{idkey=4121b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5326-por-pensionadonan-no-lo-paga-belasting-mas-riba-pension%3FItemid%3D101][title=POR%3A+Pensionadonan+no+lo+paga+belasting+mas+riba+pension][desc=Plataforma+politico+POR+Lo+introduci+pension+flexibel.%26amp%3Bnbsp%3BPlataforma+Politico+E+Forsa+Nobo%2C+POR+ta+garantisa+cu+lo+introduci+e+concepto+di+ley+cu+a+presenta+di+iniciativa+pa+loke+ta+trata+flexibilidad+di+pension.+Cu+e+mesun+espiritu+aki+lo+kier+bin+cu+cambionan+tambe+pa+personanan+cu+ta+ricibi+bijstand+of+cualkier+ayudo+social.%26amp%3Bnbsp%3BVarios+persona+den+comunidad+no+por+warda+pa+nan+baha+cu+pension+na+65+a%C3%B1a.+Tin+personanan+cu+ta+traha+den+sector+hotelero+cu+ta+e+industria+cu+ta+carga+nos+econo]}
Plataforma politico POR Lo introduci pension flexibel. 

Plataforma Politico E Forsa Nobo, POR ta garantisa cu lo introduci e concepto di ley cu a presenta di iniciativa pa loke ta trata flexibilidad di pension. Cu e mesun espiritu aki lo kier bin cu cambionan tambe pa personanan cu ta ricibi bijstand of cualkier ayudo social. 

Varios persona den comunidad no por warda pa nan baha cu pension na 65 aña. Tin personanan cu ta traha den sector hotelero cu ta e industria cu ta carga nos economia y hopi ta traha trabounan cu ta encera cu nan ta riba nan pia constant. Tin esunnan den e sector di construccion cu tin trabou pisa y tambe otro sectornan cu ta rekeri hopi esfuerso fisico, cu na final di dia ora cu bisanan cu no ta 60 mas, sino gradualmente cu 65 nan ta baha cu pension, hopi no por yega e edad ey, Sr Andin Bikker a splica. Los di esey ta conoci cu tin diferente personanan cu entre otro a cera acuerdonan considerando cu nan tey baha cu pension na 60 aña. E tempo ey no a pensa cu lo subi edad di pension, pues tin personanan cu ta hayanan sin entrada pa algun aña. P’esey introduciendo e flexibilidad di pension unda cu bo ta scohe si bo kier baha cu 60 aña bo por, hayando un “korting” chikito. E ora e responsabilidad ta cerca e persona y asina ta tene consideracion cu casonan individual. 

Proteccion fondo
Pa proteha e fondo lo bin cu un “hardheidsclausule” pues un garantia pa e fondo. Pa si ta 5000 persona lo por haci uzo di e opcion pa bay mas trempan cu pension normal, den caso cu por ehempel 8000 aplica, ta bin cu un keuring medico pa selecciona e 5000 y asina ta proteha e fondo. Esunan cu ta bin na remarca e ora pa por haci uzo di e oportunidad ta hacie, y e resto ta bay pa e siguiente aña. Ora wak cu den Reino tin paisnan cu e opcionnan aki, mester evalua esaki y no tin nodi inventa e wiel di nobo, segun sr. Bikker.

Sistema cobra belasting
E hecho cu e belasting aworaki ta wordo cobra riba e pension di biehes, ta castiga un pensionado cu si e kier traha un poco bolo pa haya poco entrada extra, ta conta e dos entradanan aki hunto y nan tin cu paga belasting riba esaki. POR ta bisa cu e pension aki ta sagrado, no lo mester paga riba e parti aki di pension, Otmar Oduber ta enfatisa. Si un pareha of un pensionado kier haci actividad adicional esey ta posibel y no por castige door di aumenta loke e ta haci extra cu su pension, compara cu e bisiña cu porta ta cobra pension so y no ta paga nada di belasting riba e pension. Mescos cu a bisa tambe cu lo habri e discusion bek di participacion, actividadnan y obligacionnan social cu pensionadonan tin. Na e momentonan aki nan ta paga e suma completo di AZV, cual ta un peso  demasiado grandi riba nos pensionadonan.

Finalisando sr. Oduber a bisa cu esaki ta e mesun espiritu cu kier bin cu ne pa loke ta esunnan cu ta cobra bijstand/onderstand of ta ricibi cualkier ayudo social. Cu cierto momento ora cu nan kier yuda nan mes pa tin un bida mas digno pa por tin un miho biba, ta wordo castiga cu sea FCCA ta aumenta prijs di nan cas of ta reduci e fondo cu nan ta haya. Cual no ta e meta pa cual ta duna un ayudo social. Duna 2% of 15 Florin tur luna no ta yuda e persona cu tin un problema social, bo mester gara e problema na su rais, pues no duna personanan pisca pa come, sino siña nan con pa pisca pa nan por biba na un forma mas digno, el a conclui.

Expresionnan haci den e articulo aki no necesariamente ta refleha opinion di ArenaPoliti.co