{idkey=202b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4454-benny-nisbet-ppa-ppa-ta-di-opinion-cu-avp-mester-reconoce-sr-alvin-a-howell-candidato-no-27-y-su-votadornan-420-cu-un-nombramento-como-ministro%3FItemid%3D101][title=Benny+Nisbet+%28PPA%29%3A+%E2%80%9CPPA+ta+di+opinion+cu+AVP+mester+reconoce+sr.+Alvin+A.+Howell++candidato+no.+27+y+su+votadornan+%28420%29+cu+un+nombramento+como+ministro%21%21%E2%80%9D][desc=%E2%80%9CMi+a+reuni+cu+Conseho+di+Ministro+y+fraccion+di+AVP+y+nos+a+jega+na+dos+nomber+cu+lo+kana+e+proceso+pa+occupa+e+posicion+di+tanto+e+proximo+ministro+encarga+cu+Turismo+como+e+proximo+ministro+plenipotenciario%E2%80%9D+%E2%80%A6%E2%80%A6.na+palabra+Lider+Politico+di+AVP+a+la+vez+Ministro+Presidente+di+Aruba+mr.+Mike+Eman+%21%21%26amp%3Bnbsp%3BConclussion+%26amp%3Bnbsp%3Bdi+PPA+%26amp%3Bnbsp%3B%26amp%3Bnbsp%3Bmr.+Mike+Eman+%26amp%3Bnbsp%3B%26amp%3Bnbsp%3Bno+%26amp%3Bnbsp%3Ba+reuni+cu+%E2%80%98conseho+di+partido%E2%80%99+esta+nan+partijraad+den+cual+tin+e+candidatonan+di+AVP+cu+no+ta+representa+ni]}
“Mi a reuni cu Conseho di Ministro y fraccion di AVP y nos a jega na dos nomber cu lo kana e proceso pa occupa e posicion di tanto e proximo ministro encarga cu Turismo como e proximo ministro plenipotenciario” …….na palabra Lider Politico di AVP a la vez Ministro Presidente di Aruba mr. Mike Eman !! 

Conclussion  di PPA   mr. Mike Eman   no  a reuni cu ‘conseho di partido’ esta nan partijraad den cual tin e candidatonan di AVP cu no ta representa ningun caminda….y aki PPA ta referi na candato no. 22  pa 28 cu ta bolbe worde pasa un ‘fastball’ pa liderato di AVP. (no., 22 Deyanira Jansen/Frank cu 75 voto, no. 23. Ludwina Bufalini Rasmijn cu 114 voto, 24.  Richard A Dirks 217,  no. 25 Tyson O Lopez cu 173 voto, no. 26 John v/d Biezen cu 200 voto, no. 27 Alvin A Howell cu 420 voto y 28  Robert F. Maduro cu 79 voto) nan no ta conta ??? Nan no mag di participa den tuma decision importante ? 

Specialmente e  candidato number 27 den persona di ciudadano politico a la vez un  polis  respeta sr. Alvin A Howell cu e bunita resultado di 420 voto  di  Brazil/San Nicolas cu a campanja hopi duro mes  y a hanja un tremendo resultado   lo mester a jega su momento pa por representa su pueblo como ministro di su pais. 

Sr. Alvin Howell cu su  420 voto tin suficiente educacion y experiencia pa por occupa posicion di un minister na e momento aki !!  Y  no necesariamente riba e posicion di Ministro di Turismo apesar cu nos no ta duda cu e lo por  e tarea aki tambe. Pero si tene cuenta cu Minister Dowers ta bao di hopi pression y critica pa cu un mal maneho riba tereno di Justicia …awor lo tabata e momento pa hasi un ‘re-shoffling’ den seno di conseho di Ministers y  nombra sr. Alvin Howell como ministro di Justicia …y  duna mr. drs. Dowers ensenansa bek mientras cu por a nombra  sra  Hooyboer-Winklaar como Ministro encarga cu Turismo.  E solo hecho cu e decision aki ta worde tuma den seno di conseho di ministro y e fraccion di AVP  y  no den e   conseho/partijraad  di AVP ta demonstra con e joven  sr.  Alvin Howell y otro candidato ta worde teni deliberadamente afo di representacion di nan pueblo !!

Esaki ta demonstra un falta di respet di AVP  no solamente pa sr. Alvin Howell pero tambe pa su votadornan di grandemente Brazil y San Nicolas. Mas ainda cu den prensa local ta circula e informacion cu AVP lo tin intencion di nombra un persona cu NO tabata riba lista mes como e proximo ministro den gabinete Mike Eman.

Den pasado AVP tabatatin  un otro candidato  cu tabata hasi un  bon trabao den Staten y cu lo mester a bira e proximo ministro encarga cu ensenansa. Pero ora di forma lista  Liderato di AVP a dicidi di hasi un ‘zet’ pa e no regresa y como tal no  bira ministro di Ensenansa perjudicando votadornan di San Nicolas tambe.  

Aki ta di dos ciudadano/politico den ultimo decada di San Nicolas cu ta worde severamente perjudica pa decisionan di liderato di AVP y e forma cu e decisionan aki ta worde tuma  den seno di AVP y notable ta cu tanto e  ministro di pariba di brug como miembronan di parlamento di pariba di brug di AVP no ta pensa riba nan colega cu si a hala un cantidad respectable di voto y cu ta worde trata solamento como un coordinador mientras e merece mucho mas cu esey.  Lo mester tin un motibo pa e maltrato aki di nan colega sr.  Alvin Howell e.o.  !!

PPA ta di opinion cu  sr. Alvin Howell y su votadornan mester worde duna reconocimento y como tal sr. Howell mester worde nombra como ministro den gab  Mike Eman. Mester stop di perjudica candidatonan cu ta bini di San Nicolas y vecindario. Gab. Mike Eman a perjudica e dama den pasado di San Nicolas cu lo mester por a bira Ministro di Ensenansa y a kaba di  trata nos ex Ministro Plenipotenciario sr.  A. Boekhoudt di San Nicolas  na un forma hopi malo door di a bahele  como  ministro plenipotenciario  pasobra el a accepta di bira Gobernador di pais Aruba y awor ta trata otro ciudadano di San Nicolas malo door di actua como sifuera cu sr. Alvin A Howell no ta  miembro di nan partido mes te ora cu ta eleccion atrobe anto e hora ey si nan kier su presencia riba lista.  

No ta custumber di PPA pa nos expresa nos mes encuanto di desaroyo interno di otro organisacion politico pero  e desaroyo aki ta asina visible esta e mal trato di e dama cu lo por a bira ministro di ensenansa,  nos futuro gobernador naci y lanta na San Nicolas sr. A Boekhoudt y awor e  ciudadano/politico di San Nicolas y vecindario  Sr. Alvin Howell cu PPA no por keda cu nos opinion interno pero a scoge pa comparti nos opinion cu nos pueblo.


Aruba,  7 november 2016                                              

Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co