{idkey=8719b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5199-andin-bikker-por-mas-polis-riba-caya-no-ta-e-solucion-mas-pa-seguridad-pero-sistema-di-tecnologia%3FItemid%3D101][title=Andin+Bikker+%28POR%29%3A+Mas+polis+riba+caya+no+ta+e+solucion+mas+pa+seguridad%2C+pero+sistema+di+tecnologia%21][desc=Den+conferencia+di+prensa+di+Partido+POR%2C+Plataforma+Forza+Nobo%2C+Andin+Bikker+a+haya+un+pregunta+tocante+seguridad+mirando+cu+mas+di+200+polis+a+desplega+nan+vigilancia+durante+carnaval+na+Playa+y+otro+200+na+San+Nicolaas.+Bikker+a+contesta+cu+e+minister+ta+aplica+e+mesun+sistema+tradicional.+El+a+comenta+cu+si+traha+sopi+semper+cu+mesun+ingredientenan+e+sopi+semper+ta+bay+smak+mescos.+E+no+ta+mira+e+solucion+den+ponemento+di+mas+blou+riba+caminda%2C+sino+na+cambia+pa+un+sistema+moderno+di+segurid]}
Den conferencia di prensa di Partido POR, Plataforma Forza Nobo, Andin Bikker a haya un pregunta tocante seguridad mirando cu mas di 200 polis a desplega nan vigilancia durante carnaval na Playa y otro 200 na San Nicolaas. Bikker a contesta cu e minister ta aplica e mesun sistema tradicional. El a comenta cu si traha sopi semper cu mesun ingredientenan e sopi semper ta bay smak mescos. E no ta mira e solucion den ponemento di mas blou riba caminda, sino na cambia pa un sistema moderno di seguridad, y a bolbe pone e ehemplo di Hulanda, por ehemplo Rotterdam caminda nan ta hasta regala alarma di cas na e pueblo humilde cu nan por monitorea via internet mes. Nan a cuminza instala camara na diferente skina y duna estimulo fiscal na diferente empresario pa por mehora nan seguridad y asina tin mas cos cu a prueba cu nan ta traha. 

Andin ta kere cu si hopi hende di nos pueblo cu no tin manera pa jega na un alarma of paga monitoreo tur dia, si bo duna incentivonan pa cuminza regala sistemanan di alarma cu aworaki via internet bo mes por monitorea kico ta pasando den bo cas y rond di dje, hopi hende cu tin alarma den su cas por sinti su mes un tiki mas sigur pa bay wak por ehemplo, carnaval. Pero no por ta asina cu si e personanan ta bay wak carnaval y ora bin cas ta confronta cu nan pertenencianan a bay perdi, of cu tin intento di atraco of atraco mes riba nan. E caminda cu nos mester jega segun Bikker, ta bay no solamente na pone mas polis riba caya, pasobra semper esey tin, aña aden aña afo ta haci e esfuerzonan aki, pero mester bin cu otro alternativanan tambe pasobra obviamente e dimension aki no ta garantizando nos pueblo seguridad. “Cu tur respet bo por tin hopi blou riba caya, pero no por tur caminda tampoco. Pesey bo mester bin cu solucionnan alternativo, tecnologico pa cu esaki” Bikker a bolbe reitera. 

Expresionnan haci den e articulo aki no necesariamente ta refleha opinion di ArenaPoliti.co