{idkey=29b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4861-parlamentario-chris-romero-mep-alternativa-pa-baha-gasto-di-coriente%3FItemid%3D101][title=Parlamentario+Chris+Romero+%28MEP%29%3A+Alternativa+pa+baha+gasto+di+coriente][desc=Den+e+reunionnan+cu+ta+tumando+luga+e+siman+aki+na+Corsow+entre+e+representantenan+di+Reino+Hulandes%2C+varios+topico+hopi+importante+a+wordo+trata.+Entre+nan+tin+dos+topico+cu+a+hala+hopi+atencion+di+tanto+nos+Fraccion+y+tur+e+otronan+den+Reino.+Uno+ta+%E2%80%9CE+posibilidadnan+pa+mehora+nos+economia+den+Reino%E2%80%9D+y+e+otro+ta+%E2%80%9CCambionan+di+clima+y+produccion+di+energia%E2%80%9D.+Durante+e+tratamento+di+e+dos+topiconan+aki%2C+e+compania+Bluerise%2C+a+duna+un+splicacion+amplio+di+nan+proyecto+den+un+presentacion+]}
Den e reunionnan cu ta tumando luga e siman aki na Corsow entre e representantenan di Reino Hulandes, varios topico hopi importante a wordo trata. Entre nan tin dos topico cu a hala hopi atencion di tanto nos Fraccion y tur e otronan den Reino. Uno ta “E posibilidadnan pa mehora nos economia den Reino” y e otro ta “Cambionan di clima y produccion di energia”.

Durante e tratamento di e dos topiconan aki, e compania Bluerise, a duna un splicacion amplio di nan proyecto den un presentacion cu a capta basta interes den esnan presente.
E compania aki ta ta introduciendo un tecnologia nobo riba mercado cu ya caba ta funcionando na algun paisnan rond den Caribe manera Martinique.

Riba e topico di produccion di energia, Parlamentario Chris Romero a splica cu Aruba mester studia e posibilidad pa implementa e proyecto aki na Aruba.   

“Loke e compania Bluerise ta haci ta produci coriente y trece coolernan pa hotelnan un un manera mas eficiente cu loke nos conoce como airco. Y tambe nan ta produci awa pa bebe y pa agritultura.

Bluerise ya caba a haci estudio pa Aruba, Corsow y Boneiro. Corsow ya caba ta “bezig” cu un “pilot proyect” pa trece un parti di esaki na Corsow. Aruba tambe tin e posibilidad di haci esaki den un future hopi cerca.

Tur presente a keda masha impresiona cu e tecnologia aki pasobra e ta completamente limpi y tambe pasobra ta bay produci coriente riba e uso di diferencia di temperatura di awa di lama. No ta bay tin nada di kimamento pa trece mas sushedad den nos medio ambiente.

Esaki por wordo uza na e banda noord di Aruba door di e profundidad na unda tin e posibilidad pa yega na e diferencia di temperatura ariba y abou di awa pa produci coriente pa un parti di nos isla.

Den conexion y bou di guia di WEB, por bin cu un proyecto asina pa wak den ki manera e lo benificia e pueblo di Aruba. E representantenan di Bluerise a splica cu ta depende con hopi coriente ta produci lo por yega na un tarifa sumamente abou.

Si nos compare na e Aruba, nos ta paga 36 cen pa kilowatt. Y cu e proyecto aki por spaar 75 %. Dus e lo bira 9 cen pa kilowatt. Esaki ta un rebaho substancial dependiendo e cantidad di coriente cu lo bay produci.

Mi ta kere cu esaki ta un proyecto cu sigur Aruba mester tene na bista. Y nos Fraccion den cooperacion cu WEB sigur lo trece esaki dilanti pa asina yuda baha e gasto halto di coriente cu tin awor aki na Aruba.

Mi a tuma nota tambe cu Hulanda tambe a keda hopi interesa den e proyecto aki sinembargo e problema cu nan tin ta cu eynan ta hopi friew y no ta haya e diferencia di temperatura manera cu nos tin aki banda.

Manera ya mi a menciona, Corsow ta un stap dilanti y ta bay cuminsa cu e proyecto aki pa sigui mehora energia. Nan ta hopi mas instabil si compara nan cu anos cu ta hopi mas stabil. Aunke cu Aruba ta basta stabil, nos Fraccion semper a trece dilanti cu pa nos por yega na 100% energia limpi, no di “green” sino energia limpi y sostenibel, mester bin un mescla.

Ya caba nos tin e  molinanan di biento cu  Gobierno Oduber a bin cu ne. Tambe nos tin e solar panelnan y diferente otro proyectonan chikito cu ta andando na diferente scolnan.

Hunto cu e mescla aki, porta pa aña 2030 lo por yega na energia 100% limpi manera den e “Parijs Akkoord” cu hopi pais kier yega na dje”, Parlamentario Chris Romero ta conclui bisando.

Expresionnan haci den e articulo aki no necesariamente ta refleha opinion di ArenaPoliti.co