{idkey=7471b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5241-andin-bikker-por-pa-ley-e-agresor-mester-paga-danonan-causa-na-su-victima%3FItemid%3D101][title=Andin+Bikker+%28POR%29%3A+Pa+ley+e+agresor+mester+paga+da%C3%B1onan+causa+na+su+victima%21][desc=Tocante+e+tema+di+falta+di+maneho+pa+loke+ta+trata+abuso+di+mucha%2C+di+parti+di+minister+di+husticia%2C+Andin+Bikker+di+Partido+For+a+Nobo+a+sigui+elabora+den+rueda+di+prensa+di+diamars.%26amp%3Bnbsp%3BEl+a+bisa+cu+ta+un+ehemplo+palpable+cu+lamentablemente+nos+ta+confronta%2C+cu+hopi+caso+di+abuso+di+menor%2C+entre+tanto+por+wak+cu+e+minister+actual+ni+den+totalidad+pa+combatimento+di+criminalidad+ni+riba+e+problema+specifico+aki+tin+un+plan+di+maneho.+Bikker+a+menciona+cu+na+final+di+dia+si+bo+pensa+un+rato+rib]}
Tocante e tema di falta di maneho pa loke ta trata abuso di mucha, di parti di minister di husticia, Andin Bikker di Partido For a Nobo a sigui elabora den rueda di prensa di diamars. 

El a bisa cu ta un ehemplo palpable cu lamentablemente nos ta confronta, cu hopi caso di abuso di menor, entre tanto por wak cu e minister actual ni den totalidad pa combatimento di criminalidad ni riba e problema specifico aki tin un plan di maneho. Bikker a menciona cu na final di dia si bo pensa un rato riba introduccion di castigo minimo, unda bo ta duna un señal fuerte como legislador, bo por bisa “tende aki, e actonan aki ta inaceptable, repudiable, y nos comunidad no ta acepte. Na di dos lugar e maneho pa loke ta trata castigonan cu ta wordo pidi ora cu actonan asina ta wordo tuma, di parti di Ministerio Publico. E maneho eynan tambe bo por adapte, cu bo ta bisa cu den casonan asina mester bin castigonan minimo halto cu ta wordo pidi anto laga Corte dicidi si ta baha e castigo si of no!” Bikker a splica. 

Pero como Ministerio Publico Bikker ta bisa, e maneho mester ta duna un señal ora bo pidi castigo  bo ta pidi un castigo halto. Na di tres, bo ta introduci e derecho di e victima, su pariente, su mayornan, pa bo por hiba palabra den caso penal. E di cuater ta cu e daño cu e malhechor ta comete, e mester sintie den su cartera tambe pasobra e persona cu el a herida emocionalmente pa añanan y nan mayornan mester paga Psiquiatra, etc. Y no ta husto cu mayornan cu no a haci nada malo, hopi biaha e malhechor ta esun cu mester paga e gastonan, Bikker a bisa y a trece dilanti tambe cu no ta algo cu e ta inventa, pasobra na Madre Patria Hulanda y na Merca nan ta trahando riba instrumentonan cu ta funcionando asina aki.

Ta lamentable cu bo tin un Minister di husticia cu riba e tematica aki ta morto na soño anto nos pueblo ta sclamando pa seguridad riba nos isla y esaki nos como partido nos filosofia semper no ta djis señala un problema, mi ta bin semper cu posible solucionnan. Y mi a caba di menciona cuater solucion palpable pa un di e problematicanan cu ta afecta nos sociedad. Bikker a bolbe bisa cu e problematica mas grandi ta cu minister di husticia no ta haciendo uso di su instrumentonan cu e tin pasobra na final di dia un minister di husticia ta responsable pa tur e leynan di nos pais, traha ley tambe y  conceptonan di ley.

Expresionnan haci den e articulo aki no necesariamente ta refleha opinion di ArenaPoliti.co