{idkey=6326b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F559-rudy-richardson-mep-e-diferencia-entre-nan-cu-nos%3FItemid%3D101][title=Rudy+Richardson+%28MEP%29%3A+E+diferencia+entre+nan+cu+nos][desc=Arubaanse+Volks+Partij+v.s+Movimiento+Electoral+di+Pueblo+Nos+digno+pueblo+por+wak+un+gran+diferencia+entre+e+dos+partidonan+den+Gobernacion.+Desde+inicio+di+nos+Status+Aparte+na+1986.+Un+lucha+cu+nos+L%C3%ADder+immortal+efm+Gilberto+Fran%C3%A7ois+Betico+Croes+a+logra.+Un+anhelo+di+nos+digno+pueblo+cu+desde+1948+a+keda+pega+cu+partido+AVP.+Ta+MEP+cu+a+wordo+funda+na+9+di+Februari+1971+cu+e+proposito+di+uni+Aruba+den+su+totalidad+pa+por+logra+duna+Aruba+su+Libertad+y+derecho+di+Autodeterminacion.+E+lucha]}
Arubaanse Volks Partij v.s Movimiento Electoral di Pueblo

Nos digno pueblo por wak un gran diferencia entre e dos partidonan den Gobernacion. Desde inicio di nos Status Aparte na 1986. Un lucha cu nos Líder immortal efm Gilberto François Betico Croes a logra. Un anhelo di nos digno pueblo cu desde 1948 a keda pega cu partido AVP. Ta MEP cu a wordo funda na 9 di Februari 1971 cu e proposito di uni Aruba den su totalidad pa por logra duna Aruba su Libertad y derecho di Autodeterminacion. E lucha no tawata facil pasobra tawatin forsanan ajeno cu no tawata kier pa Aruba sali di e cadena di esclavitud. Cu liderazgo di un gran Arubano nos digno pueblo a logra pero di inicio partido AVP a buta trampa. Na 1986 nan a laga Mep afo e tempo ey nos prestgioso partido a saca no menos di 8 asiento cu 13.786 voto. Betico a saca 8879 voto pero asina mes EX-Premiere Henny Eman ruman di Mike Eman a saca 7 asiento cu 11.480 voto. Henny a saca 4949 voto. Nos por wak e grandesa di nos Libertador cu 55.73% voto mas. Henny a cera Gobierno cu partidonan chikito manera PDA 2, PPA 2 y ADN 2 lagando MEP den oposición.

Di e momento ey AVP tawata un partido cu ta representa esnan di Playa cu interesnan Capitalista anto nos di MEP tawata esnan di Campo of mihor bisa di segunda clase. Betico no por a bira Minister den AVP pasobra e no tawata un Playero consecuentemente e la funda su mesun partido. Recientemente nos por a wak un Playero Ex-Minister fracasa di Financias Sr. Juan David Irausquin con e la wordo traiciona pa Lider actual di AVP Sr. Mike Eman. E mesun partido aki a saca efm Juancho E. Irausquin cu a funda PPA un partido SocialDemocrata. Locual mi kier mustra e digno pueblo di Aruba cu AVP semper a goberna a base di discriminacion y prioridadnan robes.

Awe 2015 den Gabinete Mike Eman II no tin diferencia despues di 29 aña e partido aki ta enriquece nan AMIGONAN riba costia di nos pueblo anto crea un sociedad marginal unda cu e clase trahador no por biba cu Dignidad.

Partido AVP a priminti di baha BBO na 2009 te dia di awe ta subi so e ta subi. Na personeelskosten y goederen en diensten nos pueblo ta paga 66% di nos presupuesto nacional. Na interés nos ta paga 13% na debe, 8% bijdrage di AZV ban spera e extra 1% BAZV wordo usa pa cuido medico di nos pueblo y no ta sigui fiesta y bai hala di conferencia sin trece balor agrega. 10% pa Subsidies en overdrachten esaki ta e problema actual cu SKOA cu aumento di schoolgeldt pasobra Gobierno no ta subsidia suficiente placa pa prioridad di nos pueblo. A presta y malgasta 4Biyon florin den 5 aña. 2% pa Overdrachten aan FDA esey ta e fondo cu Gobierno Hulandes y Aruba ta buta pa yuda desarrollo na Aruba segun Ex-Miniser Fracasa Mike De Meza Hulanda no ta yuda Aruba cu nada un MENTIRA flagrante. Anto e ultimo 1% di nos presupuesto a bai den INVESTERINGEN (KLINKERS) un berguensa nacional di 4Biyon florin. San Nicolaas a keda atras atrobe manera mi articulo ta bisa mas ariba AVP ta un partido ANTI-PUEBLO y sigur no ta un partido cu Aruba y su digno pueblo na pecho. Pero nos pueblo a laga MATERIALISMO vence IDEALISMO.

Rudy R. Richardson
Miembro di MEP

Expresionnan haci den e articulo aki no necesariamente ta refleha opinion di ArenaPoliti.co