{idkey=6617b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4625-benny-nisbet-ppa-construccion-no-bon-planifica-bao-diferente-signatura-a-contribui-na-situacion-dramatico-aruba-no-a-refleha-un-isla-di-cinco-streya%3FItemid%3D101][title=Benny+Nisbet+%28PPA%29%3A+%E2%80%9CConstruccion+no+bon+planifica+bao+diferente+signatura+a+contribui+na+situacion+%E2%80%98dramatico%E2%80%99+Aruba+no+a+refleha+un+isla+di+cinco+streya+%21%21%E2%80%9D][desc=Aruba+a+pasa+den+un+otro+%26amp%3Bnbsp%3Bjobida+torencial+cu+consecuencia+dramatico+pa+nos+pueblo.+Hopi+sitio+cu+mientras+tanto+ta+conoci+pa+pasa+den+dificultad+a+consecuencia+di+jobida+a+bolbe+pasa+den+e+dolor+aki.+Pero+na+mes+momento+den+hopi+districto+por+a+mira+cu+cierto+parti+cu+nunca+a+conoce+e+hecho+cu+lo+tin+un+sorto+di+blokeo+di+awa+derrepiente+e+viaha+aki+si+a+pasa+den+esaki+cu+consecuencia+dramatico+pa+propiedad+di+hopi+famia+y+comerciante.%26amp%3Bnbsp%3BE+jobida+aki+a+causa+masha+hopi+%26amp%3Bnbsp%3Bimpacto+dra]}
Aruba a pasa den un otro  jobida torencial cu consecuencia dramatico pa nos pueblo. Hopi sitio cu mientras tanto ta conoci pa pasa den dificultad a consecuencia di jobida a bolbe pasa den e dolor aki. Pero na mes momento den hopi districto por a mira cu cierto parti cu nunca a conoce e hecho cu lo tin un sorto di blokeo di awa derrepiente e viaha aki si a pasa den esaki cu consecuencia dramatico pa propiedad di hopi famia y comerciante. 

E jobida aki a causa masha hopi  impacto dramatico parti pabow di nos Isla esta  Oranjestad, Noord, Paradera, Sta Cruz y vecindario. No kabe duda cu e jobida tabata torencial pero e pregunta cu nos pueblo ta hasi ta ….Kiko a pasa cu  nos infra-structura primeramente natural esta nos rooinan etc no por  atende cu e awa y naturalmente por pone acerca e pregunta …con bin nos sistema di infra-structura construi pa gobierno no por  atende cu un jobida torencial ? 

Durante e dos dia ‘dramatico’ cu nos pueblo a pasa den por a sigui diferente filmacion y potret riba ‘social media’ unda   pueblo mes a filima y saca potret di diferente sitio unda  e awa visiblemente no tabata move pero tabata grandemente para. Otro caminda  e jobida/awa tabata move pero masha poco poco……E pregunta clave di pueblo cu PPA ta ripiti aki ta….Di con ?  Awor ta notable cu e districtonan cu ta sufri ora di jobida torencial ta justamente e districtonan unda tabatatin un  construccion di otro mundo. E prome conclusion di PPA  ta cu e construccion aki cu permiso di autoridadnan local lo mester a blokea e movicion di e awa natural cu tabatatin diferente caminda na nos isla.  Den diferente filmacion nos por a tende  e pueblo ta splica y ta mustra claramente den direccion di diferente Edificio grandi cu a worde construi ….den curso di tempo cu nan a worde construi exactamente riba un rooi grandi cu prome a worde ‘gedempeld’ pa despues un edificio of cas worde construi riba djele. Esey bo por jama ‘pidiendo’ pa un desaster asina.

PPA ta di opinion cu awor ta e momento pa autoridad y principalmente autoridad cu tin di haber cu duna permiso pa construccion y cu mes ta responsabel pa construccion di infra-structura di gobierno pa hasi un analis profundo di e situacion aki. No ta normal cu un pueblo kada 5/6 anja tin di perde un gran parti di nan permenencia of cu comercio tin worde affecta seriamente y no kabe duda esaki tin consecuencia tambe pa hopi seguro.

Si analisa unda cierto eror a worde cometi den pasado …mester por rondia un forma pa crea un salida pa e awa a consecuencia di un jobida torencial den e districtonan aki. E locual autoridad tin na e momento aki of por hanja ta hopi potret y filmacion di e problematica crea pa jobida.

No kabe duda cu e desaster aki ta parcialmente ‘man made’ ….esta den curso di tempo bao di diferente signatura di gobierno. Pero awor e  problematica mester worde soluciona of minimalmente suaviza. Un maneho di futuro segun PPA mester ensera:

1. Nombra un commission di experto pa hasi un analisis y entrega gobierno nan conclusion di kiko por a contribui na e crisis aki den diferente sitio riba nos Isla dentro di p.e. 3 luna !!
2. Un analisis critico di cierto caretera cu gobierno di projecta pa construi cu e pregunta si e nivel di e caminda y ‘trottoir’ cu su klinkernan halto no ta  stroba e awa pa tuma su caminda etc..?
3. Un analisis profundo di e situacion crea a consecuencia di jobida !!
4. Un proceso hopi cuidadoso kada vez cu duna permiso pa construi casnan/Edificio  posiblemente den caminda ‘natural’ cu e  awa ta move.

En corto den pasado nos a tende diferente signatura expresa cu nan lo bai studia e problematica pero kada vez cu nos ricibi un jobida torencial pueblo y PPA mester conclui cu  nada no a worde hasi pa e diferente ‘signatura’ cu a goberna pais Aruba.

PPA lo keda sigui e problematica aki  esta kiko e actual gobierno lo hasi awor cu  pueblo a kaba di pasa den e consecuencia di otro jobida torencial.

AEROPUERTO DI ARUBA ??

E awa cu a drenta nos aeropuerto di Aruba sea p/m di su dak of pa e hecho cu mucho awa a pone cu e awa no por a sigui su caminda tabata un vista hopi tristo.  Normalmente un Aeropuerto ta un di e edificionan mas fuerte di un pais y lo mester ta hopi bon construi reflehando e progreso y e eventual nivel di un pais. Consecuentemente e vista aki na nos aeropuerto tabata a mishi grandemente cu e ‘imagen’ cu nos bishitantenan lo tin di Aruba y naturalmente cu e orguyo di nos como Arubiano. Aki sigur e imagen di e awa den sala di aeropuerto no a contribui na e pensamento cu Aruba lo ta un  isla di cinco streya.

Aki tambe PPA ta di opinion cu autoridad di AAA NV lo mester hasi un bon analis y actua debidamente pa evita esaki den futuro.

Conclussion di PPA:

Gobierno y su autoridad mester actua debidamente pa evita of limita un ripiticion di un situacion dramatico asina den futuro.

No kabe duda cu un parti di nos pueblo ta sigura pero no kabe duda cu un gran parti di nos pueblo humilde No ta segura cu consecuencia dramatico pa e famianan envolvi. Awor cu nos a tende cu Hulanda a ofrece nos pueblo un judanza  pero nos flamante gobierno a gradici pa esaki PPA kier declara bon cla ..esey ta trece e ‘deber’ pa nos gobierno juda nos pueblo cu kizas no ta sigura cu perdida di nan necesidadnan. Gobierno debe pueblo esaki  !!

Aruba, 23 di November 2016                                                      

Lider Politico di PPA
BENNY NISBET  

Expresionnan haci den e articulo aki no necesariamente ta refleha opinion di ArenaPoliti.co