{idkey=1135b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5380-joselin-croes-por-ta-comparti-e-resultado-di-e-focus-group-teni-cu-e-hobennan-di-universidad-di-aruba-riba-e-topico-economia-part-5%3FItemid%3D101][title=Joselin+Croes+%28POR%29%3A+ta+comparti+e+resultado+di+e+Focus+Group+teni+cu+e+hobennan+di+Universidad+di+Aruba+riba+e+topico+Economia.+%28PART-5%29][desc=Despues+di+2+seccion+hopi+interesante+y+na+unda+Joselin+a+scucha+y+si%C3%B1a+hopi+di+e+hobennan+cu+a+pone+nan+mes+disponibel+pa+comparti+cune+nan+inkietudnan+y+nan+deseonan+pa+un+miho+Economia+pa+Aruba.+Esaki+ta+e+ultimo+Focus+Group+cu+a+tene+cu+e+grupo+di+studiante+na+Universidad+di+Aruba%2C+pa+cual+un+biaha+mas+ta+gradici+nan+pa+nan+input+y+profesionalismo+y+ta+desea+nan+tur+calse+di+exito+cu+nan+estudio+y+cu+pronto+nan+por+termina+pa+drenta+e+mercado+laboral+pa+yuda+Aruba+crece+cu+hobennan+profesio]}
Despues di 2 seccion hopi interesante y na unda Joselin a scucha y siña hopi di e hobennan cu a pone nan mes disponibel pa comparti cune nan inkietudnan y nan deseonan pa un miho Economia pa Aruba. Esaki ta e ultimo Focus Group cu a tene cu e grupo di studiante na Universidad di Aruba, pa cual un biaha mas ta gradici nan pa nan input y profesionalismo y ta desea nan tur calse di exito cu nan estudio y cu pronto nan por termina pa drenta e mercado laboral pa yuda Aruba crece cu hobennan profesional.

Pa cu Economia nan input ta:

1. Nan ta preocupa cu turismo ta e unico pilar economico y nan ta preocupa pa e impacto negativo cu CITGO ta bay tin riba medio ambiente y kisas hasta turismo. Nan ta di opinion cu mester traha riba sector economico nobo pa crea cupo di trabou nobo y diversifica economia.
2. Nan lo desea pa Aruba inverti mas aun, un y tur cu kier inverti, den agricultura, cria y pesca, pa yuda nan cu incentivonan a largo plaso.
3. Nan ta di opinion cu nos leynan laboral pa e doño di trabou mester bira mas flexibel, claro semper cu proteccion pa e trahado. Nan como hoben ta bisa cu tin hopi hoben cu kier traha deeltijd y studia of keda wak pa yiu mitar dia of nan lo kier traha via contract pa un tempo defini, pa wak si nan ta gusta e trabou, locual aworaki no ta posibel. Nos leynan laboral ta crea un stagnacion den productividad y creatividad di un negoshi, pasobra bo no por kita ningun hende di trabou. E hobennan ta uza nos aparato gubernamental como ehempel.
4. Mester bin cu control severo riba prijs. Aruba ta birando caro y no tin control di prijs tumando lugar.
5. Mester introduci un plan di zonificacion pa stop cu den cada skina ta habri un supermarket of un restaurant of un bar. Esaki ta daña e barionan y baha balor di e casnan.
6. Trece waf di fruta bek como un parti di nos cultura y pa yuda baha prijs di fruta y berdura
7. Duna e trahado mas capacidad di compra door di baha Inkomstenbelasting y Loonbelasting y kisas compens’e cu un Sales Tax. Nan ta di opinion cu e belasting di Aruba ta un di esunnan di mas halto di mundo.
8. Nan ta desea un maneho estricto di inmigracion pa yuda tene e placa na Aruba. Pues pa nos stop di promove pa un persona so bin Aruba su so, manera por ehempel un inwonende dienstbode y of trahadornan individual, cu no mag di bin cu nan famia pa e prome 3 añanan. Miho ta laga e pareha jong bin hunto, pa asina nan crea nan bida y hogar aki na Aruba hunto, pa tene nan placa cu nan ta gana aki na Aruba y no pa nan manda tur placa afo pa nan famia.
9. Mester bin cu un control severo riba negoshinan, comerciante y trahadornan ilegal, pasobra esaki ta kibra e negociantenan Arubiano y e ta daña e economia di Aruba. 

Expresionnan haci den e articulo aki no necesariamente ta refleha opinion di ArenaPoliti.co