual ta di Cesar, ta riba insistencia di Glenbert Croes di MEP, e portanan a wordo habri na Venezuela pa asina AVP por a negosha y awe por papia di e apertura di e refineria na nos Pais.

Wega politico contra MEP
Awor cu nos ta para na vispera di e apertura di e refineria den forma di un upgrader, AVP kier bin hunga e wega politico pa ‘lok uit’ MEP pa vota contra e reapertura di e refineria, door di keda sin duna tempo pa studia e contractnan, door di pone hende controla e parlamentarionan di opocicion, door di yama e reunion riba man, door di keda sin duna informacion debido y contesta manera mester ta. Cu esaki nan kier logra pa e hendenan di MEP fada y cuminsa critica e deal y boga pa MEP vota contra e deal. E motibo ta simpel. AVP kier bay cu e gloria y nan kier tin algo pa por bay campania den e massa contra MEP, pa asina nan por manipula y bisa cu MEP ta contra pa hoben haya trabou, MEP ta contra pa desaroyo na San Nicolas y MEP ta contra bienestar di Aruba. Esaki ta e balente di AVP. Semper artificial y friamente calcula, enves di haci algo den tur sinceridad y di curason pa e Pueblo di Aruba.

MEP semper a boga pa bienestar di Pueblo di Aruba
Den tur e fanfaria cu AVP lo haci den e dianan aki y esnan cu ta sigi, Pueblo mester djies corda cu MEP semper ta para na banda di e Pueblo su bienestar. Den e caso di e refineria, MEP semper a percura pa Aruba por a conta cu un refineria como un pilar pa nos economia. Betico Croes su palabranan tabata cu "si tin 1% di chens pa habri e refineria nos mester sigi lucha pa logr'e". Ta esey nos di MEP a boga semper pe, pa nos Pueblo por tin trabou pa e por tin un bida digno. AVP di otro banda semper a keda artificial haciendo wega politico y den e asunto di Citgo deal no ta otro. Nan kier bolbe haci wega pa purba perhudica MEP lubidando cu MEP nunca tabata tin dilema manera AVP. MEP semper tabata kier a wak e refineria habri pa e Pueblo di Aruba por tin trabou y un bida digno.

25 september 2016

Expresionnan haci den e articulo aki no necesariamente ta refleha opinion di ArenaPoliti.co