{idkey=2635b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4799-benny-nisbet-ppa-cambio-di-clima-y-hizamento-di-nivel-di-lama-mester-worde-trata-na-nivel-nacional-di-nos-pais%3FItemid%3D101][title=Benny+Nisbet+%28PPA%29%3A+%E2%80%98Cambio+di+clima%E2%80%99+y+%E2%80%98hizamento+di+nivel+di+lama%E2%80%99+mester+worde+trata+na+nivel+nacional+di+nos+pais+%21%21%E2%80%99][desc=Jegando+final+di+2016+ta+deber+di+nos+como+organisacion+politico+cu+basta+anja+di+eperiencia+pa+expresa+nos+preucupacion+pa+futuro+di+nos+pais+y+e+topico+cu+ta+un+menasa+pa+e+futuro+aki.+PPA+ta+desea+di+referi+na+e+asina+jama+%E2%80%98climate+change%E2%80%99+y+%E2%80%98rising+sea+levels%E2%80%99+cual+ta+un+menasa+pa+futuro+existencia+di+mundo+y+humanidad.+No+kabe+duda+cu+tin+persona%2Fgrupo+cu+ta+diferencia+di+opinion+cu+majoria+scientifico+pero+PPA+si+ta+tene+cuenta+cu+e+resultado+di+un+cantidad+grandi+di+estudio+cu+a+t]}
Jegando final di 2016 ta deber di nos como organisacion politico cu basta anja di eperiencia pa expresa nos preucupacion pa futuro di nos pais y e topico cu ta un menasa pa e futuro aki. PPA ta desea di referi na e asina jama ‘climate change’ y ‘rising sea levels’ cual ta un menasa pa futuro existencia di mundo y humanidad. No kabe duda cu tin persona/grupo cu ta diferencia di opinion cu majoria scientifico pero PPA si ta tene cuenta cu e resultado di un cantidad grandi di estudio cu a tuma lugar riba e materia aki.

CARBON FOOTPRINT ? 
Actividad humano especialmente e ultimo 100 y algo anja cu produccion di ‘coal y crudo’ a contribui na e hecho cu e ‘carbon footprint’ di humanidad den su totalidad a crece substancialmente y cual ‘carbon footprint’ lo cuminsa affecta mundo henter. Primeramente affectando nos atmosfeer, affectando e ‘zuurstof’ den un cantidad di pais cual ta affectando e clima rond mundo y cual ta causa cu e ‘ijs’ ta smelt causando cu nos lama ta subi substancialmente esaki jama ‘rising sea levels’. Tambe un mundo mas calor ta hasi cu e lama ta expande. 

E ‘rising sea levels’ a causa discussion rond mundo. Tin pais cu lo worde mas lihe affecta ta isla chikito den ocean pacifico pero tambe den Caribe. Instancia international e.o. Naciones Unidas a saca informacion y a suplica e islanan/paisnan pa nan hasi nan mes estudio y presenta plannan con nan por limita e eventual danjo y gasto cu esaki lo por crea. Banco Mundial (World Bank) a expresa den un rapport ‘we’re on track for a 4o C warmer world (by Century end) marked by extreme heat waves, declining global food stocks, loss of ecosystems and biodiversity and life-threatening sea level rise.” There is no certainty that adaption to a 4o C world is possible”.(Final di citacion di Banco Mundial !)

Esaki lo nifica cu cierto isla lo hoga manera Maldives y Tuvalu y esaki lo pone e costa di varios area manera Ecuador y Brazil pero tambe e Netherlands y basta parti di California y e parti nort di Estados Unidos igualmente un bon parti di Sur y Sureste di Asia. Ciudadnan grandi cu lo core risico ta Boston, New York, Los Angeles (greater), Vancouver, London, Mumbai, Hong Kong and Shanghai.

Awor comprende PPA bon nos NO a jega na e asina jama 4oC warmer World cu estudio di World Bank ta senala ! Y e acuerdo di Paris, Francia cu a worde firma pa 195 pais incluso Aruba ta pa justamente purba evita cu mundo lo jega e 2o C warmer World si acaso tur firmante tene nan mes na e acuerdo. Pero rey kwa firmante ta e prome pa kibra esaki…? Contesta ………Aruba cu su acuerdo pa transforma nos fascilidad den un Upgrader…..!! Ni cu filters……….un Upgrader su ‘carbon footprint’ esta su ‘Co2 y su waste products’ ta hopi pero hopi mas cu p.e. un refineria, consecuentemente Aruba despues di tur e ‘show’ riba e panorama International ta e prome pais pa trapa e acuerdo di Paris, Francia !!

Den Caribe varios isla/pais ta hopi activo riba e tereno aki pero lamentablemente Ni gobierno di Aruba, Ni parlamento di Aruba no a dedica mucho atencion na e problematica aki. Cu otro palabra e topico di ‘climate change y rising sea levels’ no a worde poni riba ‘agenda nacional’ di pais Aruba. E unico atencion cu e topico aki a ricibi ta ora Min Pres Mike Eman a usa esaki pa duna un ‘show’ politico pa bisa pueblo atami ki riba podium internacional pero pa actua na cas/Aruba pa informa pueblo kiko lo ta e puntonan debil di nos pais y kiko gobierno lo tin intencion di hasi ….eynan net net nada…te awe !!

Preucupacion di PPA !!

1. Aruba conoce varios districto cu ta pega na costa y lo worde affecta si lama aumenta un meter of un poco mas e.o. Zeewijk, Cura Cabai, Savaneta, Pos Chikito, Spaans Lagoen, Balashi, Oranjestad y un parti di Noord banda di e hotelnan…?
2. Un aumento di lama cu 1 meter of mas lo por affecta e ‘pista di aterizaje’ di nos Aeropuerto ??
3. Aumento di lama cu 1 meter of mas lo por affecta varios hotel cu ta construi riba nos ‘beachnan’ na un forma basta serio ?
4. Aumento di lama cu 1 meter of mas lo por affecta funcionamento di nos dr,. Horacio Oduber Hospital……cu gobierno a permiti pa keda riba e sitio unda e ta ?
5. Aumento di lama cu 1 meter of mas lo por affecta nos ‘beach’ y consecuentemente varios di nos hotelnan !
6. Aumento di lama cu 1 meter of mas lo por affecta basta di nos careteranan cu ta cerca di lama ? Y mucho mas.

Otro isla/pais a larga hasi varios estudio e.o. uno hasi entre e islanan ingles y e Universidad di Oxford cual a indica cu lo tin mas cu 300 hotel den Caribe cu ta core risico serio y mas cu 30 aeropuerto. Basa riba e estudio aki Naciones Unidas a duna varios isla ajudo financiero pa nan cuminsa inverti pa asina limita nan danjo !! No ta tur danjo cu bo por scapa pero si cierto danjo cu bo por mira ta bin bo por minimalisa. Y aki Aruba su gobierno y parlamento ta actua manera nos no ta core ningun risico, nos ta riba un otro planeta.

PPA como partido cu a inicia nos Industria di turismo ta consciente di e importancia cu nos industria turistico a bira pa nos pais y nos pueblo. Pesey PPA ta di opinion cu a problematica aki mester worde poni riba e ‘agenda nacional’ di nos pais !! Y mester hasi un peticion na gobierno di Reino pa Hulanda pone experto di ‘Rijkswaterstaat’ pa hasi un estudio pa Aruba. Aruba a larga mucho mucho anja bai perdi y ta esaki ta e mensahe di Naciones Unidas y varios instancia International. Ta den un cierto periodo bo por actua…..despues e lo bira mas y mas dificil pa hasi tur locual lo ta necesario.

E crisis cu Aruba a pasa den cu e ultimo jobida ta un senjal hopi cla di kiko por spera nos encaso nos no prepara pa ‘cambio di clima y hizamento di nivel di lama’….PPA lo pone e topico aki como un di nos prioridad den nos proximo programa pa eleccion 2017.

PPA ta suplica gobierno pa atrega un suma di placa na e presupuesto 2017 pa inicia cu e proceso aki, pa hasi un apelacion na Reino Hulandes pa Rijkswaterstaat hasi su estudio y pa nombra un commission di experto local pa cuminsa studia y prepara pa e desaroyo aki !!

PPA kier senjala cu nos actual generacion tin un deber pa larga un Aruba atras cu otro generacion por biba un bida di calidad . Pesey PPA ta tene nos actual gobierno Mike Eman responsabel pa a duna ‘show’ pero no a inicia cu accion pa limita danjo real !! Nos ta tene nos parlamento di Aruba responsabel pa no a pone e topico aki riba e ‘agenda nacional’ di pais Aruba.

Un motibo mas pakiko pueblo na 2017 lo mester usa su derecho democratico pa trece cambio ‘dramatico’ tanto pa loke ta trata gobernacion como representacion di pueblo den parlamento !! PPA e partido responsabel pa e progreso di Aruba, progreso economico, social, educacional y nos industria turistico di nos Isla ta esun cu lo por duna e vision, e guia necesario pa salba nos pais di e crisis riba un variacion di tereno.

Aruba, 29 di December 2016
Lider Politico di PPA
Benny Nisbet

Expresionnan haci den e articulo aki no necesariamente ta refleha opinion di ArenaPoliti.co