{idkey=6354b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4835-mireille-sint-jago-mep-nos-mester-vota-pa-idealismo-pasobra-asina-so-aruba-lo-por-wordo-salba%3FItemid%3D101][title=Mireille+Sint+Jago+%28MEP%29%3A+%E2%80%9CNos+mester+vota+pa+idealismo%2C+pasobra+asina+so+Aruba+lo+por+wordo+salba%E2%80%9D][desc=Bendicion%26amp%3Bnbsp%3BE+prome+dianan+di+2017+ya+caba+a+trece+bendicion+den+e+forma+di+awasero+y+biento+fresco.+Aunke+2016+tawata+un+a%C3%B1a+hopi+duro+pa+e+gran+mayoria+di+pueblo+di+Aruba%2C+semper+nos+pueblo+lo+laga+su+grandesa+resalta+cu+su+gran+cordialidad.+E+ultimo+a%C3%B1anan+pueblo+ta+sufri.+Sufri+den+silencio.+MEP+ta+bay+caba+cu+e+sufrimento+di+pueblo+na+2017%21+Raiznan%26amp%3Bnbsp%3BE+bendicion+di+awasero%2C+na+un+manera+figurativo%2C+ta+net+locual+mester%2C+pa+e+simianan+cu+a+wordo+planta+door+di+MEP+durante+e+ultimo+a]}
Bendicion 
E prome dianan di 2017 ya caba a trece bendicion den e forma di awasero y biento fresco. Aunke 2016 tawata un aña hopi duro pa e gran mayoria di pueblo di Aruba, semper nos pueblo lo laga su grandesa resalta cu su gran cordialidad. E ultimo añanan pueblo ta sufri. Sufri den silencio. MEP ta bay caba cu e sufrimento di pueblo na 2017!

Raiznan 
E bendicion di awasero, na un manera figurativo, ta net locual mester, pa e simianan cu a wordo planta door di MEP durante e ultimo añanan cu MEP ta den oposicion, por saca nan raiznan den tera na un manera firme y crece durante e siguiente lunanan di 2017, prome cu dia 29 di september. Corda cu e desaroyo di un simia ta cuminsa bou di tera. Den e storia di e 'Chinese Bamboo Tree' por ehempel, e simia ta tarda 4 aña pa sali riba tera. Den e cuater añanan, su raiznan ta bira un netwerk di raiz firme, prome cu e mata sali riba tera. Manera e sali e ta crece bira un mata madura di 90 pia halto den apenas 6 siman! Bou liderasgo di Evelyn Wever-Croes, e raiznan di e mensahe di partido MEP a sigui desaroya den nos comunidad. Ora MEP gana eleccion, pueblo ta gana e mihor futuro posibel, pasobra idealismo lo reina atrobe riba nos Aruba dushi tera.

Conscientisacion 
Durante e aña aki, candidatonan di MEP hunto cu e campañadornan y sostenedornan lo campaña mas duro cu nunca pa conscientisa pueblo. Nos mester vota pa idealismo, pasobra asina so Aruba lo por wordo salba. Ta ora pa pueblo bolbe uni y percura pa tur esnan cu ta aporta na un mihor Aruba sinti cu nan ta bon bini pa nan tambe vota pa idealismo. Asina nos por conscientisa henter pueblo pa cada un di nos realisa e importancia di nos derecho di vota. Asina nos por garantisa cu e mayoria lo vota pa un Gobierno cu si ta traha pa su pueblo.

Idealismo 
Pues pa 2017, mi deseonan pa nos tur, pueblo di Aruba, ta pa nos logra hisa e calidad di bida bek pa un y tur. Pa nos por reestabilisa e siguridad den nos comunidad. Pa nos grandinan por bolbe biba na un manera trankilo y digno. Pa nos tur por conta riba e miho calidad di cuido di salud posibel na Aruba. Pa tur generacion traha hunto pa yuda nos hobennan desaroya nan talentonan. Asina, conhuntamente, nos ta bay logra traha un mihor futuro pa nos tur. Pais Aruba merece bon gobernacion. Pueblo merece un gobernacion recto y husto. Nos muchanan merece e miho futuro posibel. Esey por wordo regla solamente, si idealismo vence na Aruba. Idealismo so lo por salba Aruba.

Determinacion 
Aña 2017 lo por resulta di ta e aña di eleccion mas determinante pa cu e futuro di nos tur riba e pida baranca aki. MEP su victoria ta bay duna pueblo bek su poder di auto-determinacion. Pueblo lo por determina e futuro di su pais. Un responsabilidad grandi pa nos tur. Solamente determinacion pa Idealismo gana durante eleccion por salba e futuro generacion. Cu Dios drama su bendicion riba henter nos poblacion.

Expresionnan haci den e articulo aki no necesariamente ta refleha opinion di ArenaPoliti.co