{idkey=2988b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5342-phillip-lareine-acuerdo-cu-qredits-ta-solamente-un-di-e-tantisimonan-cosnan-positivo-cu-a-logra-den-un-siman-na-hulanda%3FItemid%3D101][title=Phillip+LaReine%3A+%26quot%3BAcuerdo+cu+Qredits+ta+solamente+un+di+e+tantisimonan+cosnan+positivo+cu+a+logra+den+un+siman+na+Hulanda%26quot%3B][desc=Phillip+LaReine%2C+di+oficina+di+Ministerio+di+Asuntonan+General+%26amp%3Bnbsp%3B+%26amp%3Bnbsp%3B%26amp%3Bnbsp%3BORANJESTAD+%E2%80%93+Un+di+e+personanan+cu+a+forma+parti+di+e+delegacion+di+Prome+Minister+Mike+Eman+na+Hulanda+ta+Phillip+laReine%2C+Chief+of+Staff+di+Oficina+di+Prome+Minister.+E+tabata+presente+tambe+den+tur+e+reunionnan+oficial+cu+Premier+Eman+a+tene+na+Hulanda.+Reunionnan+cu%2C+segun+LaReine%2C+tabata+hopi+positivo.+Un+di+e+logronan+importante+den+e+reunionnan+teni+na+Hulanda+tabata+esun+di+Qredits.Prome+Minister+Eman+y+C]}
Phillip LaReine, di oficina di Ministerio di Asuntonan General     

ORANJESTAD – Un di e personanan cu a forma parti di e delegacion di Prome Minister Mike Eman na Hulanda ta Phillip laReine, Chief of Staff di Oficina di Prome Minister. E tabata presente tambe den tur e reunionnan oficial cu Premier Eman a tene na Hulanda. Reunionnan cu, segun LaReine, tabata hopi positivo. Un di e logronan importante den e reunionnan teni na Hulanda tabata esun di Qredits.

Prome Minister Eman y CEO di Qredits Elwin Groenevelt a firma e acuerdo pa e fundacion non-profit por habri su filial na Aruba dia 4 di april proximo. Firmamento di e acuerdo a tuma luga na Hulanda den presencia di Hans Biesheuvel di Ondernemend Nederland y Minister Plenipotenciario Juan David Yrausquin.

LaReine a bisa cu pa logra haya establecimento di un filial di Qredits na Aruba, a cana un caminda largo. "Qredits ta un fundacion cu ta haci e trabou cu normalmente un banco ta haci. Nan ta yuda principalmente negoshinan cu ta den nan fase di “start up”.

Tin hopi persona cu tin ideanan atractivo pa cuminsa un negoshi. Sinembargo nan ta pasa den hopi problema pa haya e fondonan necesario pa pone e negoshi cuminsa draai. E motibonan principal ta trata di companianan chikito, empresarionan hoben cu no tin un record den maneho y no tin propiedad. Qredits no ta pidi nada di esaki como exigencia, pero si ta pidi e empresarionan pa participa den un programa cu ta duna guia con pa maneha un negoshi y ta yuda nan traha un “business plan” hopi cera p’asina e empresario mes ta garantisa continuidad di e compania. Empresarionan cu haci uzo di e servicio di Qredits por cuminsa nan negoshi hopi mas facil cu den un economia usual.

Un parti positivo di e relacion cu Qredits ta cu e comerciante tin acceso mas facil na su capital inicial y e placa ta wordo deposita riba un cuenta bancario Arubano. Asina ta cuminsa un relacion tambe entre e comerciante y e banco local, creando un record bancario. Segun LaReine, e idea ta cu den 5 aña e relacion ta asina estrecho, cu den e siguiente fase di su negoshi, e comerciante por sigui haci esaki cu e banco local. “Qredits tey pa e empuhe inicial den e mercado di Aruba y despues ta sali afo bek.”

E motibo importante cu a scoge pa Qredits ta debi na e experticio cu nan tin den e ramo aki. E hecho cu e ta un empresa di Reino ta haci e relacion hopi mas facil y nan ta hopi activo den comparti conocemento.

Pa finalisa LaReine a bisa cu e bishita di Prome Minister Eman tabata uno exitoso y e acuerdo cu Qredits ta solamente un di e tanto cosnan cu a wordo logra.

Expresionnan haci den e articulo aki no necesariamente ta refleha opinion di ArenaPoliti.co